Bakaanelabu 4:27 - Jola-Kasa

²⁷ «Mata li mal̥egenamu, li ésukayi inye Elod, li Fons Filat, li bukanabuku kákaanumutumuu li awu Ateemit baleyi, li kata Isilayeel, kufamumuu min kutiik alokaawu ooli anabaawu ammuu Yéesu, an ul̥usumuu alako Afakenaawu.

Bakaanelabu 4:27 Referencias Cruzadas

Máciya 14:1

No unnu, Elod alako nomuu águubelunaalawu ata Gálile, li ajam li kulob mata Yéesu.

Máciya 14:3

Elod lajoojok no Saŋ ajenk ban li aŋalool akul̥, mata Elodiyaas áji, an Elod aŋa’muu akaan aseekool, ban anaale ata atuyool Fílib.

Máciya 14:6

Bale nan hunakahu hawayil̥enumuu kabukiyaku kata Elod húliiŋumuu, ásungutaawu ata Elodiyaas li agom hákil ésukayi yan Elod áhooñulumuu, li súum Elod ŋáa’.

Máciya 21:28

— Muñowu buu jiyinoole li bukittenoolumabu umbe? Bile baj ánayine abaje bañiil búl̥uba báyine. Li aan átinaalawu: «Añoolom, ujow ulok síyaat li bul̥ibabu bata úbiiñawu.»

Máciya 23:37

— Aah Yeelusalem, Yeelusalem, awu jamukemuu kufulofetaku, ban li utek kuyitik bukanabuku kan Ateemit áboñulimuu umuk! Ñoono ñeem ínje ifañeenumuu min íwomenul bañooli ikaan téetiwom, loon emanjuk éwomenulemuu bacow yo ekaan kata láala kubeyaku kata yo. Bale jifañut!

Máciya 27:2

Muñeˈe li kujokool kujenk kuban, li kuŋalool kújowetum kujow kusen águubelunaalawu Filat.

Maak 10:33

Li aaniil: — Jijanten! Alolaal ummuwaal li ejow boot Yeelusalem ban Añool-An ammuu li abeti li kuŋen kata huhaanaahu hata élambaayi, li kata kaliikenemuu ésukayi eluwaayi ésukayi eluwaayi yata Móyiis. Fan koon lafeefet min lako boot min aket, ban fan kuŋalool kubet li kuŋen kata bukanabuku kákaanumutumuu li Ateemit balewool.

Maak 15:31

Manolamu, huhaanaahu hata élambaayi, li kaliikenemuu ésukayi eluwaayi yata Móyiis, li kulako foof kaleken Yéesu min kunaak koon: — Lafakenfaken bukan kukee, ban akitut ayili afakenoolo okila humumool.

Hulimahu Hásuumaahu loon Lík akiic homuu 1:35

Amalakaawu li aanool: — Buyinumabu Banabaabu fan bubil bulako li awu, min sembaasu sata Ateemit ata Haatiya síhimeni loon máyiino. Mó mújimuu, añiilawu ammuu li abuki fan akaan añiil anabe, ban fan ahooñi Añiil ata Ateemit.

Hulimahu Hásuumaahu loon Lík akiic homuu 22:63

Bukanabuku kalakomuu kafooyaku kata Yéesu li kunaak kulekenool ban li kutekool.

Hulimahu Hásuumaahu loon Lík akiic homuu 23:1

Bukanabuku feh kalakomuu li hujojahu li kuyito min kuŋa’ Yéesu kújowetum bata Filat.

Hulimahu Hásuumaahu loon Lík akiic homuu 4:18

«Buyinumabu Banabaabu bata Amaaŋenawu bumbu lí ínje, mata lal̥usonl̥us boot kawaale Hulimahu Hásuumaahu kusukateenabuku. Amaaŋenawu láboñulomboñul boot elob mata kafakenaku kata kajokimuu. Min íji káfuumumuu li kulaañ kujuk, boot kákotul kágootenimuu.

Hulimahu Hásuumaahu loon Lík akiic homuu 9:22

Li afamen aan: — Añool-An laate álaam ŋáa’. Ban Kunahaanaku kata ésukayi, li huhaanaahu hata élambaayi, li kaliikenemuu ésukayi eluwaayi ésukayi eluwaayi yata Móyiis, fan kuhoyool. Fan kumukool, bale nan emmuu jow baj kunak kúhaaji, fan ayitowumul li eketayi.

Hulimahu Hásuumaahu loon Saŋ akiic homuu 1:11

Hulimahu li hubil bata bukanabuku kata ho, bale bukanabuku kata ho kuyabut ho.

Hulimahu Hásuumaahu loon Saŋ akiic homuu 10:36

Injé, Atuubaawu al̥usom, ban li áboñulom li adunaayi. Waa wommuu lí úji, li joon ligeggel Ateemit mata min eenumuu: “Injé emmuu Añiilawu ata Ateemit”?

Hulimahu Hásuumaahu loon Saŋ akiic homuu 18:28

Fúlum tó, li kúŋalum Yéesu bata Kayif kújowetum boot bata eluufayi yata águubelunaalawu, yaan no li bújom bíb. Bale kunahaanaku kata Kusuwifaku kunokenut li eluufayi jakum bil kusiko, mantee li kuyili kutiñ hutiñahu hata Faakayi.

Hulimahu Hásuumaahu loon Saŋ akiic homuu 18:29

Wahawu unwu újimuu águubelunaalawu Filat li áfulul atookuliil tíyaŋ. Alíiŋul, li agel̥l̥eniil aaniil: — Kama waa ánayinaawu ummu akaane, wájimuu li jil̥oofool?

Hulimahu Hásuumaahu loon Saŋ akiic homuu 19:34

Bale akee li kusollaaliyaku li aŋa’ kabaay min aya Yéesu li kaheh áfawul. Húsim li huyaan húfulul li kamal.

Bakaanelabu 10:38

Jihaase buu Ateemit akaanumuu sembaasu sata Buyinumabu Banabaabu li Yéesu ata ésukayi yata Nasalet. Jihaase foof buu Yéesu ajowumuu tanootan li etaamayi inye, min anaak akaan majake, li afaken bukanabuku feh kan Sayitaane ájufomuu li buko, mata Ateemit li okila lalakowe.

Bakaanelabu 2:27

Let ukat yaalom bándoo bata kaketumuu. Ban let ukatom, ínje jammuu ooli, min ifut li huyaak.

Bakaanelabu 4:30

Uhíis sembaasu sooli mantee bukan kásomute li kufak, búhiisenum, li wah wájaahaleniye li úkaanumi li kajaw kata alokaawu uya anabaawu ammuu Yéesu.»

Eébulo 7:26

Yéesu okila ammuu kama álambaawu áamakawu ajakumuu boot li alolaal. Lakankaan an anabe, akaanut majakut ban abajut kahoofoo kanookan. Lagiilooligiiloo li kuhoofoolabuku, ban Ateemit li atebenool boot haatiya ajow akaay emitayi.