Eébulo 13:5 - Jola-Kasa

⁵ Jakum efañ sídalam elako li baloŋelabu booluul. Jiluuken wahawu wan jibajumuu, mata Ateemit laane: «Kaan min kaane, let ibeti búsol, let ikati bo.»

Eébulo 13:5 Referencias Cruzadas

Máciya 6:19

— Jakum jiŋes min jibaj ebaj yáamak boot li bukuluul li etaamayi, dán bulolabu li búkolabu buyilimuu bukajen wah, li dán ékuuwayi eyilimuu élu kuteefaku min ékuwet wah.

Máciya 6:25

— Mó mújimuu li eenuul: Jakum jiyinoo ŋáa’ mata buloŋabu booluul. Jakum jiyinoo ŋáa’ waa jóomi li jitiñ, li waa jommuu li jihob. Jakum foof jiyinoo mata eniilaayi yooluul, min joon waa jóomi li jikoko. Inti buloŋ lahaŋe hutiñ? Eñiil, inti lahaŋe búkoko?

Máciya 6:34

Jakum jiyinoo ŋáa’ yata kajom, mata kajom fan jibaj uyinoo wakee. Hunakoohunak sílaam ho sifite.

Maak 7:22

húfulo aletalet, efañ waleewalet, búl̥afutabu, jabunt bukan, ékandomaayiiñ, kásiibo wah, kúloboo bukan, katebenoolo, búguno.

Hulimahu Hásuumaahu loon Lík akiic homuu 3:14

Kusollaali li kugel̥l̥enool foof koonool: — Olóli waa joote jikaan? Saŋ li aaniil: — Jakum jilam sídalam an, jakum jímal jiya li an, jijok to li bacaamabu booluul.

Hulimahu Hásuumaahu loon Lík akiic homuu 8:14

Etaamayi yata banuunukenabu bata úbujaawu, yo yommuu bukanabuku kajamumuu Hulimahu hata Ateemit. Bale li kukat uyinoolawu, li ebajayi li másuumamu mata buloŋabu umbe min úgoben Hulimahu; mó lí múji ebukoolumayi yooliil let yaal.

Kata Lom 1:29

Li baj li buko bóono banooban bacolut, bújakaati, kásiibo wah kanookan kajakut, búl̥afut. Li kuyili batahaay li jamuk bukan, úmuy, bubuntoo li kákaanikoo kanookan. Anoowan li buko li ámal al̥oof afaalool.

1 Kata Koolent 5:11

Bale likiiculuukiic min eenuul jitey an aani láyinenyinen li Kilisita, ban li anaak ahinto li aletalet, li aweelo li sídalam, li amanen kuteemit kalet mal̥egen, li anaak áloboo bukan, li anaak ákaliyenoo mantee foof li anaak ákuwet. An loon muñowu jakum jitiñum dín dáno li akila.

1 Kata Koolent 6:10

kákuuwetemuu, kaweelomuu li sídalam, kákaliyenoolemuu, káloboolemuu bukan, kabotemuu wah wata bukan, let kunoken li Jáyiiyaju jata Ateemit.

2 Kata Koolent 4:9

Fan kúlaatenoli, bale Ateemit let ábetenoli. Fan kúbetoli li etaam, bale let kúhabeloli.

Kata Efées 5:3

Bukuluul bukan kata Ateemit joom, mó mújimuu jakum baj li bukuluul húfulo bo muñaˈa, kákaanikoo kanookan kasuuneniye, li efañ sídalam.

Kata Efées 5:5

Mata joote jihaas kaanaku an áfulowe bó muñaˈa, an ákaanikoole suuneni, li an afañe sídalam, let anoken li Jáyiiyaju jata Kilisita li Ateemit. Li mal̥egenamu, efañ sídalam láalu kamanen kuteemit kalet mal̥egen.

Kata Kolos 3:5

Kama muñeˈe jífulen wahawu wáamimuu li buloŋuul wata etaamaye loon: kahinto li aletalet, kákaanikoo, kamelo wah kajakut, kásiibo wah kajakut, li efañ sídalam yammuu kamanen ateemit alet mal̥egen.

1 Tímote 3:3

Jakum alako an ákaliyenoole mantee foof an ámuyitene bukan, bale laate akaan an ájoobiye buyinum ban li alako an abebene. Jakum lako an afañe sídalam ŋáa’.

2 Fiyeel 2:14

Li kuŋa’ kúkiliil feh kuya li kanaalaabuku, ban kúmusut kukat kakaan kahoofoo. Fan kunaak kubuutoo bukanabuku kágootomuu. Uyinumawu wooliil feh li woono li huŋes hubaj. Katekaku kata Ateemit kunku li buko.

2 Fiyeel 2:3

Efañ sídalamayi yooliil fan éjiyiil li kubuntumuul li ukoŋ wan kujuul̥e min kúbajum tó wah. Bale fiyowe ŋáa’ nan katekaku kooliil kóomi li kakobiil, ban let fiyo kújowum li sambun.

Eleetalayi yan Súd akiicumuu 1:11

Katek kujow kulako li buko, mata kunannab li bakaanelabu bata Kayeŋ. Kuliimooliimoo mata sídalam síji, loon Balam akaanumuu. Kuhoohoy Ateemit loon kata Koole kuhoyumuu Móyiis, ban loon kata Koole kuniilomuu mo foof kommuu li kuniilo.