Bakaanelabu 7:38 - Jola-Kasa

³⁸ Móyiis aakenumuu kata Isilayeel, kawoogumuu li kayiinaayaku. Akila alakomuu li tutoolayi yata situubawolaal sihaan, li amalakaawu anaake alobumuu li akila, li huyuuyahu hata Sinaay. Akila Móyiis, Ateemit asenumuu kulimaku kata buloŋabu boot li alolaal.

Bakaanelabu 7:38 Referencias Cruzadas

Hulimahu Hásuumaahu loon Saŋ akiic homuu 1:17

mata Ateemit li Móyiis lásenumolaal eluwaayi.

Hulimahu Hásuumaahu loon Saŋ akiic homuu 6:63

Buyinumabu bata Ateemit busenemuu buloŋ. An humumool ayilaat akaan wahoowah. Kulimaku kan ilobuulumuu, ko kusenemuu Buyinumabu Banabaabu, li buloŋabu.

Bakaanelabu 7:30

«Nan bajumuu simit kúyii kúl̥uba, amalaka ata Amaaŋenawu li áfu’ Móyiis li sambun sata huñob hátife, li kayiinaayaku kata huyuuyahu hata Sinaay.

Bakaanelabu 7:35

«Móyiis an kata Isilayeel kuhoyumuu, min koonool: “Ayimaa akaani ulako anahaan li atiiba?”, akila Ateemit áboñulumuu abil alako anahaanawu li afakenaawu ooliil, li búlambenum bata amalakaawu áfuloomuu li huñobahu.

Bakaanelabu 7:53

Li jíyabum eluwaayi yata Ateemit li kumalakaaku, bale jikaanut loon eluwaayi elobumuu.

Kata Lom 3:2

Li wahawu feh, jáliŋayi yata katey búkut elulluuk. Kusuwifaku Ateemit ajandumuu akat Hulimahu hoola.

Kata Lom 9:4

Buko kommuu bukanabuku kata Isilayeel. Ateemit lajokiijok bañoolool, ban li aseniil máyiineniyamu moola, li ajokiil húfaalum, li aseniil eluwaayi, li áhiisiil buu kommuu kunaak kasal Ateemit, ban li alob kaseniil wah wajake,

Kata Galasi 3:19

Kama wáa újiye eluwaayi li ebaj? Eluwaayi efamenifamen to humum hata uhoofoolawu. Ban yoote elako to boot yok nan anawu ammuu li abuki li kalandaku kata Abulaham ammuu li abil, an Ateemit alobumuu kasenaku kata wahawu. Eluwaayi inyu Ateemit asen yo kumalaka kusen Móyiis boot li bukanabuku.

Eébulo 2:2

Hulimahu han kumalakaaku kulob nomuu, hulakolako hulim hata mal̥egen, ban anoowan áhoogulo hó mantee foof átuulut hó, lababbaj katek kacole.

Eébulo 4:12

Li mal̥egenamu, Hulimahu hata Ateemit hulonloŋ ban li hubaj sembe. Huhaŋe mañek ékundu yanooyan. Fan hunoken boot yok kata láala hujow húgaatuloo yaalayi li buyinumabu, síŋullumasu li múgundamu, ban li hutiib kásiibowaku li uyinoolawu wata buyinumabu.

Eébulo 5:12

Li mal̥egenamu, fiyowe nan bukuluul jooteen jilako kuliikena bukan wah, bale bukuluul loŋe li jokuul min an alaañen aliikenuul wahawu útinaalawu wata kulimaku kata Ateemit. Muñeˈe tan bukuluul jommuu, jokutuul li búkuumenuma bal̥aal̥e, bale miil jokuul li mo.

1 Fiyeel 4:11

An áakimuu káji kata elob, li anaak alob kulimaku kata Ateemit. An li áaki káji kata kalamben bukan, li akaan mo li sembaasu san Ateemit asenemuu, bájum Ateemit li ásalumi li wahoowah feh jówum li Yéesu Kilisita, akilumuu máyiineniyamu li sembaasu boot nanoonan. Aameen!