Eébulo 7:19 - Jola-Kasa

¹⁹ mata eluwaayi yata Móyiis eyilaat ekaan wah min unab. Bale muñeˈe lubajaale kákangum kahaŋe majak, kayilo kújiwolaal li ukoojaal Ateemit.

Eébulo 7:19 Referencias Cruzadas

Hulimahu Hásuumaahu loon Saŋ akiic homuu 1:17

mata Ateemit li Móyiis lásenumolaal eluwaayi.

Hulimahu Hásuumaahu loon Saŋ akiic homuu 14:6

Yéesu li aanool: — Injé emmuu bútinabu, li mal̥egenamu, li buloŋabu. An ayilaat ajow bata Atuubaawu, okila bájowumut lí ínje.

Bakaanelabu 13:39

Li Yéesu bale anoowan áyinene li Ateemit, áatummuu alako an acole hakil Ateemit.

Kata Lom 5:2

Li Yéesu Kilisita foof lúbajumaalumuu kájiyaku dán Ateemit akaanolaamuu li kabane humum hata káyinenaku koololaal. Wahawu wakaanewolaamuu ésuumansuum, wo wommuu kákangumaku kan ubajaalumuu kata min ulakowaal li máyiineniyamu mata Ateemit.

Kata Lom 7:7

Kama muñowu boot min oonaal buu? Waa eluwaayi kahoofoo yoom? Maayeet! Bale eluwaayi éjimuu li ihaas kahoofoo. Li mal̥egenamu, let ihaaseen mata kásiibo wah eluwaayi baaneenut: «Jakum úsiibo wah walet wooli.»

Kata Lom 8:3

Wahawu wan eluwaayi yata Móyiis eyilaatumuu ekaan, mata búgootowabu bata ál̥ahukowan búhihhi yo ébajum sembe, Ateemit lakankaan wo: láboñuuboñul Añoolool min aŋa’ bóono banokoole li bata ál̥ahukowan ammuu ahoofoola, ban li akaanool aket boot káfulen kahoofoolaku, min ájowum tó atek kahoofoolaku kammuu li bóonowabu bata ál̥ahukowan.

Kata Galasi 2:16

Ban luhaasaale oonaal, an káyinenool li Yéesu Kilisita bale kújimuu leeni lakankaan an acole hákil Ateemit, inti mata min ahankene min akaan loon eluwaayi yata Móyiis elobumuu. Mó mújimuu, alolaal foof lúyinenaayinen li Yéesu Kilisita bájum Ateemit li ajokolaal bukan kacole, mata káyinenaku koololaal li Kilisita kúji, bale inti mata min uhankenaale min ukaanaal loon eluwaayi inyu elobumuu. Li mal̥egenamu, bajut an aani lakankaan an acole hákil Ateemit, mata waa lahankenhanken min akaan loon eluwaayi elobumuu.

Kata Galasi 3:21

Waa, mantee wahawu unwu uyilo úji li lako kama eluwaayi éhooguuhoogul wahawu wan Ateemit alobumuu kasen Abulaham? Maayeet, inti mo. Nokoomuu loon babbaj eluwa yaseni yayilo ekaan bukanabuku kuloŋ, kama yo yommuu Ateemit layilo ajok an loon an acole humum hata eluwaayi.

Kata Galasi 3:24

Min lako eluwaayi efanfan elako afooyaawu oololaal boot yok nan Kilisita ammuu li abil, mantee káyinenaku koololaal li akila li kújiwolaal li ulakowaal bukan kacole hákil Ateemit.

Kata Efées 3:12

Hujokoolahu hoololaal li Yéesu Kilisita habilummuu li káyinenaku koololaal li akila, hújimuu li uyiliyaal ukoojaal Ateemit li kákangum ló, babajut kákoli kanookan.

Kata Kolos 1:27

Ateemit lakankaan mo, mata lafanfañ min áhiis bukanabuku koola, majakamu mata wahawu woola wahaasutimuu, li máyiineniyamu mata wo boot li bukanabuku feh. Wahawu unwu wahaasutimuu wo wommuu: Kilisita ummu li anoowan li bukuluul, ban li akaanuul jíkangum kaanaku, fan jilako li máyiineniyamu mata Ateemit.

