Eébulo 12:11 - Jola-Kasa

¹¹ Nan ommuu li ulakowaali kacolen, no unnu fan kaanolaal buyina, bale let nokoololaal loon ésuumansuum, bale fiyomuu, bukanabuku kan kucolenumuu loon muñaˈa, fan kujuk koon majakaamu mata kacolenaku unku, mo mommuu kásuumaay li buloŋ bacole.

Eébulo 12:11 Referencias Cruzadas

Kata Lom 14:17

Li mal̥egenamu, Jáyiiyaju jata Ateemit jilakowut mata hutiñ li ehob, bale jilakolako mata macol, kásuumaay, li ésuumansuum. Wahawu unwu úhaaji Buyinumabu Banabaabu busene wo.

2 Kata Koolent 4:17

Li mal̥egenamu, sílaamasu soololaal sata muñeˈe siyiiliyiili ban sifiyowut, bale so sommuu li síjiwolaal li ubil ubajaal máyiineni maluuke maluuk jow hah. Máyiineniyamu ummu mata boot nanoonan, ban muhaŋe ŋáa’ sílaamasu unsu.

2 Tímote 4:8

Muñeˈe bacaamabu bata kaheekaku bumbu li kakobom: bo bommuu éjambiyayi yata bukanabuku kan Ateemit ajokumuu bukan kacole, yan Amaaŋenawu áamimuu atiiba acole, ammuu li asenom li hunakahu hata Batiibabu. Ban let ínje balewom láami li asen yo, bale fan asen yo foof bukanabuku feh kammuu li banaak li húbooli ló taŋayi nan ammuu li álaŋul.

Eébulo 12:10

Li mal̥egenamu, situubawolaal unsu sinaanaak sicolenolaal hin fiyo jatit bale, loon kuyinoomuu li koon jaajak, bale Ateemit okila lacolenewolaacolen boot li majakaamu moololaal, bájum li akaanolaal ulakowaal bukan kanabe loon okila.

Eébulo 5:14

Bale búkuumenum bal̥aal̥e, bo bata kunahaan, kan uhaasumuu oon li bakaaneliil kuyilo kulaso min kuhaas wahawu wajakumuu li wajakutumuu.

1 Fiyeel 1:6

Wahawu unwu újimuu, jilako li ésuumansuum, maayeet min kite eenimuu, muñeˈe boot min fan jibaj sílaam sameeŋe, sáami li síjiwuul li jibaj buyina baatut bufiyo.

2 Fiyeel 2:14

Li kuŋa’ kúkiliil feh kuya li kanaalaabuku, ban kúmusut kukat kakaan kahoofoo. Fan kunaak kubuutoo bukanabuku kágootomuu. Uyinumawu wooliil feh li woono li huŋes hubaj. Katekaku kata Ateemit kunku li buko.