Hulimahu Hásuumaahu loon Saŋ akiic homuu 1:51 - Jola-Kasa

⁵¹ Yéesu li afamen aan: — Li mal̥egenamu fan ilobuul: fan jijuk emitayi mábabulowe, min naak kumalakaaku.

Hulimahu Hásuumaahu loon Saŋ akiic homuu 1:51 Referencias Cruzadas

Máciya 25:31

— Nan Añool-An ammuu li abil loon áyii li máyiineniyamu moola, fan ánaboolul li kumalakaaku feh, abil abah li efenjeŋayi yata jáyiiyaju yáyiineniyaayi.

Máciya 26:24

Añool-An fan aket loon Bakiicelabu bulobumuu buya li akila. Bale katek kujow kulako li anawu ammuu li abetool li kuŋen bukan. Haŋeene majak jakum anawu ummu abuki.

Máciya 3:16

Yéesu li ayaan áfulul li malamu nan Saŋ ábatiisewoolumuu aban. Muñeˈe emitayi li ébabulo. Yéesu li ajuk Buyinumabu bata Ateemit li búwalowul li kambu kata éleebaan bubil bulako li akila.

Máciya 4:11

Muñeˈe Sayitaane li akat Yéesu. Kumalaka li kubil boot tan Yéesu alakomuu min kulambenool.

Máciya 8:20

Yéesu li aanool: — Kugeewuwaku kubaje uwokaay. Basuuwabu bata haatiya bubaje useeh. Bale Añool-An abajut tan aate ahinto min ayool̥o.

Máciya 9:6

Bale, lifañe min ikaanuul min jihaas kaanaku Añool-An lababbaj li etaamaye kayile kata kabonket uhoofoo. Muñeˈe Yéesu li aan anawu abobomuu: — Uyito, uŋa’ bukal̥abu booli min ujow bóot.

Maak 1:10

Nan Yéesu ayaane áfululumuu li malamu, li ajuk emitayi li ébabulo, min Buyinumabu Banabaabu búwalowul li kambu kata éleebaan bubil bulako li akila.

Maak 14:62

Yéesu li aanool: — Eéhe’, ínje emmuu Afakenaawu. Ban fan jibil jijuk Añool-An mabahe kaŋen kúli Ateemit ata Sembe, li abil li ufaalawu wata emitayi.

Hulimahu Hásuumaahu loon Lík akiic homuu 2:13

Li kulako to, húmim hata emalaka yata emitayi li huyaan húlaŋul tó li amalaka aahu, min kulako kasal Ateemit koon:

Hulimahu Hásuumaahu loon Lík akiic homuu 2:9

Muñeˈe, amalaka ata Amaaŋenawu li áfululiil. Máyiineniyamu mata Amaaŋenawu li mujaaŋeniil múwooñen. Muñeˈe li kúkoli ŋáa’.

Hulimahu Hásuumaahu loon Lík akiic homuu 22:43

Muñeˈe amalaka abilumulo li emitayi li áfu’ Yéesu min alitenool.

Hulimahu Hásuumaahu loon Lík akiic homuu 22:69

Bale kítum muñeˈe, Añool-An fan ajow abah kaŋen káli Ateemit ata sembe.

Hulimahu Hásuumaahu loon Lík akiic homuu 24:4

Bajukelabu ban kujukumuu li bújiyiil li kuliiwo kulako to. Kánayine kúl̥uba, kakaanowe wañ waleñe li kúfululiil.

Hulimahu Hásuumaahu loon Lík akiic homuu 3:21

Nan Saŋ Batiis ábatiisemuu ésukayi feh aban, li ábatiise foof Yéesu. Nan Yéesu alakomuu kal̥awaku, emitayi li ébabulo.

Hulimahu Hásuumaahu loon Saŋ akiic homuu 1:50

Yéesu li anool: — Min eenimu lijukijuk tin bul̥el̥uwabu mó mújimuu lí úyinen lí ínje? Fan ban li ujuk wah wahaŋe unwu ŋáa’!

