Bakaanelabu 5:39 - Jola-Kasa

³⁹ Bale nokoomuu loon wahawu wan kukaanemuu li wo, li Ateemit ubilumulo, let jiyili jikajen wo. Ban li jíkaanum jakum jibil jitiik li Ateemit! Bukanabuku kata hujojahu li koon hulimahu han Gamaliyel alobiilumuu hujaajak.

Bakaanelabu 5:39 Referencias Cruzadas

Máciya 16:18

Bale ínje foof boot min eeni, awu ommuu Fiyeel, húlankiinahu. Li húlankiinahu unhu léemimuu li iteef Ejanguwayi yúmbaam. Sembaasu sata eketayi let siyili li Ejanguwayi inyu wahoowah.

Hulimahu Hásuumaahu loon Lík akiic homuu 21:15

Mata ínje humumom fan isenuul kulim kata bújallo, kan anoowan li kulatoolawuul aatut ayili aceeŋ, mantee áhoogul.

Bakaanelabu 11:17

Kama Ateemit aseniilumuu kájiyaku kanolaku li kan asenolaamuu nan úyinenaamuu li Amaaŋenawu Yéesu Kilisita, ínje, ínje emmuu sum ayi mata min íhi’ Ateemit ákaanum mó?

Bakaanelabu 23:9

Li kúwonnoo to yok kulimaku kooliil kujow haatiya. Muñeˈe kukee li bukanabuku kaliikenemuu ésukayi eluwaayi yata Móyiis, ban li kulaañ bata hujojahu hata Kufaaliisiyeŋaku, li kuyito kulob li sembe koon: — Jijukut majakut manooman man ánayinaawu ummu akaane. Nakeemaa buyinum mantee foof amalaka alobe li akila!

Bakaanelabu 6:10

Bale kuyilaat kuheek Ecen li kulim, mata lanaanaak álobum li bújallowabu ban Buyinumabu Banabaabu busenoomuu.

Bakaanelabu 7:51

Ecen li afamen aan: — Bukuluul bukan kájamaatiye! Jiŋalut Hulimahu hata Ateemit jikaan li uyinumuul, ban li jihoy bajanten ho. Jihoohoy Buyinumabu Banabaabu. Jinokoonokoo loon situubawuul sihaan.

Bakaanelabu 9:5

Sóol li agel̥l̥en aan: — Awu ommuu ayi, Amaaŋen? Hulimahu li hoonool: — Injé emmuu Yéesu an ommuu li jálaatenaju.

1 Kata Koolent 1:25

Mata wahawu wata Ateemit wajokimuu loon bul̥uuhoo, uhaŋe májallo bújallowabu bata ál̥ahukowan. Wahawu wata Ateemit wajokimuu loon búgooto bata Ateemit, uhaŋe mabaj sembe sembaasu sata ál̥ahukowan.

1 Kata Koolent 10:22

Waa fíle, jifanfañ min jígec Amaaŋenawu? Jiyinooyinoo li joon luhaŋaale Amaaŋenawu sembe?