Bakaanelabu 27:7 - Jola-Kasa

⁷ Muñeˈe ébatowayi li enaak etey jatiita jow baj kunak kafame. Li jinaaŋoojinaaŋoo, li jíliiŋ bújooŋoo ésukayi yata Sinid síniiloli bajame. Emmuu élusayi éhilolihi jijow haŋ máloyi jijuke ban jilakomuu ejowayi, li jíjowum Kaf Solimon jihaaŋ jilo kagebaku káfibomuu kata étebelemukayi yata Kilet.

Bakaanelabu 27:7 Referencias Cruzadas

Bakaanelabu 2:11

Babbaj to bukanabuku kafimmuu min kóomi Kusuwif, li bukanabuku kaŋa’muu bútinabu bata Kusuwifaku. Li baj bukan káfulumulo li etaamayi yata Kilet li yata Aalabi. Bale alolaal foofolaal feh lujamaaliijam li kulob, anoowan li elobayi yoola mata wahawu wáamakawu wan Ateemit akaanumuu.

Bakaanelabu 27:21

Bukanabuku kalakomuu li ébatowayi kutiñut kujow kubaj kunak kafame. Muñeˈe Fool li ayito hákiliil min aaniil: — Inti jijuke kufaalom, booteen min jijanten kulimaku kúmbaam min ulakowaal Kilet. Ulakoweenaal bomuu, let uloweenaal li búlusabu umbe, ban wañawu woololaal let ukajeneen ban let újimeen.

Bakaanelabu 27:4

Nan jífulum tomuu, li jijow jikel̥el̥en katantaku káfibomuu kata étebelemukayi yata Ciif, mata jilallaaj élusayi.

Eleetalayi yan Fool akiicumuu Tit 1:12

Akee li buko áami afulofet lahaale aan: «Kata Kilet kufinfin min kukaane kúmalamiñ, sínuukuleŋ sál̥afute, bukan káfal̥e kayinoole kameeŋen kalaku kooliil bale.»

Eleetalayi yan Fool akiicumuu Tit 1:5

Likatikat li étebelemukayi yata Kilet, bánum li uhabel wahawu wasaŋomuu kakaan uwoogen, ban li ul̥us kunahaan kata ejangu li ésuk yanooyan. Uwayil̥o kulimaku kan ilobimuu.