Hulimahu Hásuumaahu loon Saŋ akiic homuu 10:27 - Jola-Kasa

²⁷ Kúgalalaanaku kúmbaam kujantenejanten hulimahu húmbaam. Lihaas ko, ban li kunaak kúnabul lí ínje.

Hulimahu Hásuumaahu loon Saŋ akiic homuu 10:27 Referencias Cruzadas

Máciya 16:24

Nan fú’ tómuu, Yéesu li aan kúgoomaku koola: — An afañumuu min ánabul lí ínje, li akat kayinoo mata buloŋool. Ateb ekuluwaayi yoola, min ánabul lí ínje.

Máciya 17:5

Nan Fiyeel alakomuu elobayi, kafaal kahiite li kúhimeniil. Hulim háfulumulo li kafaalaku li hoon: — Laalu Añoolom an iboolaatumuu. Buyinumom feh li akila boom. Jijantenool.

Máciya 25:12

Bale ábutowaawu li aaniil: “Li mal̥egenamu fan ilobuul, ihaasutuul.”»

Máciya 7:23

No unnu, fan ilobiil bújooŋoo eeniil: «ihaasutuul maayeet. Jiyinno téetiwom, bukuluul jájakaati muñowu!»

Maak 10:21

Muñeˈe Yéesu li ajuke ánayinaawu li súumool, li aanool: — Wah wano bale usaŋoyi kakaan: Ujow újula wahawu feh wan ubajumuu, ban li uŋa’ sídalamasu ugaben esukateenayi. Ukaan momuu, fan ubaj hubaj li emitayi. Banumuu, li ubil únabul lí ínje.

Maak 8:34

Muñeˈe nan fú’ tómuu, Yéesu li áhooñul búsukabu li kúgoomaku koola, min aaniil: — An afañumuu min ánabul lí ínje, li akat kayinoo mata buloŋool. Ateb ekuluwaayi yoola, min ánabul lí ínje.

Hulimahu Hásuumaahu loon Lík akiic homuu 13:27

Bale fan alaañen aanuul: “Ihaasut bay jífulumulo. Jíloyiyom, bukuluul jakaanemuu majakut.”

Hulimahu Hásuumaahu loon Lík akiic homuu 9:23

Nan fú’ tómuu, Yéesu li aan bukanabuku feh: — An afañumuu min ánabul lí ínje, li akat kayinoo mata buloŋool. Ateb hunakoohunak ekuluwaayi yoola, min ánabul lí ínje.

Hulimahu Hásuumaahu loon Saŋ akiic homuu 10:14

Injé, ínje emmuu amataawu ajakaawu. Lihaase kúgalalaanaku kúmbaam ban kúgalalaanaku kúmbaam kuhaasom,

Hulimahu Hásuumaahu loon Saŋ akiic homuu 10:16

Libaje foof kúgalalaan kakee kalet li hukokahu unhu. Leete imat kúgalalaanaku unku foof. Fan kujanten hulimahu húmbaam, min kulako bumat bano babaje amata ano.

Hulimahu Hásuumaahu loon Saŋ akiic homuu 10:8

Bukanabuku feh kabilumuu tówum ínje ibil, ékuu li bukan kajakut. Bale kúgalalaanaku kujantenutiil.

Hulimahu Hásuumaahu loon Saŋ akiic homuu 12:26

An afañumuu min alok boot lí ínje, anawu ummu laate ánabul lí ínje, bájum tan emmuu li ilako, alokaawu úmbaam foof li alako to. An alokumuu boot lí ínje, fan abaj kasal hákil Atuubawom.

Hulimahu Hásuumaahu loon Saŋ akiic homuu 21:22

Yéesu li aanool: — Ifañumuu min aloŋ boot nan emmuu li ibil ílaañul, waa butumi bóomi bó? Awu únabul lí ínje!

Hulimahu Hásuumaahu loon Saŋ akiic homuu 5:25

Li mal̥egenamu fan ilobuul: taŋayi inyu li ebil, ban eyaane éliiŋul eban, nan kaketumuu kommuu li kujam hulimahu hata Añiilawu ata Ateemit, ban kammuu li kujam ho fan kuloŋ.

Hulimahu Hásuumaahu loon Saŋ akiic homuu 8:12

Yéesu li alaañen alob li búsukabu aaniil: — Injé emmuu mawuŋaamu mata adunaayi. An anabumuu lí ínje fan abaj mawuŋaamu mata buloŋabu, ban let ájowum li élim maayeet.

Hulimahu Hásuumaahu loon Saŋ akiic homuu 8:43

Kama wáa újiye jínaanumut wahawu wan ilobuulumuu? Mata jiyilaat jijanten hulimahu húmbaam.

Bakaanelabu 3:23

Anoowan li bukuluul aatutumuu ajanten afulofetawu ummu, fan áfunni li ésukayi yata Ateemit, min amuki.”

1 Kata Koolent 8:3

Bale an afañumuu Ateemit, anawu ummu Ateemit lahaasool.

Kata Galasi 4:9

Bale muñeˈe nan jihaasumuu Ateemit — booteen min een muñeˈe nan Ateemit ahaasuulumuu — buu jiyilo jimit jilaañ li múkaaniinamu ummu mabajutumuu jáliiŋ yanooyan? Waa, jifañe min jilaañen jilako emiikeel yata wahawu unwumaa?

2 Tímote 2:19

Bale kúlankiinaku kal̥aal̥aaku kan Ateemit awalenumuu teetaam tówum eluufayi eteefi, kuyilaat kugoloo. Kulimaku unke kúkiici lómuu: «Amaaŋenawu lahaase bukanabuku kammuu koola.» Li foof: «An aanumuu okila Amaaŋenawu akilool, anawu ummu laate áloyi majakut.»

Eébulo 3:7

Wahawu unwu újimuu, loon Buyinumabu Banabaabu bulobumuu: «Síyaat, jijamumuu hulimahu hata Ateemit,

Búhiisenumabu 14:4

Bukanabuku umbuku buko kuhintowutumuu li kanaale, min kulako bukan kanabe. Li kunaak kunab li Agálalaanawu tanootan tan ajowe. Li bukanabuku feh, umbuku kufakenimuu min kulako bukanabuku kútinaalabuku kan kusenumuu Ateemit li Agálalaanawu.

Búhiisenumabu 3:20

Ujanten, ínje umme min iyitowe tin kámbiilaku min ikonkongen. An ajamumuu hulimahu húmbaam ban li ábabul kámbiilaku, fan inoken boola min jitiñ dín dáno fóofoli kúl̥uba.