Bakaanelabu 5:24 - Jola-Kasa

²⁴ Nan anahaanawu ata kufooyaabuku kata Eluufayi yata Ateemit li kunahaanaku kata élambaayi, kujamumuu kulimaku unku, kuhaasut buu kóomi li kuyinoo eeno mata kufootalaku. Li kunaak kugel̥l̥enoo waa ubaje.

Bakaanelabu 5:24 Referencias Cruzadas

Hulimahu Hásuumaahu loon Lík akiic homuu 22:4

Sudaas li ajow kujamoo li huhaanaahu hata élambaayi li kunahaanaku kata kafooyemuu eluufayi yata Ateemit, buu laanomuu li abet Yéesu li kuŋeniil eeno.

Hulimahu Hásuumaahu loon Lík akiic homuu 22:52

Fúlum tó, Yéesu li aan huhaanaahu hata élambaayi, li kunahaanaku kata kafooyemuu eluufayi yata Ateemit, li kunahaanaku kabilumuu jajokaju joola: — Waa, jibil li síkundu li sigol ló boot búmba loon eenimuu ínje ákuu?

Hulimahu Hásuumaahu loon Saŋ akiic homuu 12:19

Muñeˈe Kufaaliisiyeŋaku li kunaak koonoo: — Inti jijuke, uyilaataal to wahoowah. Esúkayi feh ejowe enab li akila!

Bakaanelabu 2:12

Búsukabu feh li busego ŋáa’, ban buhaasut min boote buyinoo to. Muñeˈe bukanabuku li kunaak kugel̥l̥enoo koon: — Kama file wahawu unwu waa ufañe ulob?

Bakaanelabu 4:1

Nan Fiyeel buko li Saŋ kulakomuu elobayi li ésukayi, élambaayi, li ahaanawu ata kufooyaaku kata Eluufayi yata Ateemit, li Kusaduusiyeŋaku li kúliiŋul.

Bakaanelabu 4:21

Muñeˈe kunahaanaku kata Kusuwifaku li kulaañen kunuuloo Fiyeel buko li Saŋ, ban li kukateniil. Kujukut li buko majakut man kóotummuu kútekumiil, mata ésukayi feh enaanaak esal Ateemit mata wahawu wabajumuu.

Bakaanelabu 5:23

— Jílilliiŋ, li jitook wámbiilawu wata hukul̥ahu makul̥i jak, ban kufooyaaku kata hukul̥ahu buko to tin wámbiilawu. Bale nan jíbabulumuu wámbiilawu wata hukul̥ahu, jijukut ló an.

Bakaanelabu 5:25

Bale akee li abil aaniil: — Jijanten! Kánayinaabuku kan jijokumuu jibab li hukul̥ahu, kumbuku li Eluufayi yata Ateemit li kaliiken ésukayi.

Bakaanelabu 5:26

Muñeˈe anahaanawu ata kufooyaabuku kata Eluufayi yata Ateemit, li aŋa’ bukanabuku koola min kujow kúlaañenul kufootalaku. Bale kúlaañenulootiil li sembe, mata kúkolikoli min ésukayi etekiil kuyitik.