Hulimahu Hásuumaahu loon Saŋ akiic homuu 11:11 - Jola-Kasa

¹¹ Nan Yéesu alobumuu kulimaku unku aban, li afamen aan: — Abukewolaal Laasaal lámoolimooli, bale boot min ijow íliwool.

Hulimahu Hásuumaahu loon Saŋ akiic homuu 11:11 Referencias Cruzadas

Máciya 27:52

Kuyaakaku li kúbabulo min kameeŋe li bukanabuku káyinenumuu li Ateemit ban li kuket, kuyitowul.

Máciya 9:24

Muñeˈe li aaniil: — Jífu’. Jísungutaaju unju jiketut, bale jímoolimooli. Kalako tomuu li kúl̥uwool.

Maak 5:39

Muñeˈe Yéesu li anoken li eluufayi áliiŋ li aaniil: — Wáa újiye kágul̥uñoolaku unku li kubaj? Wáa újiye li joono li búluulen? Jísungutaaju jiketut, jímoolimooli bale.

Hulimahu Hásuumaahu loon Saŋ akiic homuu 11:10

Bale an ajowumuu li huk, fan ajonten mata abajut mawuŋe káta láalawool.

Hulimahu Hásuumaahu loon Saŋ akiic homuu 11:12

Kúgoomaku li koonool: — Anahaan, nokoomuu loon lámoolimooli, fan afak.

Hulimahu Hásuumaahu loon Saŋ akiic homuu 11:13

Yéesu mata eketayi yata Laasaal lalakowe elob, bale kúgoomaku li kuyinoo li koon mata kámooli lalakowe elob.

Hulimahu Hásuumaahu loon Saŋ akiic homuu 11:3

Mali buko li Maaluta kammuu batuyaay li kuboñ kujow koon Yéesu: — Anahaan, Abukeyi an uboolaatumuu lásomuusomut.

Hulimahu Hásuumaahu loon Saŋ akiic homuu 3:29

Anáyinaawu an kóomi li ébuto li anaale okila akile anaalaawu. Bale abukaawu ata ánayinaawu ammuu li ébutowayi fan ajow akoojool min ajantenool, min súumool ŋáa’ okila bajame hulimahu hata ammuu li ébutowayi. Esúumansuumayi inyu yommuu lí ínje, ban súumonsuum muñeˈe li mal̥egen.

Bakaanelabu 7:60

Fúlum tó, Ecen li ákuntuŋ ban li akaaw butiya aan: — Amaaŋen, ubonketiil kahoofoolaku unke. Nan alobumuu kulimaku unku aban, li awalo.

1 Kata Koolent 15:18

Yo yommuu foof kama káyinenumuu li Kilisita ban li kuket, kújinjim bándoo.

1 Kata Koolent 15:34

Jílaañul jikaan uyinumuul jak, ban li jikat kahoofoo. Li mal̥egenamu, kukee li bukuluul kuhaasut Ateemit. Lilobuulob mo boot li ñisuu ñooluul.

1 Kata Koolent 15:51

Boot min ilobuul wah wahaasuti: let ololaal foofolaal feh óomi li uketaal, bale alolaal foofolaal feh siniilasu soololaal fan síbutoo.

Kata Efées 5:14

Li mal̥egenamu, wahoowah feh wakaani li mawuŋe, wo humum wo fan ulako mawuŋe. Wahawu unwu újimuu li koon: «Ulíwo, awu jámoolimuu, uyitowumul li kaketumuu, min mawuŋamu mata Kilisita muhiiteni.»

1 Kata Tesalonik 5:10

Mata Kilisita lakeeket boot li ololaal, bájum, ulakowaal li buloŋ mantee foof li uketaal, li úloŋumaal li akila nan ammuu li abil.

Saak 2:23

Muñowu jówoolummuu min kulimaku kan Bakiicelabu bulobumuu kubaj, kaanumuu: «Abulaham láyinenyinen li Ateemit, mó lí múji Ateemit li ajokool an acole.» Ban mo foof mújimuu Abulaham li ahooñi abuke ata Ateemit.