Eébulo 4:12 - Jola-Kasa

¹² Li mal̥egenamu, Hulimahu hata Ateemit hulonloŋ ban li hubaj sembe. Huhaŋe mañek ékundu yanooyan. Fan hunoken boot yok kata láala hujow húgaatuloo yaalayi li buyinumabu, síŋullumasu li múgundamu, ban li hutiib kásiibowaku li uyinoolawu wata buyinumabu.

Eébulo 4:12 Referencias Cruzadas

Hulimahu Hásuumaahu loon Lík akiic homuu 8:11

— Muñeˈe bukittenoolumabu umbu bulobe: sígulasu so sommuu Hulimahu hata Ateemit.

Hulimahu Hásuumaahu loon Saŋ akiic homuu 12:48

An ahoyommuu ban li ahoy bayab kulimaku kúmbaam, labaje atiiba: hulimahu han iloboolumuu, ho hommuu hubil hutiibool li hunakahu húbanumahu.

Hulimahu Hásuumaahu loon Saŋ akiic homuu 6:51

Injé emmuu húmbuuluwahu haloŋumuu, habilummuu li emitayi. An atokoñumuu húmbuuluwahu unhu, fan aloŋ boot nanoonan. Ban húmbuuluwahu han emmuu li isen bájum adunaayi li eloŋ, ho hommuu eniilayi yúmbaam.

Bakaanelabu 2:37

Nan bukanabuku kujamumuu kulimaku kan Fiyeel alobumuu, li goliil li uyinum ŋáa’. Muñeˈe li kugel̥l̥en Fiyeel li Kufootal kaabuku kooniil: — Kútuyoli, kama muñowu áloli boot min jikaan buu?

Bakaanelabu 4:31

Nan kubanumuu kal̥awaku, etaamayi li egoloo tan kuwoogumuu. Buyinumabu Banabaabu li bubil bulako li buko foofiil feh, min kunaak kulob hulimahu hata Ateemit li kabaneyiil.

Bakaanelabu 5:33

Nan kata hujojahu háamakahu kujamumuu kulimaku unku, kuuñiil li kulit. Li kufañ min kumuk kufootalaku.

Bakaanelabu 7:38

Móyiis aakenumuu kata Isilayeel, kawoogumuu li kayiinaayaku. Akila alakomuu li tutoolayi yata situubawolaal sihaan, li amalakaawu anaake alobumuu li akila, li huyuuyahu hata Sinaay. Akila Móyiis, Ateemit asenumuu kulimaku kata buloŋabu boot li alolaal.

Kata Lom 1:16

Li mal̥egenamu, isuuwut kawaale Hulimahu Hásuumaahu. Ho hommuu sembaasu sata Ateemit boot kafaken anoowan áyinene, kítum li kusuwifaku ban kit kuletumuu kusuwif.

1 Kata Koolent 1:24

Bale bukanabuku kan Ateemit ahooñumuu, lako Kusuwif mantee foof kaletumuu kusuwif, li buko Kilisita ammuu sembaasu sata Ateemit, ban li áami foof bújallowabu bata Ateemit.

2 Kata Koolent 2:17

Li mal̥egenamu, alolaal unokoolutaal li bukan kameeŋe kaŋalemuu Hulimahu hata Ateemit min kúbajum tó sídalam. Li mal̥egenolaal lulobaalemuu, loon kuloka kata Ateemit, hákilool ban li hujokoolahu hoololaal li Kilisita.

2 Kata Koolent 4:2

Alóli jihoohoy wahoowah wasuuneniye wakaaneyimuu li huyolo. Jíkaaneliit wah li jabunt, ban jítiiguleliit hulimahu hata Ateemit; bale jilobelob bukanabuku mal̥egenamu set, bájum bukanabuku feh li kuyili kúyinen li mal̥egen kaanaku áloli bukan joom kan an ayilo áwoolu hákil Ateemit.

Kata Efées 5:13

Imban wahawu unwu ulobimuu hákil bukanabuku feh, ésukayi li ekit ejuk wo jak li mawuŋe.

Kata Efées 5:26

min akaan yo elako Ejangu yanabe. Li aŋa’ Hulimahu hoola min ágiilen yo loon ágiilenemuu.

