Eébulo 6:4 - Jola-Kasa

^4-6 Kama muñeˈe buu éemi li nokoo bukanabuku kalaañumuu li buloŋabu booliil buhaanabu? Kulakowenlako li mawuŋaamu mata Ateemit. Kujakenjaken li kájiyaku kabilumulomuu li emitayi, ban li kubaj jooliil li Buyinumabu Banabaabu. Kujuke buu Hulimahu hata Ateemit húsuumumuu eeno, ban kuhaase mata sembaasu sata adunaayi yammuu li ebil, bale li kulaañ kulo li buloŋabu booliil buhaanabu. Muñeˈe an ayilaat alaañen akaaniil min kútiiwo kuŋa’ buloŋ buwunkul, mata buko kulaañenlaañen kuŋa’ Añiilawu ata Ateemit kujow kubaaŋ li ekuluwaayi, min alaañen ageli hákil ésukayi feh.

Eébulo 6:4 Referencias Cruzadas

Máciya 12:45

Buyinumabu bajakutaabu li bulaañ bujow búŋalul uyinum wajakut wakee woono hutok li úl̥uba wahaŋ bo mál̥afut, min ujow újufo anawu min ulako li akila. Muñeˈe buloŋabu bata anawu ummu an uyinumawu wajakutumuu újufomuu, li buhaŋ mátaañi bútinaalabu. Muñaˈa emmuu bil nokoo li bukanabuku kata muñeˈe kajakutumuu.

Máciya 5:13

— Bukuluul jinokoonokoo loon musis li tut bukanabuku kata adunaayi. Bale kacabaku kata musisamu kúfulumuu, buu luyilo ukaan mo min mulaañen mucab? Let mujak kakaan li wahoowah. Fan mubeteni tíyaŋ, ésukayi ékakul.

Hulimahu Hásuumaahu loon Saŋ akiic homuu 15:6

An alakowutumuu lí ínje, fan abeteni tíyaŋ loon hulund min asay. Kulundaku kasayimuu, fan kuwomeni beten li sambun min kúsulo.

Hulimahu Hásuumaahu loon Saŋ akiic homuu 3:27

Saŋ li aaniil: — An ayilaat abaj wah Ateemit basenutool wo.

Hulimahu Hásuumaahu loon Saŋ akiic homuu 4:10

Yéesu li aanool: — Uhaaseeneenumuu wahawu wan Ateemit esenemuu, li anawu aanemuu li awu «Usenom mal ihob», awu humumi ooteenumuu oonool aseni mal uhob, ban fan aseneeni mal masene buloŋ.

Hulimahu Hásuumaahu loon Saŋ akiic homuu 6:32

Yéesu li aaniil: — Li mal̥egenamu fan ilobuul: inti Móyiis asenuul húmbuuluwahu habilummuu li emitayi, bale Atuubawom ammuu li asenuul húmbuuluwahu hata mal̥egen habilummuu li emitayi.

Bakaanelabu 10:45

Kusuwifaku káyinenumuu li Yéesu kánabulumuu li Fiyeel, li kusego ŋáa’ min Ateemit áwalenulomuu Buyinumabu Banabaabu bubil bulako foof li bukanabuku kákaanumutumuu li Ateemit balewool.

Bakaanelabu 11:17

Kama Ateemit aseniilumuu kájiyaku kanolaku li kan asenolaamuu nan úyinenaamuu li Amaaŋenawu Yéesu Kilisita, ínje, ínje emmuu sum ayi mata min íhi’ Ateemit ákaanum mó?

Bakaanelabu 15:8

Ban, Ateemit ahaasumuu kayinoo kata anoowan, láhiisenhiisen kaanaku layabiiyab nan aseniilumuu Buyinumabu Banabaabu foof loon asenolaal bomuu.

Bakaanelabu 8:20

Bale Fiyeel li aanool: — Ujow uniilo li Sídalamasu sooli ló, emmuu luyinooyinoo li oon kájiyaku kata Ateemit li sídalam kúbajumeyi.

Kata Lom 1:11

Li mal̥egenamu, lifañe ŋáa’ min ijukuul mantee Ateemit li ájowum lí ínje min asenuul káji kata Buyinumabu boot kalitenuul.

