Eébulo 1:14 - Jola-Kasa

¹⁴ Kama inti kumalakaaku uyinum koom wáami li bulok boot li Ateemit? Inti Ateemit laboñeboñ kumalakaaku kujow kulamben bukanabuku káatimuu kuyab kafakaku kutowo?

Eébulo 1:14 Referencias Cruzadas

Máciya 1:20

Nan alakomuu kayinoolaku unku, muñeˈe amalaka ata Amaaŋenawu li áfulool li sísaahut min aanool: — Suseef, añiil ata bubukoolum bata Dayit, jakum úkoli min uŋa’ Mali alako aseeki, mata halahu han aakumuu, li sembe sata Buyinumabu Banabaabu lábajum hó.

Máciya 13:41

Añool-An fan abil áboñul kumalakaabuku koola, min kúfulen li Jáyiiyaju bukanabuku feh kájiyemuu ésukayi li elo li kahoofoo, li bukanabuku feh kakaanemuu majakut.

Máciya 18:10

— Jíkaanum! Jakum jibes akee li bukanabuku umbuke kan káyinenaku kooliil lí ínje kulitutumuu. Mata fan ilobuul, li emitayi kumalakaaku kooliil kumbuku nanoonan hákil Atuubawom ata haatiya.

Máciya 2:13

Nan kánayinaabuku kájallomuu kúbalomuu, amalaka ata Amaaŋenawu li áfu’ Suseef li sísaahut min aanool: — Suseef, uyito uŋa’ añiilawu li jaawool min utey boot li etaamayi yata Ejíf. Ulako bo boot yok nan emmuu li eeni úlaañul; mata Elod fan aŋes añiilawu boot jamuk.

Máciya 24:31

Nan kasiinaku káamakaku kommuu li kul̥oki, Añool-An fan áboñul kumalakaaku koola kujow boot tanootan li etaamayi, kujow kuwomen bukanabuku kan al̥usumuu, kítum li hulej haahe hata etaamayi boot li haaha.

Máciya 25:34

Banumuu, áyiiyawu fan aan bukanabuku kammuu kulako kaŋenool káli: «Jibil, bukuluul jan Atuubawom ásooniyenumuu. Jiŋa’ jáyiiyaju jan akaanumuu boot li bukuluul, yaan no nan ajuul̥umuu adunaayi, jitowo.

Máciya 4:11

Muñeˈe Sayitaane li akat Yéesu. Kumalaka li kubil boot tan Yéesu alakomuu min kulambenool.

Maak 10:17

Muñeˈe Yéesu li alako li ajow, ánayine akee li áteyul áliiŋul li ákuntuŋ hákilool min agel̥l̥enool aanool: — Anahaan ajake, waa leete ikaan min ibaj buloŋabu bábaneliitumuu?

Hulimahu Hásuumaahu loon Lík akiic homuu 1:19

Amalakaawu li aan Sakali: — Injé emmuu Gáabuliyeen. Injé ummu nanoonan hákil Ateemit, min inaak ilok boot li okila. Ateemit láboñulomboñul boot min ilob li awu min foof ilobi hulimahu unhe hásuumaahe.

Hulimahu Hásuumaahu loon Lík akiic homuu 1:23

Muñeˈe nan kunakaku kata kalokuwaku kata Sakali kubanumuu, li alaañ ábalo.

Hulimahu Hásuumaahu loon Lík akiic homuu 16:22

Muneˈe Laasaal li aket, kumalakaaku li emitayi. Anáyinaawu abajumuu li aket foof, li ahoki.

Hulimahu Hásuumaahu loon Lík akiic homuu 2:13

Li kulako to, húmim hata emalaka yata emitayi li huyaan húlaŋul tó li amalaka aahu, min kulako kasal Ateemit koon:

Hulimahu Hásuumaahu loon Lík akiic homuu 2:9

Muñeˈe, amalaka ata Amaaŋenawu li áfululiil. Máyiineniyamu mata Amaaŋenawu li mujaaŋeniil múwooñen. Muñeˈe li kúkoli ŋáa’.

Bakaanelabu 11:22

Bukanabuku kata ejanguwayi yata Yeelusalem li kujam wahawu unwu wabajumuu. Muñeˈe li kuboñ Balunabaas ajow boot Antiyok.

Bakaanelabu 12:23

Bale amalaka ata Amaaŋenawu li ayaan atek Elod, mata lansaan éehe’ min aŋa’ kasalaku kammuu kata Ateemit. Kuñal li kutiñool, li aket.

Bakaanelabu 12:7

Li kulako to, amalaka ata Amaaŋenawu li ago’ Fiyeel li ejaj min áliwool, ban li aanool: — Uyito cab! Useelawu wan kuŋa’muu min kujenkool li kuŋen, li uyaan úlowul.

Bakaanelabu 13:2

Li líiŋ hunak hakee, buko balakowe kal̥aw Amaaŋenawu li kamommo ló, Buyinumabu Banabaabu li booniil: — Jikaanom li kakaŋ Balunabaas buko li Sóol boot li bulokabu ban ihooñiilumuu boot min kukaan.

