Bakaanelabu 5:16 - Jola-Kasa

¹⁶ Muñeˈe búsuk bameeŋe li bubilumul foof li sísukasu sakoojumuu Yeelusalem. Li kútebul kúsontaaku kooliil, li bukanabuku kan uyinumawu wajakutumuu újufomuu. Buko foofiil feh li kufak.

Bakaanelabu 5:16 Referencias Cruzadas

Máciya 2:16

Nan Elod ajukumuu aan kánayinaabuku kájallomuu kubuntoobunt, etindihuuñ yáamak li ejokool. Muñeˈe li aboñ kujow kumuk bañiilabu báyinaabu feh bata ésukayi yata Betilehem, li bata sísukasu sakooj yomuu, kabajumuu simit síl̥uba wálowul teetaam. Lalollob mo naboo li taŋayi yan kánayinaabuku kájallomuu kuloboolumuu, nan ewuutayi éfululumuu.

Máciya 4:24

Mó lí múji Yéesu li ajamo li etaamayi feh yata Siili. Muñeˈe li kunaak kúŋalulool bukan kata úsomut wanoowan, li jilum janoojan; bukan kan Sayitaane ájufoye, bukan katujowe, li kubob. Yéesu li afakeniil.

Máciya 8:16

Li líiŋ kátiimaku, li kúŋalulool bukan kameeŋe kan uyinum wajakut újufowe. Yéesu li alob hulim hano, uyinumawu wajakutumuu li úfu’ li buko, ban li afaken foof bukanabuku feh kásomuteenumuu.

Hulimahu Hásuumaahu loon Lík akiic homuu 5:17

Muñeˈe li líiŋ hunak hakee, Yéesu li alako buliiken ésukayi Hulimahu hata Ateemit. Li baj Kufaaliisiyeŋ li kaliikenemuu ésukayi eluwaayi ésukayi eluwaayi yata Móyiis, kabahe kukoojool. Buko umbuku li sísukasu feh sata etaamayi yata Gálile li sata etaamayi yata Súde, li foof ésukayi yata Yeelusalem kubilumulo. Sembaasu sata Amaaŋenawu li Yéesu silakowe, min afaken bukanabuku kásomutumuu.

Hulimahu Hásuumaahu loon Lík akiic homuu 6:18

Bukanabuku umbuku kubiibil boot bajanten Yéesu, li boot min afakeniil li úsomutawu wooliil. Bukanabuku kan uyinumawu wajakutumuu úlaamenumuu li kufak foof.

Hulimahu Hásuumaahu loon Lík akiic homuu 9:11

Nan búsukabu bujamumuu, li bunabenool. Yéesu li ayabiil jak, ban li alobiil mata Jáyiiyaju jata Ateemit. Li afaken kásomutumuu kafañumuu min kufak.

Hulimahu Hásuumaahu loon Saŋ akiic homuu 14:12

Li mal̥egenamu fan ilobuul, an áyinenumuu lí ínje, fan akaan foof wahawu wan ikaanumuu. Fan ayili foof akaan wah wahaŋ to, mata ínje boot min ijow bata Atuubaawu.

Bakaanelabu 4:30

Uhíis sembaasu sooli mantee bukan kásomute li kufak, búhiisenum, li wah wájaahaleniye li úkaanumi li kajaw kata alokaawu uya anabaawu ammuu Yéesu.»

Bakaanelabu 5:15

Bukanabuku li kunaak kútebul kásomutumuu boot li útinawu. Kúliiŋul li kukaaniil kuhinto li ukal̥ li ufeek, bájum Fiyeel ájowum tómuu, élingaayi yoola bale li eyili ego kukee li buko.

Bakaanelabu 5:17

Muñeˈe álambaawu áamakawu li kanabumuu li akila, kammuu li hujojahu hata Kusaduusiyeŋaku, li kutiga kufootalaku. Li kujamoo min kúlaamen kufootalaku.

1 Kata Koolent 12:9

Akee, Buyinumabu banolabu li busenool káji kata káyinen, aahu bo banolabu li busenool káji kata kafaken bukan li úsomut.

Saak 5:16

Mó mújimuu anoowan li bukuluul laate alob afaalool uhoofoolawu wan okila humumool akaanumuu, ban anoowan li bukuluul foof li al̥aw boot li afaalool, mantee Ateemit li afakenuul. Kal̥aw kata an akaane loon Ateemit afañumuu kubabbaj sembe.