Bakaanelabu 28:4 - Jola-Kasa

⁴ Nan bukanabuku kakinumuu li étebelemukayi kujukumuu enuukayilaayi maleeyoole li kaŋenaku kata Fool, li kunaak kúsuumenoo koon: — Manooman ánayinaawu ummu amuka bukan, mata maayeet min áfakumulomuu li halahu áliiŋul, ateemitawu ata batiibabu akatutool min aloŋ.

Bakaanelabu 28:4 Referencias Cruzadas

Máciya 23:35

Wahawu unwu wommuu lí úji katekaku kammuu li kubilum li eketayi yata bukanabuku kan kumukumuu ban kukaanut wahoowah, fan kulo li bukuluul, kítum tó li jamukaju jata Abel akaanutumuu wahoowah boot yok li jata Sakali an Beleki abukumuu, an jimukumuu li tutoolayi yata tin ñéyimuu ŋáa’ li husilaahu.

Máciya 27:25

Búsukabu feh li boonool: — Wahoowah wammuu ubil ulako to li eketayi yoola, ujow ulako li áloli li báñoololi!

Hulimahu Hásuumaahu loon Lík akiic homuu 13:2

Yéesu li aaniil: — Jiyinooyinoo file li joon bukanabuku umbuku kata etaamayi yata Gálile kan kumukumuu, buko kuhaŋe uhoofoo bukan kaabuku feh kata etaamayi yata Gálile, májimuu li kulo li kámik loon unku?

Hulimahu Hásuumaahu loon Lík akiic homuu 13:4

Muñowu bukanabuku umbuku kaat li kúhaajiyaku kan eluufayi yagimbaayi yata Sílowe elolomuu emuk, jiyinooyinoo file li joon buko kuhaŋe uhoofoo bukanabuku feh kakinumuu Yeelusalem?

Hulimahu Hásuumaahu loon Saŋ akiic homuu 7:24

Jakum jijukelum li buul min jitiib an. Bale jinaak jitiib col.

Bakaanelabu 28:2

Bukanabuku kakinumuu li étebelemukayi li kúyaboli súum ŋáa’. Emmuu emitayi kalaal elakowe ban li jóobi, li kútifenoli sambun sáamak min kúyaboli tó.

Bakaanelabu 28:3

Fool li áhomul uyaaj wasaye abeten li sambunasu, hásufaahu li húkesoolul ló ébanuu éliiŋul li ejokool li kaŋen.

Bakaanelabu 28:5

Bale Fool li ahank enuukayilaayi abeten li sambunasu, ban kaanutool wahoowah.

Búhiisenumabu 21:8

Bale bukanabuku kákol̥l̥imuu, kátukutumuu lit, kakaanemuu wah wasuuneniye, kamukemuu bukan, káfulowemuu li aletalet, kakaanemuu jángafayinde, kamanenemuu kuteemit kalet mal̥egen li kúmalamiñaku feh, buko fan kujow li buwokaayabu bata sambunasu li batolokabu básoyiyaabu. Bo bommuu eketayi yál̥ubutayi.