Eébulo 9:18 - Jola-Kasa

¹⁸ Wahawu unwu újimuu húfaalumahu hútinaalahu huyilaat hubaj, húsim báyuwowut.

Eébulo 9:18 Referencias Cruzadas

Eébulo 9:14

Fan wahawu unwu usetene bukan kahoofoole kama háŋum húsimahu hata Kilisita! Li mal̥egenamu, Kilisita lájowunjowum li Buyinumabu baano tomuu boot nanoonan, min asenoolo okila humumool batilut tanootan loon esalah Ateemit. Húsimahu hoola li huseten uyinumawu woololaal li makaane manooman majakut, min uyiliyaal ulokaal boot li Ateemit aloŋumuu.

Eébulo 9:17

Li mal̥egenamu, kulim kan an akiice min alob waa lafañumuu min ukaani okila bakete, wahawu wan alobumuu let uyili ukaani anawu ummu okila li buloŋ. Nan anawu ummu ammuu li aket, no wahawu wan afañumuu min akaani, wommuu li uyili ukaani loon alobumuu.

Eébulo 9:19

Nan Móyiis ayiiŋenumuu hákil ésukayi feh uŋoonawu feh loon eluwaayi elobumuu aban, li aŋa’ húsim hata bámuuna, [li hata kulow], li mal li búgit bájunke ban, li aŋa’ jaan jata anuunuken an koone isof, min áyisen éliibalayi yata eluwaayi li ésukayi feh.

Eébulo 9:22

Loon eluwaayi elobumuu, ebat wahoowah feh li húsim úgiilenewumi, ban uhoofoolawu uyilaat ubonketi húsim báyuwowut.