Hulimahu Hásuumaahu loon Saŋ akiic homuu 10:1

Yéesu li aan: — Li mal̥egenamu fan ilobuul: an ánokenumutumuu li kámbiilaku kata hukokahu hata kúgalalaanaku, min aŋitowum tikee álolo, anawu ummu ákuu, an ajakut.

Hulimahu Hásuumaahu loon Saŋ akiic homuu 10:7

Yéesu li alaañen aaniil: — Li mal̥egenamu fan ilobuul: ínje emmuu kámbiilaku kata hukokahu hata kúgalalaanaku.

Hulimahu Hásuumaahu loon Saŋ akiic homuu 13:16

Li mal̥egenamu fan ilobuul: Aloka ahaŋut anahaanawu oola, ban an an kuboñe ahaŋut anawu aboñoolumuu.

Hulimahu Hásuumaahu loon Saŋ akiic homuu 13:38

Yéesu li aanool: — Li mal̥egeni luyilo usen buloŋi mata ínje íji? Li mal̥egenamu fan ilobi: manooman fan uceeŋ ñoono ñáhaaji oon luhaasonhaas, tówum káyin kul̥ok.

Hulimahu Hásuumaahu loon Saŋ akiic homuu 14:12

Li mal̥egenamu fan ilobuul, an áyinenumuu lí ínje, fan akaan foof wahawu wan ikaanumuu. Fan ayili foof akaan wah wahaŋ to, mata ínje boot min ijow bata Atuubaawu.

Hulimahu Hásuumaahu loon Saŋ akiic homuu 16:20

Li mal̥egenamu fan ilobuul: fan jil̥ok ban li jigamoo, bale bukanabuku kata adunaayi buko fan kulako li ésuumahukow. Fan jíyiyenoo, bale káyiyenoolaku kooluul fan kulaañ kulako ésuumahukow.

Hulimahu Hásuumaahu loon Saŋ akiic homuu 16:23

«Nan hunakahu hommuu li húliiŋ, let jigel̥l̥enom wahoowah. Li mal̥egenamu fan ilobuul: jil̥awumuu wah Atuubaawu li kajawaku kúmbaam, fan asenuul wo.

Hulimahu Hásuumaahu loon Saŋ akiic homuu 21:18

Li mal̥egenamu fan ilobi, nan ulako nomuu áfu’, lunaanaak usinja min ujow ban súumi. Bale nan ommuu li uhallen, fan uteb kuŋeni min akee asinjayi ban li ájowetumi ban ufañut ujow.

Hulimahu Hásuumaahu loon Saŋ akiic homuu 3:3

Yéesu li aanool: — Li mal̥egenamu fan ilobi: an ayilaat ajuk Jáyiiyaju jata Ateemit, akila balaañenut abuki.

Hulimahu Hásuumaahu loon Saŋ akiic homuu 3:5

Yéesu li aanool: — Li mal̥egenamu fan ilobi: an ayilaat anoken li Jáyiiyaju jata Ateemit, okila babukutumi li mal, li Buyinumabu Banabaabu. An abukumi li atuuba áami an, fan alako an.

Hulimahu Hásuumaahu loon Saŋ akiic homuu 5:19

Yéesu li aan kunahaanaku kata Kusuwifaku: — Li mal̥egenamu fan ilobuul, Añiilawu ayilaat akila humumool akaan wahoowah li húnongum hoola. Wahawu wan ammuu li ajuk Atuubaawu li akaan, wo lakaanemuu. Wahawu feh wan Atuubaawu akaanemuu, wo foof Añiilawu akaanemuu.

Hulimahu Hásuumaahu loon Saŋ akiic homuu 5:27

Ban li asen Añiilawu kayile min atiib, mata akila ammuu Añool-An.

Hulimahu Hásuumaahu loon Saŋ akiic homuu 6:26

Yéesu li aaniil: — Li mal̥egenamu fan ilobuul: min joonomuu li huŋesom let mata min jijukumuu búhiisenum bájaahaleniye, bale mata min jitokoñumuu kúmbuuluwaku jijow jifooñ.