Kata Efées 6:17

Min Ateemit afakenuulumuu, nokoonokoo loon káhand kata mañ lasenuul jikaano min kúhimen húkowahu hooluul. Hulimahu hata Ateemit han jookumuu, hunokoonokoo loon ékundu yan Buyinumabu Banabaabu busenuul jítuk.

1 Kata Tesalonik 2:13

Wahawu unwe foof újimuu áloli jikatut kasal Ateemit: nan jilobuulumuu Hulimahu hata Ateemit, li jijanten ho ban jiyabut ho loon hulim hata an, bale jiyayyab ho loon Hulim hata Ateemit, ban li mal̥egenamu Hulim hata Ateemit hoom, mata hunhu li bulok li bukuluul jáyinenumuu li Yéesu.

1 Kata Tesalonik 5:23

Ateemit asenemuu kásuumaay ajow akaan min jilako li mal̥egen bukan koola, ban li afooy humumahu hooluul foof ho feh, li uyinumawu wooluul, saalasu li siniilasu sooluul, jakum bil an ajuk majakut li bukuluul, boot li hunakahu nan Amaaŋenawu oololaal Yéesu Kilisita ammuu li abil.

Eébulo 13:7

Jiwayil̥o kunahaanaku kooluul kata no, kalobuulumuu hulimahu hata Ateemit. Jiwayil̥o buu kuloŋumuu eeno li buu kuketumuu eeno, min jinab li káyinenaku kooliil.

Saak 1:18

Ateemit humumool, li hulimahu hoola hata mal̥egen labukumolaalumuu. Lakankaan mo, naboo li húnongumahu hoola, mantee li ulakowaal bubukoolumabu bútinaalabu li wahawu woola feh wan áwuwenumuu.

1 Fiyeel 1:23

Hulimahu hata Ateemit hukaanuulumuu jilako bukan kuwunkul. Ban Hulimahu unhu hunokoolut li sígul sayilo sikajen. Hulonloŋ ban huyilaat huket, hunhu to boot nanoonan.

Búhiisenumabu 1:16

Li átuk li kaŋenool kúli siwuut hutok li síl̥uba. Ekúndu yañeke li éfulumul li butumabu boola. Buulabu boola li buleñ loon banak bo bufiñulowulo.

Búhiisenumabu 19:15

Ekúndu yañeke li éfulumul li butumabu boola boot kútek bukanabuku kata sihetasu feh. Fan aŋa’ egol yata mañ min amatiil. Fan áluuhiil li buyinjaay báamak loon kúul̥ kata búbiiñ áluuheyimuu boot kakaan ébiiñ, min áhiisiil etindihuuñayi yáamakayi yata Ateemit ata sembe.

Búhiisenumabu 19:21

Ekúnduwayi yáfululomuu li butumabu bata anawu alemboomuu li efilinjebaayi, li emuk bukanabuku kasaŋomuu min basuuwabu feh butokoñiil.

Búhiisenumabu 2:16

Muñeˈe kama útiiwo uŋa’ buloŋ buwunkul. Ukaanut momuu, fan ibil muñeˈe boot li awu, ban fan itiik bukanabuku umbuku li ékunduwayi yáfulumulemuu li butumabu búmba.

Búhiisenumabu 2:23

Fúlum tómuu, fan imuk bañiilabu boola. Muñaˈa léetimuu ikaan, Sijanguwasu feh li sihaas kaanaku ínje emmuu anawu ahaasemuu uyinoolawu wata bukanabuku li kásiibowaku kooliil. Fan icaam anoowan naboo li wahawu wan akaanumuu.

Búhiisenumabu 20:4

Muñeˈe li ijuk sifenjeŋ sata jáyii. Bukanabuku kabahumuu li so, li kuseniil sembe sata min kutiib. Li ijuk foof saalasu sata bukanabuku kan kufalenumuu kúkow mata kulollob bukanabuku hulimahu hata mal̥egen han Yéesu alobumuu, li mata Hulimahu hata Ateemit húji. Li ijuk foof bukanabuku feh kamanenutumuu énuukuleŋayi yákoyileniyaayi li kambuwaku kata yo, ban kubajut húlangumaasowahu hata yo li síjontumasu sooliil li kuŋenaku kooliil. Li kuyitowumul li eketayi kubil kulako kúyii li mano li Kilisita jow baj simit soono énjunne.