Hulimahu Hásuumaahu loon Saŋ akiic homuu 10:4 - Jola-Kasa

⁴ Nan ammuu akaan ko feh kúfulul tíyaŋ aban, li ajow ayab ko hákil min kúnabul li akila, mata kuhaase hulimahu hoola.

Hulimahu Hásuumaahu loon Saŋ akiic homuu 10:4 Referencias Cruzadas

Máciya 16:24

Nan fú’ tómuu, Yéesu li aan kúgoomaku koola: — An afañumuu min ánabul lí ínje, li akat kayinoo mata buloŋool. Ateb ekuluwaayi yoola, min ánabul lí ínje.

Hulimahu Hásuumaahu loon Saŋ akiic homuu 10:16

Libaje foof kúgalalaan kakee kalet li hukokahu unhu. Leete imat kúgalalaanaku unku foof. Fan kujanten hulimahu húmbaam, min kulako bumat bano babaje amata ano.

Hulimahu Hásuumaahu loon Saŋ akiic homuu 10:27

Kúgalalaanaku kúmbaam kujantenejanten hulimahu húmbaam. Lihaas ko, ban li kunaak kúnabul lí ínje.

Hulimahu Hásuumaahu loon Saŋ akiic homuu 10:3

Afooyaawu ata kámbiilaku fan ábabulool, kúgalalaanaku li kujanten hulimahu hoola. Li ahooñ kúgalalaanaku koola hanoohan li kajawaku kata ho, min áfuletum kó tíyaŋ.

Hulimahu Hásuumaahu loon Saŋ akiic homuu 10:5

Kúgalalaanaku let kunab li an an kuhaasut, bale fan kuteyool lóyi, mata kuhaasut hulim hata ajawoola.

Hulimahu Hásuumaahu loon Saŋ akiic homuu 10:8

Bukanabuku feh kabilumuu tówum ínje ibil, ékuu li bukan kajakut. Bale kúgalalaanaku kujantenutiil.

Hulimahu Hásuumaahu loon Saŋ akiic homuu 12:26

An afañumuu min alok boot lí ínje, anawu ummu laate ánabul lí ínje, bájum tan emmuu li ilako, alokaawu úmbaam foof li alako to. An alokumuu boot lí ínje, fan abaj kasal hákil Atuubawom.

Hulimahu Hásuumaahu loon Saŋ akiic homuu 13:15

Li mal̥egenamu, likankaan loon muñaˈa min íhiisuul, bánum bukuluul foof li jinaak jikaan loon ínje ikaanuulumuu.

Hulimahu Hásuumaahu loon Saŋ akiic homuu 18:37

Muñeˈe Filat li aanool: — Kama áyii loom? Yéesu li aanool: — Lulobulo mo awu humumi, ínje áyii. Libukibuk ban li ibil li adunaayi boot elob bukanabuku mata mal̥egenamu. An áamimuu ata mal̥egenamu fan ajanten hulimahu húmbaam.

Hulimahu Hásuumaahu loon Saŋ akiic homuu 3:29

Anáyinaawu an kóomi li ébuto li anaale okila akile anaalaawu. Bale abukaawu ata ánayinaawu ammuu li ébutowayi fan ajow akoojool min ajantenool, min súumool ŋáa’ okila bajame hulimahu hata ammuu li ébutowayi. Esúumansuumayi inyu yommuu lí ínje, ban súumonsuum muñeˈe li mal̥egen.

1 Kata Koolent 11:1

Jiliikoo lí ínje, loon ínje humumom iliikoolemuu li Kilisita.

Kata Efées 5:1

Emmuu bukuluul bañiil joom ban Ateemit aboolaat, kama jikaan loon akila akaanemuu.

Eébulo 12:2

Uŋalaal sítiijolaal feh ukaanaal li Yéesu, ájimuu li ubajaal káyinen ban li ajow li ko boot to. Lakaakat bo ésuumansuumayi yan áatimuu abaj, min aan éehe’ min aket li ekuluwaayi bajukelut li ñisuuwañu ñáamimuu li eket loon inyu. Muñeˈe okila ummu min abahe kaŋen kúli efenjeŋayi yata jáyiiyaju jata Ateemit.

Eébulo 6:20

Dó úndu Yéesu ajandolaalumuu ajow, anokenumuu boot li alolaal, ban li alako álamba áamak loon Melikisedek, boot nanoonan.

1 Fiyeel 2:21

Wahawu unwu Ateemit ahooñuulumuu boot, mata Kilisita humumool lálallaam boot li bukuluul. Lakatuukat to bukittenoolum bájum li jinab li kootaku koola.

1 Fiyeel 4:1

Emmuu Kilisita lálallaam li eniilayi yoola, bukuluul foof joote kama jibaj kayinoolaku kanolaku kammuu unke: anawu álaamumuu li eniilayi yoola, labandoole li kahoofoolaku.

1 Fiyeel 5:3

Jakum jiŋes kágooten bukanabuku kan kusenuulumuu jooken, bale jilako bukittenoolum bajake boot li bumatabu.