Eébulo 10:5 - Jola-Kasa

⁵ Wahawu unwu újimuu nan Kilisita alakomuu li abil li adunaayi, li aan Ateemit: «Ufañut kasila, ufañut foof busuuhen, bale li ukaanom eniil.

Eébulo 10:5 Referencias Cruzadas

Máciya 11:3

kujow kugel̥l̥enool koonool: — Mantee awu ommuu anawu áatimuu abil, mantee joote jikob akee ábuto?

Hulimahu Hásuumaahu loon Lík akiic homuu 1:35

Amalakaawu li aanool: — Buyinumabu Banabaabu fan bubil bulako li awu, min sembaasu sata Ateemit ata Haatiya síhimeni loon máyiino. Mó mújimuu, añiilawu ammuu li abuki fan akaan añiil anabe, ban fan ahooñi Añiil ata Ateemit.

Hulimahu Hásuumaahu loon Lík akiic homuu 7:19

min aboñiil bata Amaaŋenawu kujow kugel̥l̥enool koonool: — Mantee awu ommuu anawu áatimuu abil, mantee joote jinaak akee ábuto?

Hulimahu Hásuumaahu loon Saŋ akiic homuu 1:14

Hulimahu li hubil hukaan an, min akin li ololaal. Li akaan an abaje káji káamak, ban li alako an ata mal̥egen. Lujukaale buu láyiinenimuu eeno. Máyiineniyamu man abajumuu mata min ammuu Añiil ano sih ata Atuubaawu.

Kata Galasi 4:4

Bale nan taŋayi yan Ateemit asenumuu éliiŋumuu, li áboñul Añoolool. Anaale abukool, ban li alako li kuŋen kata Eluwaayi yata Móyiis.

1 Tímote 3:16

Mal̥egen, ban an ayilaat aceeŋ, Mahaasutimuu mata káyinenaku koololaal mululluuk! Kilisita láfuluufulul ajuki loon an, Buyinumabu Banabaabu búhihhiis kaanaku lacoccol, ban Kumalakaaku kujukoojuk. Li kulob foof moola bata kaletumuu kusuwif, li kúyinen li akila li adunaayi feh, ban li ájowetumi boot li emitayi li máyiineni ló.

Eébulo 1:6

Ban foof nan Ateemit áboñulumuu li adunaayi inye añoolool ajandumuu abuki, lansaan: «Kumalakaaku feh kata Ateemit, koote kumanenool.»

Eébulo 10:10

Yéesu Kilisita lakankaan loon Ateemit afañumuu. Lasensen eniilayi yoola humum yo ñano boot kale, min újowumaal tó ulakowaal bukan kan kukaane kunab.

Eébulo 10:7

Muñeˈe li een: “Ateemit, libiibil boot min ikaan loon ufañumuu, loon Bakiicelabu bulobumuu buya lí ínje”.»

Eébulo 10:8

Kilisita lajanjand aan: «Ufañut usila, ufañut busuuhen, ufañut sínuukuleŋ sásuli li husila, ufañut usila wakaani boot kabonket uhoofoo, ban ubajut to ésuumansuum yanooyan.» Imban, usilaawu unwu ukaanikaan loon eluwaayi elobumuu.

Eébulo 2:14

Emmuu kama bañiilabu umbu kúl̥ahukowan koom, Yéesu humumool foof li aŋa’ bóono bata ál̥ahukowan, mantee li ájowum li eketayi yoola min ágooten Sayitaane aakumuu sembaasu sata eketayi.

Eébulo 5:7

Nan Yéesu alakomuu li buloŋ baabe li etaam, lanaanaak al̥aw ban li ayaakoo Ateemit li sikaaw butiya li muhuu ló. Lakankaan mo mata Ateemit ayiliyeenumuu afakenool li eketayi. Ateemit li ayab kal̥awaku kata Yéesu mata látuulootuul.

Eébulo 8:3

Li mal̥egenamu, álamba áamak anoowan lakaanikaan to boot kasen busuuhen li kakaan kasila, wahawu unwu újimuu álambaawu oololaal áamakawu laate foof abaj wah wan aate asen.

1 Fiyeel 2:24

Latetteb uhoofoolawu woololaal li eniilayi yoola boot li ekuluwaayi, bájum kahoofoo li kuket li ololaal, min uloŋaal buloŋ bacole. Li ucokawu woola bukuluul jífakummuu.

2 Saŋ 1:7

Kúmalamiñ kameeŋe kuyiisoole kujow koono tanootan li adunaayi. Kuhoohoy koon Yéesu Kilisita labiibil min alako mal̥egen an. An loon muñaˈa okila ammuu ámalamiñ. Okila ammuu Alatoolaawu ata Kilisita.