Hulimahu Hásuumaahu loon Saŋ akiic homuu 12:38 - Jola-Kasa

³⁸ bájum hulimahu han Esay alobumuu, ammuu afulofet li hubaj. Esay lansaan: «Amaaŋen, ayi áyinene li bawaaleyelabu? Ayi Amaaŋenawu áhiisumuu sembaasu soola?»

Hulimahu Hásuumaahu loon Saŋ akiic homuu 12:38 Referencias Cruzadas

Máciya 15:7

Min jíhoolo muñowu! Esay ammuu afulofet lakonkooŋ li bukuluul, nan aanumuu:

Máciya 16:17

Yéesu li aanool: — Awólo Simoŋ, añiil ata Sonaas, mata inti an áhiisi wahawu unwu, bale Atuubawom ammuu haatiya.

Máciya 27:35

Muñeˈe li kubaaŋ Yéesu li ekuluwa, ban li kuñak kútuken kuyiliwum kugaboo wañawu woola.

Hulimahu Hásuumaahu loon Saŋ akiic homuu 12:37

Maayeet min Yéesu akaanumuu úhiisenum wameeŋe wájaahaleniye hákiliil, Kusuwifaku kúyinenut li akila,

Hulimahu Hásuumaahu loon Saŋ akiic homuu 12:39

Wahawu unwu újimuu kuyilaat kúyinen. Ban Esay li amit alaañen alob wahawu wájimuu bukanabuku umbuku kuyilaat kúyinen, aan:

Hulimahu Hásuumaahu loon Saŋ akiic homuu 15:25

Bale wahawu unwu wóotisooti ubaj bájum hulimahu hakiicimuu li Eluwaayi li ubaj, haanumuu: «Kulatonlat maayiiñ.»

Hulimahu Hásuumaahu loon Saŋ akiic homuu 17:12

Nan ilakomuu li buko, li sembaasu sata kajawaku kooli lífooyumiil, kajawaku kan usenommuu. Lifooyiifooy, ban bajut an li buko ájime. Anawu afimmuu min áatiye ájim, akila bale ájimumuu, min kaan loon Bakiicelabu bulobumuu.

Hulimahu Hásuumaahu loon Saŋ akiic homuu 19:24

Kusollaaliyaku li koonoo: — Jakum uhaaculaal húsabadoolahu, bale uñakaal kútuken min uhaasaal anawu ammuu li aŋa’ ho. Muñowu hulimahu han Bakiicelabu bulobumuu húbajummuu, haanumuu: «Kugaboogaboo wañawu wúmbaam, ban li kuñak kútuken min kuhaas ayi ammuu aŋa’ kañaku kúmbaam.» Wahawu unwu kusollaaliyaku kukaanumuu.

Kata Lom 10:16

Bale bukanabuku feh kútuulut Hulimahu Hásuumaahu. Li mal̥egenamu, Esay lansaan: «Amaaŋen, ayimaa áyinene hulimahu han áloli jiwaaleyemuu?»

Kata Lom 10:20

Esay akila li akaañen aan: «Likaakat bukanabuku kalakowutommuu huŋes min kujukom. Li ílaŋul hákil bukan kaŋesut min kuhaas múmbaam.»

1 Kata Koolent 1:24

Bale bukanabuku kan Ateemit ahooñumuu, lako Kusuwif mantee foof kaletumuu kusuwif, li buko Kilisita ammuu sembaasu sata Ateemit, ban li áami foof bújallowabu bata Ateemit.

Kata Galasi 1:16

Muñeˈe nan anongumuu min akaanom ihaas Añoolool mantee li ikaan bukanabuku kaletumuu kusuwif min kuhaasool, iyaanut ijow igel̥l̥en an min asaabom.