Bakaanelabu 28:8 - Jola-Kasa

⁸ Atuubaawu ata Fíbiliyus akila ló mahintowe. Bújuusa bujokool búgiiwoo ló li bílitaañi. Fool li ajow ajukool min al̥aw boot li akila, ban li aŋa’ kaŋenool awalenool téeti, li afak.

Bakaanelabu 28:8 Referencias Cruzadas

Máciya 10:1

Yéesu li áhooñul kuŋen li kúl̥ubaaku kammuu kúgoomaku koola, min aseniil kayile kata kakesoo uyinumawu wajakutumuu úfu’ li bukanabuku kan újufomuu, li kayile kata kafaken kásomut kanookan, li jilum janoojan.

Máciya 10:8

Jifaken kásomutumuu. Jiyiten kaketumuu. Jifaken bukanabuku kan háhaayee ejokumuu. Jikesoo uyinumawu wajakutaawu úfu’ li bukanabuku kan újufomuu. Jiyayyab bacaamut, jisen bagel̥l̥enut bacaam.

Máciya 12:13

Muñeˈe Yéesu li aan ánayinaawu ata kaŋenaku kaketumuu: — Ulaaw kaŋenaku kooli. Mal̥egen ánayinaawu li alaaw kaŋenaku koola, li kufak, min kulaañen kulako jak loon kaaku.

Máciya 9:18

Nan Yéesu alakomuu elobayi li buko, anahaan akee ata Kusuwifaku li ákoojulool, min ákuntuŋ hákilool, ban li aanool: — Jísungutaaju júmbaam jikitekit li jiket. Bale ubil min uŋa’ kaŋeni uwalen li akila, fan áliwo.

Maak 16:18

Kujokumuu sinuukayila li kuŋeniil, mantee foof li kuhob busik bamuke, wahoowah let ukaaniil. Kuŋalumuu kuŋeniil kuwalen li bukan kásomute, kúsontaaku umbuku fan kufak.

Maak 5:23

min ayaakoo Yéesu ŋáa’ aanool: — Jísungutaaju júmbaam junju li eket. Liyaaki, úbil uŋa’ kuŋeni uwalen li akila kayitee li afak li kásomutaku min aloŋ.

Maak 6:5

Muñeˈe mó lí múji Yéesu ayilaat akaan li ésukool wah wájaahaleniye, búti li kuŋenool bale kan aŋalumuu awalen li kukee kásomute min afakeniil.

Maak 7:32

Nan Yéesu áliiŋ bómuu, bukan kukee li kúŋalulool an ásokowe ban ayilaat alob jak, kúliiŋul li kuyaakoolool mantee li aŋa’ kaŋenool awalen li húkowahu hata ánayinaawu ásomutumuu.

Hulimahu Hásuumaahu loon Lík akiic homuu 13:13

Muñeˈe Yéesu li aŋa’ kuŋenool awalen li anaalaawu, li ayaan ál̥aalulo acol min alako kasal Ateemit.

Hulimahu Hásuumaahu loon Lík akiic homuu 4:40

Nan banakabu bulomuu, bukanabuku feh kabajumuu booliil kúsomuta kata jilum janoojan, li kubil li buko boot bata Yéesu. Yéesu li awalen kuŋenool li húkow hata ásomuta anoowan min afakeniil.

Bakaanelabu 28:7

Halaabahu unhu hulolloh etaamayi yata anahaanawu ata étebelemukayi, an koonemuu Fíbiliyus. Fíbiliyus li áyaboli súum, ban li áakenoli boola kunak kúhaaji.

Bakaanelabu 28:9

Fúlum tó, kúsomuta kaabuku kata étebelemukayi li kubil foof kujuk Fool, li afakeniil.

Bakaanelabu 9:40

Fiyeel li akaan bukanabuku feh kúfulul, ban li ákuntuŋ min al̥aw. Nan al̥awumuu aban, li átiiwo ajooŋoo li ehuluŋayi ban li aan: — Tabita, uyito! Mal̥egen Tabita li aluujul. Nan ajukumuu Fiyeel, li ayito abah.

1 Kata Koolent 12:28

Mó mújimuu, Ateemit li ajand akaan li Ejanguwayi kufootal, fúlum tó, kuliikena bukan hulimahu hoola, ban kakaanemuu wah wájaahaleniye, ban kabajumuu káji kata kafaken bukan li úsomutawu wooliil, fúlum tó, kabajumuu káji kata kalamben bukan, ban kabajumuu káji kata kaaken ejangu, ban kit kabajumuu káji kata elob silob sahaasuti.

1 Kata Koolent 12:9

Akee, Buyinumabu banolabu li busenool káji kata káyinen, aahu bo banolabu li busenool káji kata kafaken bukan li úsomut.