Hulimahu Hásuumaahu loon Saŋ akiic homuu 6:32

Yéesu li aaniil: — Li mal̥egenamu fan ilobuul: inti Móyiis asenuul húmbuuluwahu habilummuu li emitayi, bale Atuubawom ammuu li asenuul húmbuuluwahu hata mal̥egen habilummuu li emitayi.

Hulimahu Hásuumaahu loon Saŋ akiic homuu 6:47

Li mal̥egenamu fan ilobuul: an áyinenumuu fan abaj buloŋ bábaneliit.

Hulimahu Hásuumaahu loon Saŋ akiic homuu 6:53

Muñeˈe Yéesu li aaniil: — Li mal̥egenamu fan ilobuul: jitokoñutumuu eniilayi yata Añool-An, ban jihobutumuu húsimahu hoola, let jibaj buloŋabu bata mal̥egen.

Hulimahu Hásuumaahu loon Saŋ akiic homuu 8:34

Yéesu li aaniil: — Li mal̥egenamu fan ilobuul: anoowan akaane kahoofoo, amiikeel laam ata kahoofoo.

Hulimahu Hásuumaahu loon Saŋ akiic homuu 8:51

Li mal̥egenamu fan ilobuul: An átuulumuu kulimaku kúmbaam, let abil aket maayeet.

Hulimahu Hásuumaahu loon Saŋ akiic homuu 8:58

Yéesu li aaniil: — Li mal̥egenamu fan ilobuul, tówum Abulaham abuki, «Injé to».

Bakaanelabu 10:11

Li ajuk emitayi li ébabulo, min wah ukee wanokoole li kahul káamak ban li útuki li uleebesawu ubakiilawu wata ko, úwalowumul ló boot teetaam.

Bakaanelabu 7:56

Ecen li aan: — Jijanten! Lijuke emitayi mábabulowe. Añool-An ummu min ayitowe kaŋen kúli Ateemit.

2 Kata Tesalonik 1:7

ban bukuluul jammuu li sílaam fan asenuul kayool̥o, li áloli foof. Fan akaan wahawu unwu nan Amaaŋenawu koola ló kata sembe.

2 Kata Tesalonik 1:9

Katekaku kan bukanabuku umbu kommuu li kubaj, ko kommuu sílaam boot nanoonan, lóyi Amaaŋenawu li sembaasu soola sáyiineniyaasu.

1 Tímote 3:16

Mal̥egen, ban an ayilaat aceeŋ, Mahaasutimuu mata káyinenaku koololaal mululluuk! Kilisita láfuluufulul ajuki loon an, Buyinumabu Banabaabu búhihhiis kaanaku lacoccol, ban Kumalakaaku kujukoojuk. Li kulob foof moola bata kaletumuu kusuwif, li kúyinen li akila li adunaayi feh, ban li ájowetumi boot li emitayi li máyiineni ló.

Eébulo 1:14

Kama inti kumalakaaku uyinum koom wáami li bulok boot li Ateemit? Inti Ateemit laboñeboñ kumalakaaku kujow kulamben bukanabuku káatimuu kuyab kafakaku kutowo?

Eleetalayi yan Súd akiicumuu 1:14

Buko Enok, ammuu anawu atoken li ál̥ubutawu kábilum Adam, alobumuu mooliil ákibben nan aanumuu: «Jijanten: Amaaŋenawu ummu li ebil li búsuk báamak bata kumalakaaku koola kanabaaku,

Búhiisenumabu 19:11

Muñeˈe li ijuk emitayi li ébabulo, efilinjebe yahiite li éfulul. Anawu alemboomuu li yo kajawool Atúka lit li Al̥egene. Latiibetiib col ban li anaak atiik hutiik hacole.

Búhiisenumabu 4:1

Nan fúlum tómuu, li ilaañen ijuke li ijuk li emitayi kámbii kábabuli. Hulimahu hútinaalahu han ijam nomuu li hulob lí ínje ban li hul̥ok loon kasiin, li hoonom: «Uŋitowul boot taate, mín íhiisi wahawu wammuu li ubil ubaj.»