Eébulo 11:16 - Jola-Kasa

¹⁶ Li mal̥egenamu, muñeˈe etaam yahaŋe majak kúsiibowe li yo, yo yommuu yata li emitayi. Wahawu unwu újimuu Ateemit asuuwut min kuhooñool Ateemit ooliil, mata lakankaan ésuk akat to boot li buko.

Eébulo 11:16 Referencias Cruzadas

Máciya 25:34

Banumuu, áyiiyawu fan aan bukanabuku kammuu kulako kaŋenool káli: «Jibil, bukuluul jan Atuubawom ásooniyenumuu. Jiŋa’ jáyiiyaju jan akaanumuu boot li bukuluul, yaan no nan ajuul̥umuu adunaayi, jitowo.

Maak 12:26

Muñeˈe mata kaketumuu, li mata kayitowulaku kooliil li eketayi, kama jijangawut li éliibalayi yata Móyiis tan alobumuu mata huñobahu hátifumuu? To untu kikkiic kaanaku, Ateemit lansaan Móyiis: «Injé emmuu Ateemitawu ata Abulaham, Ateemitawu ata Isaak, li Ateemitawu ata Sakob.»

Maak 8:38

Li mal̥egenamu, an asuuwommuu ban li asuu foof kulimaku kúmbaam hákil bukanabuku káyinenutumuu li Ateemit ban li kunaak kuhoofoo, ínje Añool-An fan isuuwool foof nan emmuu li ibil li máyiineniyamu mata Atuubawom, mánoboolulo li kumalakaaku kanabaaku.

Hulimahu Hásuumaahu loon Lík akiic homuu 12:32

— Sákoluul, bukuluul jammuu bumat batit! Mata Atuubawuul súumoosuum min asenuul Jáyiiyaju joola.

Hulimahu Hásuumaahu loon Lík akiic homuu 20:37

Móyiis láhihhiis jak kaanaku kaketumuu fan kubil kuyitowul li eketayi min kuloŋ, tan bakiicelabu bulobumuu mata huñobahu hátifumuu ban huyilaat huleem. Lahonhooñ to Amaaŋenawu.»

Hulimahu Hásuumaahu loon Saŋ akiic homuu 14:2

Baje úfit wameeŋe li eluufayi yata Atuubawom. Leteenutumuu mo, fan ilobeenuul. Boot min ijow ikaan kulako ikat to boot li bukuluul.

Bakaanelabu 7:32

“Injé emmuu Ateemitawu ata situubayi sihaan. Injé emmuu Ateemitawu ata Abulaham, ata Isaak li ata Sakob.” Móyiis li ateelen kateelen kata kákoli, ban akaañenut alaañen ajuke.

Kata Fílib 3:20

Bale alolaal, bukan kata Jáyiiyaju jata Ateemit loomaal, májimuu loonowaal li kakob min Afakenaawu oololaal ammuu Amaaŋenawu Yéesu Kilisita abil.

2 Tímote 4:18

Amaaŋenawu fan afakenom foof li majakut manooman, ban fan akaanom inoken li Jáyiiyaju.

Eébulo 10:34

Sílaamasu sata bukanabuku kan kukul̥umuu silakolako sooluul foof. Ban jonsoon li ésuumansuum ló éehe’ min kubot wahawu wan jibajumuu, mata jihaase joon jibaje hubaj hahaŋe majak, hata boot nanoonan.

Eébulo 11:10

Abulaham kakob lalakowe ésukayi yabajumuu kuteef kuleeteema kalite malit, yan Ateemit humumool áami agangaawu li ateefaawu ata yo.

Eébulo 11:14

Bukanabuku kalobemuu loon muñaˈa, kúhihhiis set kaanaku huŋes etaam yaani yooliil kóomi li ho.

Eébulo 11:40

Li mal̥egenamu, Ateemit layinooyinoo mata wah wahaŋe majak akat to boot li alolaal, jakum bil kulako bukan káliiŋe jak alolaal baletaal to.

Eébulo 12:22

Bale bukuluul jijowujow jikooj huyuuyahu hata Siyoŋ, li ésukayi yata Ateemit aloŋumuu. Yo yommuu Yeelusalem yammuu li emitayi, dán kumalaka kameeŋe mameeŋ kubaje huwoog hata kagaan.

Eébulo 13:14

Mata ubajutaal li etaamaye bukin bata kale, bale bukinabu bammuu li ebil luŋesaale li bo.

Eébulo 2:11

Yéesu okila ágiilenemuu bukanabuku li uhoofoolawu wooliil, ban bukanabuku feh kan ammuu li kágiilenaku, buko foofiil feh Atuuba ano kubaje. Wahawu unwu újimuu Yéesu asuuwut bahooñiil kutuyool,

Búhiisenumabu 21:2

Muñeˈe li ijuk ésukayi yanabaayi, yammuu Yeelusalem yawunkulayi, li éwalowumul li emitayi bata Ateemit, majake loon anaale ajeˈe boot búyabo ásangenoolowe ajow ajak boot li áyinool.