Hulimahu Hásuumaahu loon Saŋ akiic homuu 11:20 - Jola-Kasa

²⁰ Nan Maaluta ajamumuu kaanaku Yéesu ummu li ebil, li ajow kufam. Bale Mali li abah alako li éluufayi.

Hulimahu Hásuumaahu loon Saŋ akiic homuu 11:20 Referencias Cruzadas

Máciya 25:1

— No unnu, Jáyiiyaju jata Ateemit fan jikittenoolumi li básungute kuŋen, kaŋale sihiitumasu sooliil min kúfu’ boot kayallo ábutowaawu.

Máciya 25:6

«Nan hukahu hujowe hulitumuu, akee li alob butiya aan: “Abútowaawu umme! Jífulul jijow jiyallowool!”

Hulimahu Hásuumaahu loon Saŋ akiic homuu 11:30

(No unnu, Yéesu bánokenuloloot li ésukayi. Okila baloŋe tan kufamumuu buko li Maaluta.)

Bakaanelabu 10:25

Muñeˈe nan Fiyeel alakomuu li anoken li eluufayi, Kooluney li abil ayallowool. Li ákuntuŋ hákilool min asaafool.

Bakaanelabu 28:15

Kútuyoli li káyinenaku kata Lom, li kujam móololi, li kubil boot yok tin emalisaayi yata Afíyis, li boot tin koonemuu Ufóoyum Uháaji, kubil jifam to. Nan Fool ajukiilumuu, li asal Ateemit ban li abaj kawankulen.

1 Kata Tesalonik 4:17

Muñeˈe fúlum tómuu, bukanabuku kammuu kulako no li buloŋ, fan kuŋalooli li mano li buko min kújowum li ufaalawu min kujow kufam li Amaaŋenawu haatiya. Muñowu lóotumaalumuu ulakowaal li Amaaŋenawu boot nanoonan.