Eébulo 4:10 - Jola-Kasa

¹⁰ An anokenumuu dán Ateemit afalemuu kayool̥owaku, anawu ummu fan abaj kayool̥o li bulokabu boola loon foof Ateemit humumool ayool̥omuu li boola.

Eébulo 4:10 Referencias Cruzadas

Hulimahu Hásuumaahu loon Saŋ akiic homuu 19:30

Nan Yéesu acafenumuu bunukabu bacabumuu, li aan: — Wahawu feh ukaani ban! Muñeˈe li ásit, li awalo.

Eébulo 1:3

Kaleñaku kata máyiineniyamu mata Ateemit li Añiilawu ummu koom. Li akila bóonowabu bata Ateemit bujukimuu. Hulimahu hoola habajaahu sembe laŋale min afeb adunaayi. Nan ágiilenumuu bukanabuku li uhoofoolawu wooliil aban, li ajow abah haatiya tiya emitayi kaŋen kúli Ateemit abajaawu sembe.

Eébulo 10:12

Bale Kilisita, okila kasila kano bale lakaane boot li uhoofoolawu, ban li abah kaŋen kúli Ateemit boot nanoonan.

Eébulo 4:9

Kama baje kayool̥o loon kata hunakahu hutoken li húl̥ubutahu kaano to boot li bukanabuku kata Ateemit.

Búhiisenumabu 14:13

Muñeˈe li ijam hulim habilumulo li emitayi haanom: — Ukiic kulimaku unke: «Awólo, bukanabuku kaketumuu muñeˈe buko li bulok boot li Amaaŋenawu!» Buyinumabu li boon: «Mal̥egen áwolo, mata kuyilo kuyool̥o li bulokabu booliil. Wahawu wan kulokumuu fan unab li buko.»

Búhiisenumabu 6:11

Muñeˈe li kusen anoowan li buko kájufo kahiite, ban li kooniil kukokkoben jakee boot yok nan kufaaliil kuloka, li kutuyiil kommuu lí kúli kan kommuu li kumuk loon buko.