Eébulo 13:13 - Jola-Kasa

¹³ Lootaale kama úfulaal ujaˈaal ufamaal li okila tíyaŋ ésukayi, min utebaal ñisuuwañu ñoola ugalowaal.

Eébulo 13:13 Referencias Cruzadas

Máciya 16:24

Nan fú’ tómuu, Yéesu li aan kúgoomaku koola: — An afañumuu min ánabul lí ínje, li akat kayinoo mata buloŋool. Ateb ekuluwaayi yoola, min ánabul lí ínje.

Máciya 27:32

Nan kulakomuu káfululaku li ésukayi, li kufam li ánayine akee ata ésukayi yata Siilen an koone Simoŋ. Muñeˈe kusollaaliyaku li kutuuŋool ateb ekuluwaayi yata Yéesu.

Máciya 5:11

Awólowuul, bukanabuku bageleluul, li kúlaatenuul, ban li kulob kulim kanookan kajakut kalet mal̥egen kuya li bukuluul, mata ínje íji.

Hulimahu Hásuumaahu loon Lík akiic homuu 6:22

Awólowuul, bukanabuku balateluul, li kuhoyuul, li kugeluul, ban li kujokuul bukan kajakut, mata Añool-An áji!

Hulimahu Hásuumaahu loon Lík akiic homuu 9:23

Nan fú’ tómuu, Yéesu li aan bukanabuku feh: — An afañumuu min ánabul lí ínje, li akat kayinoo mata buloŋool. Ateb hunakoohunak ekuluwaayi yoola, min ánabul lí ínje.

Bakaanelabu 5:41

Kufootalaku li kúfu’ li hojojahu li ésuumahukow ló, mata min Ateemit ajokiilumuu bukan katooke min kucoociil mata kajawaku kata Yéesu kúji.

2 Kata Koolent 12:10

Wahawu unwu újimuu li súumom ŋáa’ min ígootomuu, min kugelewommuu, min séngiyewommuu, min ílaamemuu li min ibajemuu buyina humum hata Kilisita, mata nan ígootomuu no libajumuu sembe.

Eébulo 11:26

Li ajok li buyinumool kaanaku, kubesoolumuu loon kubesumuu Kilisita, láalu hubaj hahaŋe maluuk hubajahu feh hata etaamayi yata Ejíf, mata laŋaŋŋa’ sítiijool feh akaan li busuuhenabu ban Ateemit ammuu li abil asenool.

Eébulo 12:2

Uŋalaal sítiijolaal feh ukaanaal li Yéesu, ájimuu li ubajaal káyinen ban li ajow li ko boot to. Lakaakat bo ésuumansuumayi yan áatimuu abaj, min aan éehe’ min aket li ekuluwaayi bajukelut li ñisuuwañu ñáamimuu li eket loon inyu. Muñeˈe okila ummu min abahe kaŋen kúli efenjeŋayi yata jáyiiyaju jata Ateemit.

Eébulo 12:3

Jiyinoo sílaamasu san Yéesu ámuñumuu li kuŋen kata kuhoofoolaabuku, jakum bil jiyok min jíyeko.

Eébulo 12:4

Li bútajabu ban jommuu li bo li kahoofoolaku, jitajolut jijow jiyok jiket.

1 Fiyeel 4:4

Muñeˈe bukanabuku kákaanumutumuu li Ateemit balewool li kaaniil kajaahale, min bukuluul jíloŋeliitumuu muñeˈe ŋóoti loon buko, li kújowum tó kunaak kugeluul.