Bakaanelabu 16:26

Li kuyaan kulako to, etaamayi li egolool ŋáa’ min kuteefaku kuleeteemaaku kata hukul̥ahu kúlilliŋoo. Wámbiilawu feh li uyaan úbabulo, sijenkasu feh sata bukanabuku kan kukul̥umuu li sil̥el̥o.

Bakaanelabu 27:23

Mata li mal̥egenamu li ehukaayi yakatenumee síyaat, amalakaawu ata Ateemitawu akilommuu an ilokemuu boot li akila, láfulonfu’

Bakaanelabu 5:19

Bale li líiŋ li hukahu, amalaka ata Amaaŋenawu li ábabul wámbiilawu wata hukul̥ahu, min akaan kufootalaku kúfu’, ban li aaniil:

Kata Lom 11:14

Iyiliyeenumuu ikaan mo, fan íji kukee li bukanabuku kammuu kusuwif loon ínje li kutahaay, min ífakenum tó kukee li buko.

Kata Lom 13:6

Wahawu unwu újimuu foof li jinaak jihal. Li mal̥egenamu, bukanabuku kayabemuu búhalabu kuloka koom kata Ateemit boot kakaan bulokabu umbu.

Kata Lom 15:16

min ilako aloka ata Yéesu Kilisita boot li bukanabuku kaletumuu kusuwif. Lisenoolosenoolo boot kawaale Hulimahu Hásuumaahu hata Ateemit, mantee bukanabuku kaletumuu kusuwif li kulako loon esalah yásuume Ateemit, yan Buyinumabu Banabaabu bukaane enab.

Kata Lom 15:27

Buko humumiil kujoke min kukaan mo, ban li mal̥egenamu laalu ecaagen yan kookeniil, mata kusuwifaku kugaboogaboo li buko kásooniyenaku kabilummuu li Buyinumabu, mó mújimuu bukanabuku kaletumuu kusuwif koote kuŋa’ wahawu wan kubajumuu min kulamben kusuwifaku.

Kata Lom 8:17

Oomaalumuu bañiil bata Ateemit, fan foof uyabaal wahawu wan alobumuu kasen bukanabuku koola, ban fan uyabaal wo li Kilisita ló. Nokoomuu loon li mal̥egen lúlaamaalaam sílaamasu sata Kilisita lí ákila ló, fan foof ulakowaal li máyiineniyamu moola lí ákila ló.

1 Kata Koolent 1:21

Li mal̥egenamu, bukanabuku kata adunaayi li bújallowabu booliil feh, kujuke wahawu wan Ateemit akaanumuu, bale kuyilaat kuhaas Ateemit. Wahawu unwu újimuu, Ateemit li ajok kaanaku jaajak min ájowum li kulimaku kan uwaaleyaalemuu ban li kujoki loon bul̥uuhoo, min afaken bukanabuku káyinenumuu.

2 Kata Koolent 9:12

Bulokabu umbu bata kayabaku kata wahawu wan bukuluul jisenumuu, bulakowut boot kalamben bale bukanabuku kata Ateemit li wahawu wan jokiilumuu li wo, bale fan búji foof bukan kameeŋe li kúsalum Ateemit li kal̥aw.

Kata Galasi 3:29

Ban nokoomuu loon bukuluul bukan kata Kilisita joom, kama bukuluul jommuu bubukoolumabu bata Abulaham, ban bukuluul jommuu li jiyab wahawu wan Ateemit alobumuu kasen.

Kata Galasi 3:7

Kama jihaas kaanaku: bubukoolumabu bata Abulaham bo bommuu bukanabuku káyinenumuu li Ateemit.

Kata Galasi 3:9

Mó mújimuu, bukanabuku feh káyinenumuu li Ateemit, Ateemit fan ásooniyenooliil li Abulaham áyinenumuu li akila.

Kata Efées 3:6

Wahawu unwu wahaasutimuu wata Ateemit wo wommuu unwe: bukanabuku kaletumuu kusuwif kubaje wahawu wanolawu li kusuwifaku. Muñeˈe buko bukan kano koom, ban li kóomi ló foof li wahawu wan Ateemit alobumuu kasen kusuwifaku. Wahawu unwu ubabbaj humum hata hujokoolahu hata kaletumuu kusuwif li Kilisita, habilummuu li Hulimahu Hásuumaahu.

Kata Fílib 2:17

Káyinenaku kooluul kulakolako kasila kan jikaane boot li Ateemit. Nokoomuu loon boot min húsimahu húmbaam húyuwi min lako búsimen famen to kooluul, kama fan súumom, ban bukuluul foof fan súumuul.

Kata Fílib 2:25

Lijuujuk li een jaajak min ílaañenuluul atuyolaal Efáfulodit, ammuu anaboolawom ata bulok li ata bútaj, okila an jíboñulomuu abil alambenoolom li wahawu wan jokommuu li wo.

