Bakaanelabu 27:38 - Jola-Kasa

³⁸ Nan kutiñumuu kujow kufooñ, li kubeten edenfeteŋayi li halahu min ébatowayi eyiili.

Bakaanelabu 27:38 Referencias Cruzadas

Máciya 16:26

Jáliŋ buu yoom to, an babaje wahawu feh wata adunaayi, ban li aŋa’ yaalayi yoola min acaam? Mantee foof, waa an ayilo aŋa’ min ahal boot mata yaalayi yoola?

Máciya 4:18

Yéesu li alako éjowum bata katantaku kata húwajahu hata Gálile, li ajuk kutuyaay kúl̥uba: Simoŋ an koonemuu Fiyeel li atuyool Andele, buko li jambaal li húwajahu, mata buko kumbaala.

Máciya 6:25

— Mó mújimuu li eenuul: Jakum jiyinoo ŋáa’ mata buloŋabu booluul. Jakum jiyinoo ŋáa’ waa jóomi li jitiñ, li waa jommuu li jihob. Jakum foof jiyinoo mata eniilaayi yooluul, min joon waa jóomi li jikoko. Inti buloŋ lahaŋe hutiñ? Eñiil, inti lahaŋe búkoko?

Hulimahu Hásuumaahu loon Lík akiic homuu 12:23

Mata buloŋabu buhaŋe hutiñ, eniilayi ehaŋe búkoko.

Eébulo 12:1

Alolaal humumolaal foof, emmuu lubajaale bukan kameeŋe ŋáa’ káguutolaal ban li kóomi bukittenoolum humum hata káyinenaku kooliil, kama lootaale uhoyaal búteb banooban bayilo búhilolaal újowumaal, háŋum kahoofoolaku kahulutumuu li kugolenolaal, min uhankenaal min uteyaal eteyayi yan koonolaamuu uteyaal.