Bakaanelabu 7:25 - Jola-Kasa

²⁵ Móyiis lanaanaak ayin li aan kutuyool kata Isilayeel fan kúnaanum koon Ateemit fan ájowum li akila, min afakeniil. Bale kúnaanumut.

Bakaanelabu 7:25 Referencias Cruzadas

Maak 9:32

Bale kúgoomaku kuliitikenut hulimahu unhu han alobumuu, ban li kúkoli bagel̥l̥enool mata ho.

Hulimahu Hásuumaahu loon Lík akiic homuu 18:34

Bale kúgoomaku kúnaanumut wahoowah li kulimaku unku. Mata li buko, kulimaku unku kulobilob kat ló. Kuliitikenut waa Yéesu afañe alob.

Hulimahu Hásuumaahu loon Lík akiic homuu 9:45

Bale kúgoomaku kuliitikenut hulimahu unhu. Wahawu wan hulimahu hufañumuu hulob, Ateemit layoliiyo wo jakum bil kuyili kúnaanum wo, ban li kúkoli kugel̥l̥en Yéesu min akitteniil waa lafañe alob.

Bakaanelabu 14:27

Nan kúliiŋumuu Antiyok, Fool buko li Balunabaas li kuwoogen ejanguwayi, min kukitteniil wahawu feh wan Ateemit ákaanummuu li buko, li buu lasenumuu bútin kákaanumutumuu li okila balewool min buko foof kúyinen.

Bakaanelabu 15:4

Nan kúliiŋumuu Yeelusalem, ejanguwayi, li kufootalaku li kuhaanabuku li kuyabiil. Li kukitteniil wahawu feh wan Ateemit ákaanummuu li buko.

Bakaanelabu 15:7

Li kúwonnoo jow fiyo, Fiyeel li ayito min aaniil: — Kutuyom, jihaase joon Ateemit lal̥usonl̥us li bukuluul nan fiyo, boot kawaale Hulimahu Hásuumaahu bukanabuku kákaanumutumuu li Ateemit balewool, mantee li kujam ho li kúyinen.

Bakaanelabu 21:19

Fool li asaafiil aban, li akitteniil jak wahawu feh wan Ateemit ákaanummuu li bulokabu boola, hákil bukanabuku kákaanumutumuu li Ateemit balewool.

Bakaanelabu 7:24

Muñeˈe nan Móyiis ajowumuu áliiŋ, li ajuk an ata Ejíf akila li búl̥afut akee li kata Isilayeel. Móyiis li alaañ bata anawu an kulakomuu búl̥afutabu. Li ajow bulukenabu boola, li atek anawu ata Ejíf, li amukool.

Bakaanelabu 7:26

Nan tikatenumuu, Móyiis li ajuk bukan kúl̥uba kata Isilayeel kalakowe bútekoo. Li afañeen min akaaniil kujamoo. Li aaniil: “Kufaalom, bukuluul batuyaay. Wáa újiye li joono li búl̥afutoo?”

Kata Lom 15:18

Li mal̥egenamu, éetimuu ikaañen ilob mata wah ukee, fan lako bale wahawu wan Kilisita ákaanummuu lí ínje. Lájowunjowum lí ínje min akaan bukanabuku kaletumuu kusuwif kútuul Ateemit. Lákaanunkaanum mó li kulimaku kúmbaam li bakaanelabu búmbaam.

1 Kata Koolent 15:10

Bale kájiyaku kata Ateemit kújimuu li eeno loon emmee. Ban min áyiyenommuu li kájiyaku koola, inti kakaal̥o. Mata liloolok ihaŋ kufootal kaabuku feh. Bale inti ínje iloke, li mal̥egenamu, kájiyaku kan Ateemit asenommuu kulambenom ikaan bulokabu umbu.

1 Kata Koolent 3:9

Li mal̥egenamu, áloli kuloka joom kálokume dín dáno boot li Ateemit, bukuluul li jóomi kal̥aakaku kata Ateemit. Bukuluul jommuu eluufayi yata Ateemit.

2 Kata Koolent 6:1

Emmuu áloli dín dáno jílokume li Ateemit, wahawu wan jommuu li kayaakooluul foof wo wommuu, jakum jiyab kájiyaku kata Ateemit jihinten to.

Kata Kolos 1:29

Wahawu unwu újimuu li éemi li kahanken min itaj, mantee li iyili ihabel ikaan bulokabu umbu li sembaasu sata Kilisita, sammuu li kakaan bulok báamak lí ínje.