Bakaanelabu 28:2 - Jola-Kasa

² Bukanabuku kakinumuu li étebelemukayi li kúyaboli súum ŋáa’. Emmuu emitayi kalaal elakowe ban li jóobi, li kútifenoli sambun sáamak min kúyaboli tó.

Bakaanelabu 28:2 Referencias Cruzadas

Máciya 10:42

Li mal̥egenamu fan ilobuul, an asenumuu maayeet efot yano yata mal májoobiye akee li bukanabuku umbuku kan káyinenaku kooliil lí ínje kulitutumuu ahob, mata ágoomom laam, akaal̥owut mata manooman Ateemit fan acaamool.

Hulimahu Hásuumaahu loon Saŋ akiic homuu 18:18

Emmuu jóobijoobi, kulokaabuku li kufooyaabuku li kútifen sambun min kulako kayiiño. Fiyeel to foof lalakowe li buko, min alako kayiiño.

Bakaanelabu 27:3

Li líiŋ hunak hukaten li jiŋej Sidoŋ. Súliyis acookoomuu Fool jak, li akatool min ajow ajuk kubukewool min kusenool wahawu wan jokoolumuu li wo.

Bakaanelabu 28:3

Fool li áhomul uyaaj wasaye abeten li sambunasu, hásufaahu li húkesoolul ló ébanuu éliiŋul li ejokool li kaŋen.

Bakaanelabu 28:4

Nan bukanabuku kakinumuu li étebelemukayi kujukumuu enuukayilaayi maleeyoole li kaŋenaku kata Fool, li kunaak kúsuumenoo koon: — Manooman ánayinaawu ummu amuka bukan, mata maayeet min áfakumulomuu li halahu áliiŋul, ateemitawu ata batiibabu akatutool min aloŋ.

Kata Lom 1:14

Léetiseeti ijow ikaan bulokabu búmbaam li bukanabuku feh, li kásawuliisemuu li kásawuliisewutumuu, li kájallomuu li kahaasutumuu wahoowah.

Kata Lom 14:1

Jiyab an ágootowe li káyinenaku koola, ban jakum jinaak jiwatatenool humum hata wah wan ayinoole li aan ujaajak mantee foof ujakut.

Kata Lom 14:3

Anawu atiñemuu wahawu feh, aatut abes atiñemuu wah wáfulumulo li etool bale. Anawu foof atiñemuu wah wáfulumulo li etool bale, aatut atiib atiñemuu wahawu feh, mata Ateemit layabooyab.

Kata Lom 2:27

Anawu ummu ateyutumuu búkut, ban li akaan loon eluwaayi elobumuu feh fan atiibi, awu, ammuu asuwif ban úkaaneliit loon eluwaayi elobumuu, maayeet min ubaj yomuu makiice ban li utey búkut.

1 Kata Koolent 14:11

Bale ijamutumuu elob yan an aŋale min alob lí ínje, anawu ummu alobumuu elobayi inyu, ajawoola laam boot lí ínje, ínje foof li éemi ajawoola boot li akila.

2 Kata Koolent 11:27

Liloolok ŋáa’ ban li ílaam foof ŋáa’. Ñameeŋe inaakut iyili ímooli. Li inaak icaalet ban inaakut ibaj ihob, ban ñameeŋe inaakut ibaj itiñ. Kutont kunaanaak kujokom ban inaakut ibaj wañ ikoko.

Kata Kolos 3:11

Muñeˈe jáliŋ yanooyan elet to an balet asuwif ammuu wahoowah feh li anoowan feh.

Eébulo 13:2

Jakum jimojen kayab bukan booluul. Li mal̥egenamu, kukee li bukuluul kakaan momuu, kuyayyab booliil emalaka buko bahaasut.