Hulimahu Hásuumaahu loon Saŋ akiic homuu 1:1 - Jola-Kasa

¹ Li húkitumahu, Hulimahu babaje tówum Ateemit ajuul̥ adunaayi. Hulimahu li Ateemit hulakowe, ban Hulimahu humum ho hommuu Ateemit.

Hulimahu Hásuumaahu loon Saŋ akiic homuu 1:1 Referencias Cruzadas

Máciya 1:23

«Asúngutaawu ahaasutumuu ánayine, fan ahalet ban fan abaj añiil áyine. Fan kuhooñool Emanuweel.» (Yo yommuu «Ateemit ummu li ololaal.»)

Hulimahu Hásuumaahu loon Lík akiic homuu 24:53

Kúliiŋ bó, kunaakut kukat kawoog li eluufayi yata Ateemit, min kunaak kusal Ateemit.

Hulimahu Hásuumaahu loon Saŋ akiic homuu 1:14

Hulimahu li hubil hukaan an, min akin li ololaal. Li akaan an abaje káji káamak, ban li alako an ata mal̥egen. Lujukaale buu láyiinenimuu eeno. Máyiineniyamu man abajumuu mata min ammuu Añiil ano sih ata Atuubaawu.

Hulimahu Hásuumaahu loon Saŋ akiic homuu 1:18

Bajut an abile ajuk Ateemit. Bale Añiilawu anolawu sih, ammuu Ateemit ban li kujokoo li Atuubaawu loon an ano, okila akaanolaamuu uhaasaalool.

Hulimahu Hásuumaahu loon Saŋ akiic homuu 1:2

Hulimahu li Ateemit hulakowe li húkitumahu.

Hulimahu Hásuumaahu loon Saŋ akiic homuu 16:28

Li Atuubaawu lífulumulo min ibil boot li adunaayi. Muñeˈe boot min ífu’ li adunaayi, min ilaañ boot bata Atuubaawu.

Hulimahu Hásuumaahu loon Saŋ akiic homuu 17:5

Faafa, muñeˈe ukaan min ibaj máyiineni hákili, máyiineniyamu man ibajeenumuu hákili, tówum adunaayi ebaj.

Hulimahu Hásuumaahu loon Saŋ akiic homuu 20:28

Toma li aanool: — Amaaŋenawu úmbaam, li Ateemitawu úmbaam!

Hulimahu Hásuumaahu loon Saŋ akiic homuu 8:58

Yéesu li aaniil: — Li mal̥egenamu fan ilobuul, tówum Abulaham abuki, «Injé to».

Kata Lom 9:5

ban li kubaj situubayiil sihaan. Li buko kusuwifaku Kilisita abukumimuu loon ál̥ahukowan, akila ammuu Ateemit ahaŋumuu wahoowah feh. Kásooniyenaku kujow kulako li akila boot nanoonan. Aameen!

Kata Efées 3:9

Lakaanonkaan min iyili íhiis bukanabuku feh set, buu lammuu li kakaan wahawu wan an ahaaseenutumuu. Akila áwuwenumuu wahoowah feh, layolooyoloo wo kábilum no.

Kata Fílib 2:6

Okila lalele li Ateemit, mata okila afimmuu min aano Ateemit yan no boot nanoonan. Imban, min alemuu li Ateemit, aŋesut min átuk tó lit li kaleyaku koola li Ateemit.

Kata Kolos 1:15

Kilisita ammuu kambuwaku kata Ateemit ájukeliitimuu, okila ammuu añiilawu anolawu ata Ateemit, ban to lalakowe tówum wahoowah feh úwuweni, ban foof lahaŋ wo feh.

Kata Kolos 1:17

Kilisita to laam tówum wahawu feh ubaj, ban wahawu feh wabajumuu li kuŋenool woom.

1 Tímote 3:16

Mal̥egen, ban an ayilaat aceeŋ, Mahaasutimuu mata káyinenaku koololaal mululluuk! Kilisita láfuluufulul ajuki loon an, Buyinumabu Banabaabu búhihhiis kaanaku lacoccol, ban Kumalakaaku kujukoojuk. Li kulob foof moola bata kaletumuu kusuwif, li kúyinen li akila li adunaayi feh, ban li ájowetumi boot li emitayi li máyiineni ló.

