Eébulo 7:11 - Jola-Kasa

¹¹ Jílambaju jabilummuu li Lebi li jo eluwaayi yata Móyiis, yasenimuu bukanabuku kata Isilayeel, ehajomuu. Ban nokooleenumuu loon élambaayi yabilummuu li kalandaku kata Lebi ekaanenkaan bulok banabe, let tookeen min álamba akee áfulul li kalandaku kata Melikisedek, búti li kalandaku kata Aaloŋ.

Eébulo 7:11 Referencias Cruzadas

Kata Galasi 2:21

Ilet li ihoy kájiyaku kata Ateemit. Li mal̥egenamu, nokoomuu loon li eluwaayi an áami li ájowum min eeni lacoccol hákil Ateemit, kama Kilisita lakeeket boot maayiiñ.

Kata Galasi 4:3

Ololaal foof, mo manolamu. Nan ulakowaalumuu bañiil, emiikeel lulakowaale yata wahawu wata adunaayi.

Kata Galasi 4:9

Bale muñeˈe nan jihaasumuu Ateemit — booteen min een muñeˈe nan Ateemit ahaasuulumuu — buu jiyilo jimit jilaañ li múkaaniinamu ummu mabajutumuu jáliiŋ yanooyan? Waa, jifañe min jilaañen jilako emiikeel yata wahawu unwumaa?

Eébulo 5:10

Ateemit li akaanool alako álamba áamak loon Melikisedek.

Eébulo 5:6

Ateemit li alob tikee foof aan: «Awu álamba loom boot nanoonan loon Melikisedek.»

Eébulo 6:20

Dó úndu Yéesu ajandolaalumuu ajow, anokenumuu boot li alolaal, ban li alako álamba áamak loon Melikisedek, boot nanoonan.

Eébulo 7:10

Li mal̥egenamu, maayeet min kite eenimuu nan Melikisedek ajowumuu kufam buko li Abulaham Lebi babukoluti, bale luyilo oonaal kata láala atuubawool ahaan Abulaham lalakowe.

Eébulo 7:12

Mata li mal̥egenamu jílambaju jíbutoomuu, yo yommuu eluwaayi foof fan ébuti.

Eébulo 7:13

Imban, Amaaŋenawu oololaal an kulimaku unke kulobimuu kuya, okila li kaland kakee láfulumulo, ban bajolut an li kalandaku unku akaane bulokabu bakaaneyimuu li husilaahu.

Eébulo 7:15

Wahawu unwe újimuu hulimahu unhe li huhaŋ maweeto: álamba akee áfululo, anokoole li Melikisedek.

Eébulo 7:21

Nan Yéesu alakomuu álamba, Ateemit akaanool tomuu lanoosaan: «Injé Amaaŋenawu linuunuu een: “Fan ulako álamba boot nanoonan!” Ban let ílaañul li hulimahu han ilobumuu.»

Eébulo 8:7

Li mal̥egenamu, nokooleenumuu loon húfaalumahu hútinaalahu hubajeenut tan hucolut, let tookeen min huban min hakee hubil hulako to.

Eébulo 9:6

Emmuu wahawu feh muñowu ul̥uuleni, kúlambaaku li kunaak kunoken hunakoohunak li bugebabu bútinaalabu bata kayuntaku kujow kukaan bulokabu booliil.