Eébulo 8:10 - Jola-Kasa

¹⁰ Amaaŋenawu li afamen aan: «Húfaalumahu han ínje emmuu li ijok kata Isilayeel, nan kunakaku unku kommuu li kuban, ho hommuu unhe: Fan iŋa’ siluwaasu súmbaam ikaaniil li uyinum, ban li iŋa’ so ikiic li sísigilasu sooliil. Fan ilako Ateemit ooliil, buko li kulako bukanabuku kúmbaam.

Eébulo 8:10 Referencias Cruzadas

Máciya 22:32

«Injé emmuu Ateemitawu ata Abulaham, Ateemitawu ata Isaak, li Ateemitawu ata Sakob.» Mó mújimuu, Ateemit alet Ateemitawu ata bukanabuku kaketumuu, bale Ateemitawu ata bukanabuku kaloŋumuu.

Kata Lom 11:27

Húfaalumahu unhu léemimuu li ijokoo li buko, nan emmuu li ífulen uhoofoolawu wooliil.»

1 Kata Koolent 6:16

Kama jihaasut joon ánayine ahintenumuu ecaga, buko kúl̥uba fan kulako eniil yano? Li mal̥egenamu, Bakiicelabu bonsoon: «Anáyinaawu li anaalaawu fan kulako eniil yano.»

2 Kata Koolent 3:3

Hihhiit kaanaku bukuluul eleetal joom yan Kilisita akiice aban, li ásenoli yo jiboñ. Let li elankal ekiicumi, bale li Buyinumabu bata Ateemit aloŋumuu ekiicumi. Ekiicuti li kúlankiin kayiji, bale ekiicikiic li uyinum wata bukan.

Eleetalayi yan Fool akiicumuu Tit 2:14

Lasensen buloŋabu boola humum bo boot li alolaal, boot kafakenolaal li majakut manooman min akaanolaal bukan kanabe káami koola balewool, kahankene li kakaan majake.

Eébulo 11:16

Li mal̥egenamu, muñeˈe etaam yahaŋe majak kúsiibowe li yo, yo yommuu yata li emitayi. Wahawu unwu újimuu Ateemit asuuwut min kuhooñool Ateemit ooliil, mata lakankaan ésuk akat to boot li buko.

Saak 1:18

Ateemit humumool, li hulimahu hoola hata mal̥egen labukumolaalumuu. Lakankaan mo, naboo li húnongumahu hoola, mantee li ulakowaal bubukoolumabu bútinaalabu li wahawu woola feh wan áwuwenumuu.

Saak 1:21

Mó mújimuu kama joote jífulen makaane manooman majakut, li búl̥afutabu basaŋomuu li bukuluul. Ban li jiwalenoolo, min jiyab hulimahu han Ateemit akaanumuu li uyinumawu wooluul, hayilimuu hufakenuul.

1 Fiyeel 1:23

Hulimahu hata Ateemit hukaanuulumuu jilako bukan kuwunkul. Ban Hulimahu unhu hunokoolut li sígul sayilo sikajen. Hulonloŋ ban huyilaat huket, hunhu to boot nanoonan.

1 Fiyeel 2:9

Bale bukuluul, bukuluul jommuu bukanabuku kal̥usimuu, kúlambaaku kata Ayíiyawu, ésukayi yanabaayi, bukanabuku kata Ateemit. Lí élimayi láhooñumuluul jibil jilako li mawuŋaamu moola máyiineniyaamu, boot kayiiŋen wahawu wan akaanumuu wajakumuu majak.