Eleetalayi yan Fool akiicumuu Tit 2:13

Muñowu lóotumaalumuu ukobaal hunakahu hásuumaahu han úkangumaamuu li ho. Hunakahu nan máyiineniyamu mata Ateemitawu oololaal áamakawu ammuu Yéesu Kilisita Afakenaawu oololaal, mommuu li múlaŋul.

Eébulo 13:8

Yéesu Kilisita, okila anolawu huken, síyaat ban boot nanoonan.

Eébulo 7:3

An ahaasut atuubawool li jaawool. Abajut kaland. Bajut tan an alobe mata hunakahu hata kabukiyaku koola, mantee foof mata eketayi yoola. Lanokoonokoo li Añiilawu ata Ateemit, ban li áami álamba boot nanoonan.

2 Fiyeel 1:1

Injé Simoŋ Fiyeel ammuu aloka li afootal ata Yéesu Kilisita, ínje ikiice eleetalayi inye boot li bukuluul jabajumuu káyinen kabaje jáliŋ loon kóololi, humum hata macolamu mata Ateemitawu oololaal li Afakenaawu Yéesu Kilisita.

1 Saŋ 5:20

Luhaasaale oonaal Añiilawu ata Ateemit labiibil, ban li asenolaal butuuko min uhaasaal Ateemit ata mal̥egen. Li Añoolool Yéesu Kilisita lúbajumaamuu hujamoo li Ateemit ata mal̥egen. Añiilawu ummu akila humumool ammuu Ateemitawu ata mal̥egenamu, akila ammuu buloŋabu bábanelitumuu.

1 Saŋ 5:7

Mata baje wah úhaaji wáhiise kaanaku mal̥egen.

Búhiisenumabu 1:11

Hulimahu unhu li hoon: — Ukiic li éliibal wahawu wan ujukumuu, ban li uboñ yo Sijanguwasu unse hutok li síl̥uba: yata Efées, yata Simiin, yata Feelugam, yata Tiyatiil, yata Saalud, yata Filadelifi li yata Lawodise.

Búhiisenumabu 1:17

Nan ijukoolumuu, li ilo to li kootool loon an akete. Li aŋa’ kaŋenool káli awalen lí ínje ban li aanom: — Sákoli! Injé emmuu átinaalawu li ásolaawu.

Búhiisenumabu 1:2

Saŋ li alob bukanabuku wahawu feh wan ajukumuu. Li aan li mal̥egenamu laalu hulimahu hata Ateemit, ban Yéesu Kilisita láhihhiis kaanaku wahawu unwu mal̥egen.

Búhiisenumabu 1:8

Amaaŋenawu Ateemit ata sembe li aan: «Injé emmuu Húkitumahu li Húbanumahu,» okila áami tomuu, alako to nomuu, áamimuu li abil.

Búhiisenumabu 19:13

Hukaafa hagole húsim lakaanowe. Kajawool kooneyi «Hulimahu hata Ateemit.»

Búhiisenumabu 2:8

— Ukiic amalakaawu ata Ejanguwayi yata Simiin oonool: «Anawu ammuu átinaalawu li ábanumawu, aketeenumuu ban li ayitowumul li eketayi, hulimahu unhe lalobe:

Búhiisenumabu 21:6

Li amit aan: — Muñeˈe bane! Injé emmuu átinaalawu li ábanumawu, húkitumahu li húbanumahu. An bahob bujokoolumuu, fan isenool malamu mata kábulenaku kata malamu mata buloŋabu ahob, ban let acaam.

Búhiisenumabu 22:13

Injé emmuu ekiicayi étinaalayi li élelenumayi, ínje emmuu foof átinaalawu li ásolaawu, húkitumahu li húbanumahu.

Búhiisenumabu 3:14

— Ukiic amalakaawu ata Ejanguwayi yata Lawodise oonool: «Anawu aaneyimuu Aameen, alobemuu Hulimahu Hásuumaahu li mal̥egen, an Ateemit áwuwenummuu wahawu feh li akila, laane: