Eébulo 13:9 - Jola-Kasa

⁹ Jakum jikat baliikene banooban babilumulo tíyaŋ, min bújimenuul. Jaajak min kájiyaku kata Ateemit kuliten buyinumabu booluul, bale let uŋoon wata mata mutiñaay, wabajutumuu jáliŋ yanooyan boot li bukanabuku kanabemuu li wo.

Eébulo 13:9 Referencias Cruzadas

Máciya 24:24

Mata bukan kámale koon buko kufakena koom, li bukan kámale koon buko kufulofet koom, fan kubil kúfulul. Fan kunaak kukaan wah wáamak wájaahaleniye boot jabunt buko bayiliyeene, maayeet bukanabuku humumiil kan Ateemit al̥usumuu kulako koola.

Máciya 24:4

Yéesu li aaniil: — Jíkaanum, jakum bil an abuntuul.

Hulimahu Hásuumaahu loon Lík akiic homuu 5:38

Bale fan uŋa’ bunuk buwunkul ul̥olen li situnfen siwunkul!

Bakaanelabu 20:30

Fan baj maayeet li bukuluul bukan káami li kunaak kúmal, min kuñak kúgoomaku kunab li buko.

Bakaanelabu 20:32

«Ban muñeˈe boot min ikatuul li kuŋen kata Ateemit, li hulimahu hata kájiyaku koola. Ateemit layilo alitenuul ban li asenuul bútowaabu ban akat tomuu boot li bukanabuku feh kammuu koola.

Kata Lom 14:17

Li mal̥egenamu, Jáyiiyaju jata Ateemit jilakowut mata hutiñ li ehob, bale jilakolako mata macol, kásuumaay, li ésuumansuum. Wahawu unwu úhaaji Buyinumabu Banabaabu busene wo.

Kata Lom 14:2

Akee fan áyinen kaanaku layilo atiñ wahawu feh, aahu an káyinenaku koola kúgootomuu, li aan akila wah wáfulumulo li etool bale layilo atiñ.

Kata Lom 14:6

An ajokumuu hunak hukee huhaŋ kunak kaaku, lakankaan mo boot li Amaaŋenawu. An atiñe wahawu feh, latintiñ wo boot li Amaaŋenawu, mata lasalesal Ateemit átowum atiñ wo. Anawu átiñeliitumuu wahawu feh, lakankaan mo boot li Amaaŋenawu, ban akila foof lasalesal Ateemit.

1 Kata Koolent 6:13

Li jinaak foof joon: «Mutiñaay lakaanikaan boot li ha’, ha’ li akaani boot li mutiñaay.» Mal̥egen! Ateemit fan abil aniilen wo úl̥uba: mutiñaayamu li halahu. Bale eniil yata ál̥ahukowan ekaanuti boot bucagayet. Eniilayi yoonosoono to boot li Amaaŋenawu, Amaaŋenawu li aano to boot li eniilayi.

1 Kata Koolent 8:8

Inti wah watiñeyi wóomi lí újiwolaal li ulakowaal hákil Ateemit. Let kaan wahoowah alolaal batiñutaal wo. Let foof ubajaal to wahoowah alolaal batiñaale wo.

2 Kata Koolent 1:21

Ateemit humumool akila álitenolimuu boot li bukuluul ló, li hujokoolahu hoololaal li Kilisita. Ateemit al̥usolaamuu boot li akila humumool,

Kata Galasi 6:1

Kutuyom, nokoomuu loon an li bukuluul kujoke akila li kakaan wah wajakut, bukuluul jan Buyinumabu bata Ateemit bucolenemuu, li jílaañenulool li bútin bacole, ban li jikaan mo li buyinum bájoobiye. Ban di úkaanum, jakum bil awu humumi foof ulo li jabuutoo.

Kata Efées 4:14

Muñeˈe let ulaañaal ulakowaal bañiil batit, let unokoolaal loon busaana ban búlus bútekewulumuu, kuyammalaku kata halahu li kutuuñen bo bulaañ baabe li baaba. Bukanabuku katuukomuu ban li kunaak kaliiken bukan wah wata émalimiñ, let kuyili kubuntolaal min kukaanolaal úyinenaal wah walet mal̥egen.

Kata Efées 5:6

Jakum jikat an min abuntumuul li kulim kabajut jáliŋ. Kákaanikoo loon unku kújimuu Ateemit li al̥eet bukanabuku kafañutumuu kútuulool.

Kata Kolos 2:4

Lilobuulob wahawu unwu, jakum bil an abuntumuul li balobe básuume.

2 Kata Tesalonik 2:17

kujow kuwankulenuul ŋáa’, ban li kusenuul sembe mantee wahoowah feh wan jikaane li wan jilobe, li ujak.

2 Kata Tesalonik 2:2

Jijamumuu an li aanuul hunakahu hata élaañulayi yata Amaaŋenawu húliiŋulo, jakum jiyaan jihi li kaliiwo, jakum foof jíkoli. Nakee an fan alobuul mo min lako búlobum Ateemit, nakee li bawaaleye, mantee foof li lako áloli jikiiculuul kulimaku unku li eleetal.

1 Tímote 6:20

Tímote, ujok jak wahawu wan Ateemit asenimuu ooken. Utey elobayi yameeŋaayi yákaaneliitumuu bukanabuku kútuul Ateemit, li búceeŋoo mata wahawu wan kukee kúmalumuu koon laalu ehaasemiñ.

1 Saŋ 4:1

Kutuyom kan iboolaat, jíkaanum jakum jíyinen bukanabuku feh kaanemuu Buyinumabu bata Ateemit kooke. Bale jinaak jiyoob bukanabuku umbuku min jijuk mantee buyinumabu ban kookumuu li Ateemit bubilumulo. Mata bukan kameeŋe kámale koon kufulofet koom, kúfululo muñeˈe kóomi tanootan li adunaayi.

Eleetalayi yan Súd akiicumuu 1:12

Bukanabuku umbuku busik koom li kúbaññaatiyaku kooluul kan kumaatemuu. Fan kutiñ kujow kufooñ gik, ban kúsuuliit miñ. Buko mooliil bale kuyinoole. Kunokoonokoo li ufaal waakut mal, wan élusayi etebemuu ewujetum. Li kunokoo foof li unuunuken wábukeliit mutiñaay, maayeet taŋayi nan ubukemuu báliiŋe. Kunokoonokoo li unuunuken wan kuhaalaku kata wo kúkululowe min usay jalab.

Eleetalayi yan Súd akiicumuu 1:3

Kufaalom kan iboolaat, lifañeene ŋáa’ min ikiiculuul mata kafakaku kammuu koololaal foofolaal feh. Bale muñeˈe lijuke een leete ikiiculuul kayitee li iwankulenuul min jitaj boot li káyinenaku kan Ateemit asenumuu bukanabuku koola ñano boot nanoonan.