Hulimahu Hásuumaahu loon Saŋ akiic homuu 1:9 - Jola-Kasa

⁹ Mawuŋaamu ummu, mo bale mommuu mawuŋe mata mal̥egen, mabilumuu li adunaayi min muwuŋen bukanabuku feh.

Hulimahu Hásuumaahu loon Saŋ akiic homuu 1:9 Referencias Cruzadas

Máciya 6:23

Bale kúkilaku kooli kujakutumuu, eniilayi yooli feh fan elako li élim yáamak. Mó mújimuu mawuŋeyamu máamimuu li awu mulaañumuu mulako élim, élim yay yóomi li ehaŋ élimayi inyu.

Hulimahu Hásuumaahu loon Lík akiic homuu 11:36

Nokoomuu loon eniilayi yooli feh ehiiteni, ban bajut tikee yo tan líme, fan elako li mawuŋe foof yo feh, loon nan ehiitum ejaaŋeneyimuu li mawuŋaamu mata yó.

Hulimahu Hásuumaahu loon Saŋ akiic homuu 1:4

Li Hulimahu buloŋabu bulakowe. Ban buloŋabu bulakomuu mawuŋaamu mata bukanabuku.

Hulimahu Hásuumaahu loon Saŋ akiic homuu 1:7

Saŋ li abil boot elob bukanabuku mata mawuŋaamu, bájum bukanabuku feh li kúyinenum li akila.

Hulimahu Hásuumaahu loon Saŋ akiic homuu 12:46

Injé ammuu mawuŋaamu libiibil li adunaayi, bájum an áyinenumuu lí ínje, let alako li élim.

Hulimahu Hásuumaahu loon Saŋ akiic homuu 14:6

Yéesu li aanool: — Injé emmuu bútinabu, li mal̥egenamu, li buloŋabu. An ayilaat ajow bata Atuubaawu, okila bájowumut lí ínje.

Hulimahu Hásuumaahu loon Saŋ akiic homuu 15:1

Yéesu li alaañen aan: — Injé emmuu búbiiñabu bata mal̥egen. Atuubawom okila ammuu alokaawu ata úbiiñawu.

Hulimahu Hásuumaahu loon Saŋ akiic homuu 6:32

Yéesu li aaniil: — Li mal̥egenamu fan ilobuul: inti Móyiis asenuul húmbuuluwahu habilummuu li emitayi, bale Atuubawom ammuu li asenuul húmbuuluwahu hata mal̥egen habilummuu li emitayi.

Hulimahu Hásuumaahu loon Saŋ akiic homuu 7:12

Búwonnoo báamak li bulako li búsukabu mata Yéesu. Kukee li koon: — Laalu an ajake. Kaabuku li koon: — Maayeet, kájimen ésukayi bale láami lí kó.

1 Saŋ 1:8

Oonaamuu ubajutaal kahoofoo, lubuntoolowaale ololaal humumolaal, ban mal̥egenamu mulet li alolaal.

1 Saŋ 2:8

Bale maayeet mo, eluwa ewunkul likiiculuul, ban mal̥egenamu mata yo mujukijuk li Kilisita li bukuluul foof. Mata élimayi inyu li ejow, ban mawuŋaamu mata mal̥egen muyaane mútoŋ muwuŋen.

1 Saŋ 5:20

Luhaasaale oonaal Añiilawu ata Ateemit labiibil, ban li asenolaal butuuko min uhaasaal Ateemit ata mal̥egen. Li Añoolool Yéesu Kilisita lúbajumaamuu hujamoo li Ateemit ata mal̥egen. Añiilawu ummu akila humumool ammuu Ateemitawu ata mal̥egenamu, akila ammuu buloŋabu bábanelitumuu.