Eébulo 3:18 - Jola-Kasa

¹⁸ Kama bukay Ateemit anuulumuu aan let kunoken dán afaleyiilumuu kayool̥o? Inti bukanabuku kátuulutoolumuu?

Eébulo 3:18 Referencias Cruzadas

Hulimahu Hásuumaahu loon Saŋ akiic homuu 3:36

An áyinenumuu li Añiilawu, li abaj buloŋ babaneliit. Bale an ahoyumuu min áyinen li Añiilawu, let abaj buloŋabu umbu, bale fan alo li katekaku kata Ateemit.

Kata Lom 11:30

Naanaŋ bukuluul jítuulut Ateemit, bale muñeˈe Ateemit láyiyenuuyiyen mata kusuwifaku kútuulutool.

Eébulo 3:11

Nan huuñom hulitumuu, li inuu een: “Let kunoken li etaamayi dán ilobumuu kakaaniil kuyool̥o!”»

Eébulo 4:11

Mó mújimuu, lootaale kama ukaanaal wahoowah min ubajaal kayool̥owaku unku, jakum bil an li alolaal alo, okila banabe li bukittenoolumabu bata bukanabuku kátuulutumuu Ateemit.

Eébulo 4:2

Li mal̥egenamu, alolaal luyabaayab Hulimahu Hásuumaahu hata Ateemit, loon foof bukanabuku kalakomuu li kayiinaayaku kuyab homuu. Bale hulimahu han kujamumuu, hubajut li buko jáliŋ yanooyan, mata nan kujam homuu kuyabut ho li káyinen ló.

Eébulo 4:6

Bukanabuku kajandumuu kujam Hulimahu Hásuumaahu, kunokenut li etaamayi dán Ateemit alobumuu kakaaniil kuyool̥o, mata kútuulutool. Bale boot yok muñeˈe, baje kukee kayilo kunoken dán Ateemit afaleyiilumuu kayool̥o.