Eébulo 13:1 - Jola-Kasa

¹ Húbooliwoo hata batuyaaya hoote hulako li bukuluul.

Eébulo 13:1 Referencias Cruzadas

Hulimahu Hásuumaahu loon Saŋ akiic homuu 15:17

Wahawu wan emmuu li ilobuul, wo wommuu jíbooliwoo.

Bakaanelabu 2:1

Nan hunakahu hata kagaanaku kaaneyimuu Fantokot húliiŋumuu, bukanabuku káyinenumuu li Yéesu li kuwoog foofiil feh tin tano.

Bakaanelabu 4:32

Muñeˈe káyinenumuu li Yéesu li kujokoo loon an ano, min kubaj kayinoo kano, li hulim hano. Bajut an li buko aane wahawu wan abajumuu woola balewool, bale wahawu wan kubajumuu wooliil foofiil feh.

Kata Galasi 5:13

Kutuyom, bukuluul Ateemit lahooñuuhooñ boot mata min jífu’ li humiikeeleto. Bale jakum káfulaku kooluul li emiikeeleto, kújiwuul li jinab li kásiibowaku kajakutumuu kata siniilasu sooluul. Bale húbooli hujow húji anoowan li bukuluul li anaak alok boot li afaalool li kawalenoolo ló.

Kata Galasi 5:22

Bale wahawu wan Buyinumabu busenemuu wo wommuu: húbooli, ésuumansuum, kásuumaay, kabeben, másuum, ésuum buyinum, káwoolu,

Kata Galasi 5:6

Li mal̥egenamu, an áamimuu li Yéesu Kilisita, atey búkutoo, ateyut búkutoo, bajut jáliŋ yanooyan. Wahawu wabajumuu jáliŋ, wo wommuu káyinen li Yéesu Kilisita, ban li úhiisen ko li húbooli bukan.

Kata Efées 4:3

Jikaan wahoowah min hujokoolahu han jíbajummuu li Buyinumabu Banabaabu hulako nanoonan li bukuluul, ban buloŋ bata kásuumaay li bulako li tutooluul mantee li jilako an ano.

Kata Efées 5:2

Jiloŋ buloŋ bata húbooli loon Kilisita ábooliwolaamuu, ayok asen buloŋool boot li alolaal. Lasensen buloŋabu boola loon kasila, búsimen básuume Ateemit.

2 Kata Tesalonik 1:3

Kutuyom, óloli joote jisal nanoonan Ateemit mata bukuluul jíji. Jaajak min óloli jikaan mo, mata káyinenaku kooluul li Yéesu Kilisita kunku min kuhaŋemuu malit, ban húbooliyahu han anoowan li bukuluul abajumuu li kaabuku hunhu foof min huhaŋemuu maluuk.

Eébulo 10:24

Lootaale ufooyoolaal ban li unaak uwankulenoolaal, mantee li ubajaal húbooli ban li unaak ukaanaal majake.

1 Fiyeel 1:22

Joonosoono bukan kanabe humum hata min jítuulumuu mal̥egenamu, boot mata min jíbooliwoo li mal̥egen loon batuyaay. Jíbooliwoo ŋáa’ li uyinumuul feh.

1 Fiyeel 2:17

Jiluuken bukanabuku feh. Jíbooli kutuyuul kan jibajumuu káyinen kano. Jíkoli Ateemit, ban li jiluuken áyiiyawu.

1 Fiyeel 3:8

Boot min íwuñenum li kulimaku unke: bukuluul foofuul feh jibaj kajamoo, jibaj uyinoolawu wanolawu, jíbooliwoo loon batuyaay, jiyili káyiyen bukan, ban li jiwalenoolo.

1 Fiyeel 4:8

Wahawu wan jommuu jijand jikaan, wo wommuu min jíbooliwoo ŋáa’, mata «Húbooli láhimenehimen uhoofoo wameeŋe.»

2 Fiyeel 1:7

Jiŋa’ batuyaaya jifamen to li kákoli Ateemit, li jiŋa’ húbooli jifamen to li batuyaaya.

1 Saŋ 3:23

Ban eluwaayi yoola muñeˈe elobe: lootaale úyinenaal li kajawaku kata Añoolool Yéesu Kilisita, ban li úbooliwoolaal loon akila humumool alobolaalumuu.

1 Saŋ 4:20

An aanumuu: «Líboolibooli Ateemit» ban li alat atuyool, anawu ummu ámalamiñ. Mata anawu ummu ábooliwutumuu atuyool an ajukemuu, let ábooli Ateemit an ájukeliitumuu.

Búhiisenumabu 2:4

Bale fan íwatatenumi wah wano: ulaañut úbooliwom loon úbooliwom nomuu bútinaa.