Hulimahu Hásuumaahu loon Saŋ akiic homuu 12:40 - Jola-Kasa

⁴⁰ «Ateemit lámibiimíb kúkil, ban li akaaniil kul̥aal̥ uyinum, bájum li kújukaati li kúkiliil, li kúnaanumaati li uyinumiil, jakum bil kútiiwowul kúlaañul boot búmbaam, min ifakeniil.»

Hulimahu Hásuumaahu loon Saŋ akiic homuu 12:40 Referencias Cruzadas

Máciya 15:14

Jikatiil bo. Laalu bukan káfuume kayabe hákil bukan káfuume boot min kúhiisiil bútinabu! Ban an áfuume ajowumuu ayab hákil afaalool áfuumandiin boot min áhiisool bútinabu, buko kúl̥uba feh fan kulo li buwokaay.

Maak 4:12

bájum: «Li kunaak kujuke, bale let kujuk. Li kujam jak, bale let kúnaanum maayeet tuf. jakum bil kúlaañul bata Ateemit, min Ateemit abonketiil.»

Maak 6:52

mata li mal̥egenamu kuliitikenut waa bújaahalenumabu ban Yéesu akaanumuu, bata kúmbuuluwaku bulobe, mata kul̥al̥l̥aal̥ uyinum.

Hulimahu Hásuumaahu loon Lík akiic homuu 4:18

«Buyinumabu Banabaabu bata Amaaŋenawu bumbu lí ínje, mata lal̥usonl̥us boot kawaale Hulimahu Hásuumaahu kusukateenabuku. Amaaŋenawu láboñulomboñul boot elob mata kafakenaku kata kajokimuu. Min íji káfuumumuu li kulaañ kujuk, boot kákotul kágootenimuu.

Hulimahu Hásuumaahu loon Lík akiic homuu 8:10

Yéesu li aaniil: — Ateemit lakaanuukaan jihaas wahawu wahaasutimuu wata Jáyiiyaju joola. Bale kaabuku fan kújamum wahawu unwu li búkittenolum bájum: «Li kujuke, ban let kujuk, li kujam, ban let kúnaanum.»

Hulimahu Hásuumaahu loon Saŋ akiic homuu 12:39

Wahawu unwu újimuu kuyilaat kúyinen. Ban Esay li amit alaañen alob wahawu wájimuu bukanabuku umbuku kuyilaat kúyinen, aan:

Hulimahu Hásuumaahu loon Saŋ akiic homuu 9:39

Muñeˈe Yéesu li aan: — Libiibil li adunaayi inye mantee batiib li bubaj, min káfuumumuu kujuk, kajukemuu li kúfuum.

Bakaanelabu 15:3

Ejanguwayi li elambeniil li wah wan kóotummuu kuŋa’ min kujow kañaahoolaku. Muñeˈe li kújowum Feniisi li Samali, min kunaak kukitten buu kákaanumutumuu li Ateemit balewool kútiiwomuu kúyinen li Ateemit. Nan kutuyiil feh káyinenumuu kujamumuu loon muñaˈa, li kubaj ésuumahukow yáamak.

Bakaanelabu 28:26

Laaniisaan: «Ujow boot bata bukanabuku umbuku ujow ooniil: fan jijam jak, bale let jínaanum; fan jijuke jak, bale let jijuk.

Bakaanelabu 3:19

Muñeˈe kama jibet búsol baloŋelabu booluul buhaanabu, min jílaañul boot bata Ateemit, bájum li abonket uhoofoolawu wooluul.

Kata Lom 9:18

Mó mújimuu, Ateemit fan áyiyen an an afañe, li al̥aal̥en buyinum bata an an súumool.