Eébulo 5:5 - Jola-Kasa

⁵ Kilisita humumool foof asenoolowut kasalaku unku kata kalako álamba áamak, bale li Ateemit láyabum kó, aanoolumuu: «Awu ommuu Añoolom; Hunakahu hata síyaat ínje emmuu Atuubayi.»

Eébulo 5:5 Referencias Cruzadas

Hulimahu Hásuumaahu loon Saŋ akiic homuu 3:16

Mata Ateemit lafanfañ bukanabuku kammuu li adunaayi bil gay, li ásenul Añoolool anolawu sih, bájum an áyinenumuu li akila let aket, bale li abaj buloŋabu bábaneliitumuu.

Hulimahu Hásuumaahu loon Saŋ akiic homuu 7:18

An álobummuu li kajaw koola akila humumool, kasaloolo laŋese. Bale an aŋesumuu kasal kata anawu áboñuloolumuu, anawu ummu an ata mal̥egen, ban búhoolo bulet li akila.

Hulimahu Hásuumaahu loon Saŋ akiic homuu 8:54

Yéesu li aaniil: — Isaloolomuu ínje humumom, kasalaku unku inti kasal. Atuubawom ammuu li asalom, an joonumuu: «Okila ammuu Ateemitawu óololi.»

Bakaanelabu 13:33

Ateemit lakaan wo muñeˈe boot li alolaal jaamaalumuu bañooliil batit, nan ayitenulumuu Yéesu li eketayi, loon kiicumuu li éliibalayi él̥ubutayi yata Ukijenawu: “Awu ommuu Añoolom, Síyaat, ínje emmuu Atuubayi.”

Kata Lom 8:3

Wahawu wan eluwaayi yata Móyiis eyilaatumuu ekaan, mata búgootowabu bata ál̥ahukowan búhihhi yo ébajum sembe, Ateemit lakankaan wo: láboñuuboñul Añoolool min aŋa’ bóono banokoole li bata ál̥ahukowan ammuu ahoofoola, ban li akaanool aket boot káfulen kahoofoolaku, min ájowum tó atek kahoofoolaku kammuu li bóonowabu bata ál̥ahukowan.

Eébulo 1:1

Naanaŋ, Ateemit lanaanaak ájowum li kufulofetaku, min alob li situubawolaal sihaan ñameeŋe ban li malobe mameeŋe.

Eébulo 1:5

Li mal̥egenamu, Ateemit ámusut aan akee li kumalakaaku: «Awu ommuu Añoolom, Hunakahu hata síyaat ínje emmuu Atuubayi.» Amúsut foof alob mata amalaka aan: «Fan ilako Atuuba oola, ban akila fan alako Añiil úmbaam.»

Eébulo 2:17

Wahawu unwu újimuu li áati anokoo li kutuyool li wahoowah feh, bájum li alako álamba áamak ayilo káyiyen bukan, ban li al̥egen li bulokabu bata Ateemit min ahal uhoofoolawu wata bukanabuku.

Eébulo 3:1

Kutuyom, mó mújimuu bukuluul jammuu bukan kanabe, ban Ateemit li ahooñuul, joote jijuke li Yéesu ammuu anawu an Ateemit áboñulumuu li Alámbaawu áamakawu ata káyinenaku kooluul kan ulobaalemuu mata ko.

Eébulo 5:10

Ateemit li akaanool alako álamba áamak loon Melikisedek.