2 Kata Koolent 4:4

Bukanabuku umbuku kammuu li kájimaku kúyinenut, mata ateemitawu ata adunaayi inye, ammuu Sayitaane, lámimmib uyinumawu wooliil jakum bil kujuk kaleñaku kata Hulimahu Hásuumaahu hata máyiineniyamu mata Kilisita, ammuu kambuwaku kata Ateemit.

2 Kata Koolent 4:6

Li mal̥egenamu, Ateemit aanumuu: «Mawuŋaamu mujow muwuŋen li élimayi!», okila humumool ahiitenumuu uyinumawu wóololi, min ákaanoli jihaas kaleñaku kata máyiineniyamu moola li buulabu bata Kilisita.

Kata Galasi 3:2

Wah wano bale lifañe min ihaas li bukuluul: mantee li kahankenuul min jikaan wahawu wan eluwaayi elobumuu jíyabume Buyinumabu Banabaabu, mantee li káyinenaku kan jíbajummuu li kajantenaku kata Hulimahu Hásuumaahu?

Kata Galasi 3:5

Ateemit asenuulumuu Buyinumabu boola ban li akaan wah wájaahaleniye li bukuluul, mantee lakankaan mo mata min jihankenumuu min jikaan loon eluwaayi elobumuu, mantee min jijamumuu ban li jíyinen Hulimahu Hásuumaahu?

Kata Efées 1:18

Lil̥awe mantee Ateemit li ahiiten uyinumawu wooluul, min jínaanum húkangumahu han asenuulumuu nan ahooñuulumuu, ban li jíhaasum tó foof buu wahawu wan Ateemit alobumuu kasen bukanabuku koola, utiinenimuu eeno.

Kata Efées 2:8

Li mal̥egenamu, másuumamu mata Ateemit mújiwuul li jifak, jówum li káyinenaku kooluul li Kilisita. Bilumut li bukuluul, laalu búsenum bata Ateemit.

Kata Efées 3:7

Leenoseeno aloka ata Hulimahu Hásuumaahu humum hata kájiyaku kata Ateemit. Sembaasu soola síjiwommuu li iyili ikaan bulokabu umbu.

Kata Efées 4:7

Anoowan li alolaal lababbaj bulokool baleˈe li hukiibahu han Kilisita afañumuu asenool.

1 Tímote 4:14

Jakum ubet to kájiyaku kan Buyinumabu busenimuu, kan uyabumuu nan kufulofetaku kulobumuu mooli, li nan kunahaanaku kuŋalumuu kuŋeniil kuwalen li awu.

2 Tímote 2:25

Laate abeben min aliiken bukanabuku káhoogulemuu mal̥egenamu: nakee Ateemit li aseniil bútin min kubaj kayinoo kábuto ban li kuhaas mal̥egenamu;

2 Tímote 4:14

Ahaañaawu Alekusandul lakaanonkaan wah wameeŋe wásengiyom. Amaaŋenawu ajow akaanool wahawu wan akila humumool akaanumuu.

Eébulo 10:32

Jiwayil̥o wahawu wabaj nomuu li kunakaku kútinaalaku nan jibilumuu li mawuŋaamu mata Ateemit. Jiyansaan jibaj no sílaam sáamak li bútaj básengiye ŋáa’.

Eébulo 2:4

Ateemit humumool li ájowum li búhiisenum, li bakaane babaje sembe, li wah wájaahaleniye min áhiis kaanaku kulimaku kan kulobumuu mal̥egen. Ateemit láhihhiis foof wahawu unwu min asenumuu bukan úji wata Buyinumabu Banabaabu loon afañumuu.

1 Saŋ 5:16

An ajukumuu atuyool okila li kakaan kahoofoo kaatut kújiwool li aket, laate al̥aw, ban Ateemit fan asen atuyool ummu buloŋ. Ilobut bukanabuku kakaanumuu uhoofoo waate újiyiil li kuket. Mata baje kahoofoo kájiye an li aket. Inti kahoofoo loon unku leenuul jil̥aw boot li ko.