2 Kata Tesalonik 1:7

ban bukuluul jammuu li sílaam fan asenuul kayool̥o, li áloli foof. Fan akaan wahawu unwu nan Amaaŋenawu koola ló kata sembe.

Eleetalayi yan Fool akiicumuu Tit 3:7

Ateemit lakankaan mo, bájum li ujokaali bukan kacole humum hata kájiyaku koola, min buloŋabu bábaneliitumuu ban úkangumaamuu li bo bulako boololaal.

Eébulo 10:11

Alámba anoowan fan ayito hunakoohunak min akaan bulokabu bata Ateemit. Fan akaan ñameeŋe usilaawu wanolawu, wayilaatumuu úfulen uhoofoolawu maayeet tuf.

Eébulo 2:3

Muñeˈe kama buu alolaal humumolaal uyiliyaale ufakaal li katekaku unku, alolaal bacucaale kafak káamak loon unku? Amaaŋenawu humumool okila ajande alob mata kafakaku unku. Fúlum tó, bukanabuku kajamumuu mata ko li akila, li kulobolaal kaanaku mal̥egen.

Eébulo 5:9

Nan Yéesu ajeˈe áliiŋumuu jak, li áji bukanabuku feh kátuuloolumuu li kufak boot nanoonan.

Eébulo 6:12

Jakum kahankenaku kooluul kúyaakulo, bale jiliikoo li bukanabuku káyinenumuu ban li kuhanken, li kuyab wahawu wan Ateemit alobumuu kasen.

Eébulo 6:17

Muñowu Ateemit afañumuu min áhiis haŋ maset bukanabuku kammuu li kubaj wahawu wan alobumuu kasen, kaanaku wahawu wan akila alobumuu an ayilaat wó áfulen. Wahawu unwu újimuu li anuu afamen to.

Eébulo 8:6

Bale muñeˈe bulokabu bata Yéesu buhaŋe bata kúlamba kaabuku, mata okila ammuu li tutoo húfaalum hahaŋe majak han Ateemit ajokumuu bukanabuku, ban li huhajo li wah wan alobe kasen wahaŋe majak.

Eébulo 9:28

mo foof Kilisita asenoolomuu ñano bale, alako esalah boot káfulen uhoofoolawu wata bukan kameeŋe ŋáa’. Fan abil álaŋul búl̥ubut, ban inti boot káfulen uhoofoolawu, bale boot kafaken bukanabuku kammuu li kakob élaañulayi yoola.

Saak 2:5

Kutuyom, jijanten! Kama inti Ateemit lal̥ul̥l̥us bukanabuku kan adunaayi yoonumuu kusukateen koom, min akaaniil kulako kusaanum li káyinenaku, ban li kuyab Jáyiiyaju jan Ateemit alobumuu kasen kafañoolumuu.

1 Fiyeel 1:12

Ateemit li áhiis kufulofetaku kaanaku hulimahu han aseniilumuu, inti boot li buko humumiil, bale boot li bukuluul. Hulimahu unhu ho bukanabuku kawaaleyemuu Hulimahu Hásuumaahu kulobewuulumuu muñeˈe. Kulobewuulob ho li búkaanum bata sembaasu sata Buyinumabu Banabaabu babilummuu li emitayi. Kumalakaabuku humumiil kufañeene min kuhaas hulimahu unhu.

1 Fiyeel 1:4

min ukobaal wahawu wajakaawu wayilaatumuu ukajen, uyilaat usiko, ban majakamu mata wo muyilaat mújim, wan Ateemit ahahenumuu li emitayi boot li bukuluul.

1 Fiyeel 3:7

Li manolamu, bukuluul kánayinaabuke, li buloŋabu booluul li kuseekuul, joote jijokiil jak min jihaas joon kuhaŋuuhaŋ mágooto. Jiluukeniil, mata buko foof fan kuyab loon bukuluul kájiyaku kata buloŋabu bata mal̥egen. Jikaan loon muñaˈa jakum bil wah ukajen ul̥awawu wooluul.

Eleetalayi yan Súd akiicumuu 1:14

Buko Enok, ammuu anawu atoken li ál̥ubutawu kábilum Adam, alobumuu mooliil ákibben nan aanumuu: «Jijanten: Amaaŋenawu ummu li ebil li búsuk báamak bata kumalakaaku koola kanabaaku,

Búhiisenumabu 5:6

Muñeˈe li ijuk Agálalaan ayitowe li tut efenjeŋayi yata jáyiiyaju. Wahawu ubakiilawu waloŋumuu li kunahaanaku kahallenumuu, li kúguutool. Agálalaanawu ummu lanokoonokoo li ágalalaan an kumuke. Labaje usiin hutok li úl̥uba li kúkil hutok li kúl̥uba. Usiinawu unwu hutok li úl̥ubaawu li kúkilaku unku, wo wommuu uyinumawu hutok li úl̥ubaawu wata Ateemit wáboñulimuu li etaamayi feh.