Bakaanelabu 5:27 - Jola-Kasa

²⁷ Nan kúlaañenulumuu kufootalaku kúliiŋul, li kújowetumiil kujow kukaan hákil huhaanaahu háamakahu hata Kusuwifaku. Alámbaawu áamakawu li agel̥l̥eniil aaniil:

Bakaanelabu 5:27 Referencias Cruzadas

Máciya 5:22

Bale ínje fan eenuul, an awuñetumuu atuyool, fan atiibi. An aanumuu atuyool «esoŋaye,» fan ájowetumi bata Huhaanaahu hata kutiibaaku. Ban an aanumuu foof atuyool, «buwelabe!», latooke min abeteni li sambun.

Hulimahu Hásuumaahu loon Lík akiic homuu 22:66

Nan tikatenumuu, kunahaanaku kata Kusuwifaku, huhaanaahu hata élambaayi, li kaliikenemuu ésukayi eluwaayi ésukayi eluwaayi yata Móyiis li kujojoo, min kúŋalul Yéesu abil átuul hujojahu háamakahu hata Kusuwifaku.

Bakaanelabu 22:30

Anahaanawu ata esollaaliyayi li afañeen min ahaas jak wáa újimuu Kusuwifaku li kul̥oof Fool. Muñeˈe li líiŋ hunak hukaten, li alob min kúl̥el̥ul Fool, ban li ahooñ bajoj kunahaanaku kata élambaayi li hujojahu háamakahu hata Kusuwifaku, aban li áŋalul Fool abil akaan hákiliil.

Bakaanelabu 4:7

Muñeˈe li kúŋalul Fiyeel buko li Saŋ kubil kukaan li tutiil min kugel̥l̥eniil kooniil: — Li sembe say, mantee foof li kajaw kata ayi jífakenume ánayinaawu aboboweenumuu?

Bakaanelabu 5:21

Kufootalaku li kukaan loon amalakaawu alobiilumuu. Li líiŋ yaan li bújom bíb, li kujow boot li Eluufayi yata Ateemit kujow kuliiken dó bukanabuku mata buloŋabu buwunkulabu. Muñeˈe álambaawu áamakawu li kanabumuu li akila, li kuhooñ kuhaanaku boot bajoj, bata hujojahu háamakahu hata Kusuwifaku. Li kuboñ bukan boot min kujow kúŋalul kufootalaku li hukul̥ahu.

Bakaanelabu 5:34

Bale li baj akee li buko alakowe Afaaliisiyeŋ, an koone Gamaliyel. Gamaliyel anahaan ata kaliikenemuu bukanabuku eluwaayi yata Móyiis, an ésukayi feh eluukene ŋáa’. Li alob min kukaan kufootalaku kúfu’ kujow kulako tíyaŋ jatit.

Bakaanelabu 6:12

Li kúkiŋul búsukabu, li kunahaanaku, li kaliikenemuu ésukayi eluwaayi ésukayi eluwaayi yata Móyiis, min kubil kujok Ecen kújowetum boot bata Hujojahu háamakahu hata Kusuwifaku.