1 Tímote 1:1

Injé Fool ammuu afootal ata Yéesu Kilisita li búlobum bata Ateemit humumool, ammuu Afakenaawu oololaal li Yéesu Kilisita an úkangumaalumuu li akila,

Eébulo 10:1

Eluwaayi yata Móyiis éhiisut jak búnokoolabu bata mal̥egen bata wahawu wabajumuu. Yoonosoono kambu bale kata wahawu wajakaawu wammuu li ubil. Eluwaayi egel̥l̥engel̥l̥en min usilaawu wanolawu unaak ukaani kale emitoomit. Wahawu unwu újimuu, eyilaat ekaan bukanabuku kálohulomuu Ateemit kulako bukan káliiŋe.

Eébulo 11:40

Li mal̥egenamu, Ateemit layinooyinoo mata wah wahaŋe majak akat to boot li alolaal, jakum bil kulako bukan káliiŋe jak alolaal baletaal to.

Eébulo 11:6

An ayilaat ásuum Ateemit okila babajut káyinen. Li mal̥egenamu, an afañumuu min aloh Ateemit, laate áyinen kaanaku Ateemit lababbaj, ban li ahaas aan lasuuhenesuuhen bukanabuku kammuu li huŋesahu hoola.

Eébulo 3:6

Bale Kilisita lakankaan wahawu feh wan áatimuu akaan, loon ammuu Añiilawu an kukatumuu eluufayi yata Ateemit aaken. Ban alolaal oomaalumuu eluufayi yata Ateemit, nokoomuu loon lútukaatuk jak li káwooluwaku li kákangumaku kan súumolaamuu li ko.

Eébulo 4:16

Lootaale kama ukoojaal li káwoolu ló, efenjeŋayi yata kájiyaku yata Ateemit, mantee li ubajaal káyiyen li káji, ban li ubajaal kalamben nan emmuu jokolaal li ko.

Eébulo 6:18

Mo emmuu baje wah úl̥uba wan Ateemit akaane: wahawu wan alobumuu kasen, li hunuulahu han anuulumuu. Wahawu unwu úl̥uba an ayilaat wo áfulen mata Ateemit ayilaat ámal. Wó újimuu li ubajaal kawankulen kabaje sembe, alolaal akataal bomuu waholaal feh min ujokaal li kákangumaku kan kusenolaalumuu.

Eébulo 7:11

Jílambaju jabilummuu li Lebi li jo eluwaayi yata Móyiis, yasenimuu bukanabuku kata Isilayeel, ehajomuu. Ban nokooleenumuu loon élambaayi yabilummuu li kalandaku kata Lebi ekaanenkaan bulok banabe, let tookeen min álamba akee áfulul li kalandaku kata Melikisedek, búti li kalandaku kata Aaloŋ.

Eébulo 7:20

Ateemit humumool lanuunuu nan al̥usumuu Kilisita alako álamba, bale nan kaabuku kujokimuu élamba, Ateemit anuulut.

Eébulo 7:25

Wahawu unwu újimuu, layilo afaken ñano ban kale bukanabuku kájowummuu li okila min kukooj Ateemit, mata okila ummu li buloŋ min anaak al̥aw Ateemit boot li bukanabuku umbuku.

Eébulo 8:6

Bale muñeˈe bulokabu bata Yéesu buhaŋe bata kúlamba kaabuku, mata okila ammuu li tutoo húfaalum hahaŋe majak han Ateemit ajokumuu bukanabuku, ban li huhajo li wah wan alobe kasen wahaŋe majak.

Eébulo 9:9

Laalu búhiisenum bata wahawu wata muñeˈe. Wahawu unwu úhihhiis kaanaku usuuhenawu li usilaawu wata sínuukuleŋasu boot li Ateemit, uyilaat úji buyinum bata an áami li múkaaniinamu ummu li buset.

Saak 4:8

Jilohumuu Ateemit, fan alohuul. Jifos kuŋenuul, kuhoofoolaabuke! Jicolen uyinumuul, bukuluul játukutumuu li wah wano.