Eébulo 8:13 - Jola-Kasa

¹³ Ateemit alobumuu mata húfaalum huwunkul, yo yommuu lalaañene hútinaalahu huhaano. Ban wah uhaan ban li uhallen, let fiyo újimum.

Eébulo 8:13 Referencias Cruzadas

Máciya 24:35

Emitayi fan ebil ébujo, etaamayi foof fan ebil ébujo, bale kulimaku kúmbaam let kuniilo maayeet.

Hulimahu Hásuumaahu loon Lík akiic homuu 22:20

Manolamu, Yéesu li aŋa’ ejunkayi aseniil buko batiñe kuban, min aan: — Ejunkayi inye, yo yommuu húfaalumahu huwunkulahu hata Ateemit, hájokumimuu li húsimahu húmbaam, háyuwimuu boot li bukuluul.

1 Kata Koolent 13:8

Húbooli ábaneliit. Ateemit fan abil akat élobum li bukan. Kájiyaku kata elob silob sahaasuti fan kubil kuban. Kahaasemiñ fan kubil kumoj.

2 Kata Koolent 3:6

Okila ákaanolimuu min jiyili jilako kuloka kata húfaalumahu huwunkulahu. Húfaalumahu unhu hubilumut li eluwaayi yakiicimuu, bale li Buyinumabu Banabaabu hubilumulo. Li mal̥egenamu, eluwaayi yakiicimuu emukemuk, bale Buyinumabu Banabaabu busenesen buloŋ.

2 Kata Koolent 5:17

Wahawu unwu újimuu an abajumuu hujokoo li Kilisita, anawu ummu búwuwenum buwunkul laam. Wahawu wata naanaŋ umoje, muñeˈe wahawu feh uwunkulowe.

Eébulo 1:11

Wahawu unwu feh fan ubil újim, bale awu ummu to boot nanoonan. Etaamayi li emitayi fan sineg loon wañ.

Eébulo 12:24

Bukuluul jijowujow jikooj Yéesu ammuu li tutoo húfaalumahu huwunkulahu han Ateemit ajokumuu li alolaal. Húsimahu hoola háyuwimuu huhaŋe malob jak hata Abel.

Eébulo 7:22

Mó mújimuu foof, li Yéesu lúbajumaalumuu káwoolu kaanaku lubajaale húfaalum li Ateemit hahaŋe majak.

Eébulo 8:6

Bale muñeˈe bulokabu bata Yéesu buhaŋe bata kúlamba kaabuku, mata okila ammuu li tutoo húfaalum hahaŋe majak han Ateemit ajokumuu bukanabuku, ban li huhajo li wah wan alobe kasen wahaŋe majak.

Eébulo 8:8

Bale Ateemit li awataten bukanabuku koola aaniil: «Jijanten! Kunak kunku li ebil, Amaaŋenawu alob, nan éemi li ijok húfaalum huwunkul, bukanabuku kata Isilayeel li kata Súda.

Eébulo 9:15

Wahawu unwu újimuu Kilisita li áami li tutoo húfaalum huwunkul, bájum bukanabuku kan Ateemit ahooñumuu, li kuyili kuyab wahawu wajakaawu wáami tomuu boot nanoonan wan alobumuu kasen bukanabuku koola. Kuyilo kubaj wo, mata babbaj to eket yata an yájimuu bukanabuku li kuyili kufak li uhoofoolawu wooliil wan kukaanumuu li húfaalumahu hútinaalahu.