Bakaanelabu 28:28 - Jola-Kasa

²⁸ Fool li afamen aan: — Joote kama jihaas joon Hulimahu hata Ateemit hata kafakaku, húboñuliboñul boot li bukanabuku kákaanumutumuu li Ateemit balewool: buko, fan kujanten ho!

Bakaanelabu 28:28 Referencias Cruzadas

Hulimahu Hásuumaahu loon Lík akiic homuu 3:6

Ban bukanabuku feh fan kujuk koon Ateemit lafañe afakeniil”.»

Bakaanelabu 11:18

Muñeˈe nan kujamumuu kulimaku unku, li kulu min kukit kusal Ateemit koon: «Kama mal̥egen, Ateemit lakankaan bukanabuku kákaanumutumuu li akila balewool, min kubet búsol baloŋelabu booliil buhaanabu, min kútiiwo kuŋa’ buloŋabu bata mal̥egen.»

Bakaanelabu 13:26

«Kutuyom, bukuluul jammuu bubukoolumabu bata Abulaham, li bukuluul jamanenemuu Ateemit: alolaal Ateemit áboñulomuu Hulimahu unhu hata kafakaku.

Bakaanelabu 13:38

Kutuyom, joote jihaas joon Yéesu ájimuu li jilobuul síyaat mata kabonketaku kata uhoofoolawu wooluul, wan eluwaayi yata Móyiis eyilaatumuu éfulenuul li wo.

Bakaanelabu 14:27

Nan kúliiŋumuu Antiyok, Fool buko li Balunabaas li kuwoogen ejanguwayi, min kukitteniil wahawu feh wan Ateemit ákaanummuu li buko, li buu lasenumuu bútin kákaanumutumuu li okila balewool min buko foof kúyinen.

Bakaanelabu 15:14

Simoŋ lalobolaalob buu Ateemit acookoomuu yaan no li húkitumahu, bukanabuku kákaanumutumuu li okila balewool, min al̥usum li buko bukan kulako koola.

Bakaanelabu 15:17

Muñeˈe bukan kaabuku feh fan kuŋes Amaaŋenawu, éehe’, li bukanabuku feh kákaanumutumuu lí ínje balewom kan ihooñumuu kulako kúmbaam.

Bakaanelabu 18:6

Bale Kusuwifaku li kuhoy kujam hulimahu hata Fool, min kunaak kugelool. Muñeˈe li ahank kafolaku kata wañawu woola aban li aaniil: — Jibanumuu li jíjim, li bukuluul bilume. Inti lí ínje. Ban muñeˈe boot min ijow bata kákaanumutumuu li Ateemit balewool.

Bakaanelabu 2:14

Muñeˈe Fiyeel li ayito akila li Kufootalaku kaabuku kuŋen li ano min alob butiya aan: — Bukuluul jammuu kutuyom Kusuwif, li bukanabuku feh kakinumuu Yeelusalem, joote jihaas wahawu unwe, ban li jijanten jak kulimaku kan emmuu li ilobuul.

Bakaanelabu 22:21

Muñeˈe Amaaŋenawu li aanom: «Ujow, mata boot min iboñi lóyi, bata bukanabuku kákaanumutumuu li Ateemit balewool.»

Bakaanelabu 28:29

[Nan Fool alobumuu kulimaku unku, Kusuwifaku li kujow, mo kúwonnoolemaa li bukoyiil súf.]

Bakaanelabu 4:10

Joote jihaas bukuluul foofuul feh, li bukanabuku feh kata Isilayeel kaanaku: ánayinaawu ummu ammuu hákiluul, li kajawaku kata Yéesu Kilisita ata Nasalet láfakume. Yéesu Kilisita an jibaaŋumuu li ekuluwaayi, ban Ateemit li ayitenumulool li eketayi.

Bakaanelabu 9:15

Bale Amaaŋenawu li aanool: — Ujow, mata lil̥ul̥l̥us ánayinaawu ummu, ban fan íjowum li okila min ikaan kajawaku kúmbaam kuhaasi li bukanabuku kákaanumutumuu lí ínje Ateemit balewom, li kúyiiyaku kooliil, li foof bukanabuku kata Isilayeel.

Kata Lom 11:11

Muñeˈe li igel̥l̥en een: Mantee nan kusuwifaku kujontenumuu, kulolo hulo hata kale? Maayeet! Kulowut hulo hata kale. Bale bafetabu booliil bújimuu bukanabuku kaletumuu kusuwif li kubaj kafak, min jí kusuwifaku li kutahaay.

Kata Lom 4:11

Muñeˈe nan fú’ tómuu, Abulaham li atey búkut min lako búhiisenum. Búhiisenumabu umbu bo bommuu húlangumaaso háhiisumuu kaanaku Ateemit lajoojok Abulaham an acole humum hata káyinenaku koola, tówum atey búkut. Muñowu Abulaham áamummuu atuubaawu ata bukanabuku feh káyinenumuu li Ateemit buko bateyut búkut, ban li ajokiil bukan kacole.