Hulimahu Hásuumaahu loon Saŋ akiic homuu 10:10 - Jola-Kasa

¹⁰ Akúu labilebil boot ékuwet bale, jamuk li kakajen. Injé libiibil boot min bukanabuku kubaj buloŋabu, ban li kubaj bo li mal̥egen.

Hulimahu Hásuumaahu loon Saŋ akiic homuu 10:10 Referencias Cruzadas

Máciya 18:10

— Jíkaanum! Jakum jibes akee li bukanabuku umbuke kan káyinenaku kooliil lí ínje kulitutumuu. Mata fan ilobuul, li emitayi kumalakaaku kooliil kumbuku nanoonan hákil Atuubawom ata haatiya.

Máciya 18:11

Mata Añool-An labiibil boot kafaken bukanabuku kájimumuu.

Máciya 20:28

Mo foof Añool-An abilutumuu boot min abaj emiikeel, bale min alako amiikeel. Ban li asen buloŋool bulako búhal boot li bukan kameeŋe.

Máciya 21:13

Yéesu li aaniil: — Hulimahu hata Ateemit hoone: «Eluufayi yúmbaam fan ehooñi eluuf yata kal̥aw.» Bale bukuluul li jilaañen yo elako kawokaay kata ékuu.

Máciya 23:13

— Katek kujow kulako li bukuluul jaliikenemuu ésukayi Eluwaayi yata Móyiis li bukuluul Kufaaliisiyeŋaku jáhoolo muñowu! Mata jibabebab kámbiilaku kata Jáyiiyaju jata Ateemit jilaañen bo bukanabuku. Bukuluul humumuul let jinoken dó. Ban let jikat kafañumuu kunoken dó, min kunoken.

Maak 11:17

Fú’ tó, li alob bukanabuku aaniil: — Kama inti Hulimahu hata Ateemit honsoon: «Eluufayi yúmbaam fan ehooñi eluuf yata kal̥aw boot li sihetasu feh!» Bale bukuluul li jilaañen yo elako hugoog hata ékuu.

Hulimahu Hásuumaahu loon Lík akiic homuu 19:10

Mata Añool-An labiibil huŋes li kafaken bukanabuku kájimumuu.

Hulimahu Hásuumaahu loon Saŋ akiic homuu 10:1

Yéesu li aan: — Li mal̥egenamu fan ilobuul: an ánokenumutumuu li kámbiilaku kata hukokahu hata kúgalalaanaku, min aŋitowum tikee álolo, anawu ummu ákuu, an ajakut.

Hulimahu Hásuumaahu loon Saŋ akiic homuu 10:11

«Injé emmuu amataawu ajakaawu. Amataawu ajakaawu fan asen buloŋabu boola boot li kúgalalaanaku.

Hulimahu Hásuumaahu loon Saŋ akiic homuu 12:47

An ajamumuu kulimaku kúmbaam, ban anabut li ko, inti ínje emmuu li itiibool, mata ínje ibilut boot katiib adunaayi, bale boot kafaken yo.

Hulimahu Hásuumaahu loon Saŋ akiic homuu 12:6

Min Sudaas Isikaaliyot alobumuu loon muñaˈa, inti eeniseen mantee okila ayinoole mata bukanabuku kagayimuu, bale mata lakankaan ákuu. Akila anaake aaken abootaawu ata sídalamasu, ban li anaak aŋa’ wahawu wan kunaake kukaan dómuu.

Hulimahu Hásuumaahu loon Saŋ akiic homuu 3:17

Ateemit áboñuloot Añoolool li adunaayi boot batiib bukanabuku kammuu li adunaayi, bale min áfakenum bukanabuku kammuu li adunaayi li akila.

Hulimahu Hásuumaahu loon Saŋ akiic homuu 5:40

Bale jifañut min jibil búmbaam mantee li jibaj buloŋabu bábaneliitumuu.

Hulimahu Hásuumaahu loon Saŋ akiic homuu 6:33

Mata li mal̥egenamu, húmbuuluwahu hata Ateemit ho hubilumulomuu li emitayi, ban ho husenemuu buloŋ adunaayi.

Hulimahu Hásuumaahu loon Saŋ akiic homuu 6:51

Injé emmuu húmbuuluwahu haloŋumuu, habilummuu li emitayi. An atokoñumuu húmbuuluwahu unhu, fan aloŋ boot nanoonan. Ban húmbuuluwahu han emmuu li isen bájum adunaayi li eloŋ, ho hommuu eniilayi yúmbaam.

Kata Lom 2:21

Kama awu aliikenemuu kaabuku, wáa újiye let uliikenoolo awu humumi? Awu awaaleyemuu oon jakum an ákuwet, wáa újiye awu li unaak úkuwet?

1 Tímote 1:15

Hulim unhe hata mal̥egen hatooke min ésukayi feh eyab ho: Yéesu Kilisita labiibil li adunaayi boot kafaken kuhoofoola. Ban ínje humumom emmuu átinaa li kuhoofoolaabuku umbuku feh.

Eébulo 6:17

Muñowu Ateemit afañumuu min áhiis haŋ maset bukanabuku kammuu li kubaj wahawu wan alobumuu kasen, kaanaku wahawu wan akila alobumuu an ayilaat wó áfulen. Wahawu unwu újimuu li anuu afamen to.

Eébulo 7:25

Wahawu unwu újimuu, layilo afaken ñano ban kale bukanabuku kájowummuu li okila min kukooj Ateemit, mata okila ummu li buloŋ min anaak al̥aw Ateemit boot li bukanabuku umbuku.

2 Fiyeel 1:11

Li mal̥egenamu, muñowu Ateemit ammuu li akaanuul min jiyili jinoken li Jáyiiyaju jaano tomuu boot nanoonan, jata Amaaŋenawu li Afakenaawu oololaal Yéesu Kilisita.