Bakaanelabu 27:3 - Jola-Kasa

³ Li líiŋ hunak hukaten li jiŋej Sidoŋ. Súliyis acookoomuu Fool jak, li akatool min ajow ajuk kubukewool min kusenool wahawu wan jokoolumuu li wo.

Bakaanelabu 27:3 Referencias Cruzadas

Máciya 11:21

— Katek káamak fan kulako li bukuluul jata ésukayi yata Koolasin! Katek káamak fan kulako li bukuluul jata ésukayi yata Betisayida! Mata wahawu wájaahalenimuu wakaanimuu booluul ukaaneenimuu li ésukayi yata Tiil li yata Sidoŋ, timbeen buko bakokowe kusaaku, ban li kúkannoolum búbunfa nan fiyowe, min kúhiis kaanaku kubeebet búsol buloŋabu booliil buhaanabu min kuloŋ loon Ateemit afañumuu.

Bakaanelabu 12:20

Ayíiyawu Elod li awuñet bukanabuku kata Tiil li Sidoŋ ŋáa’. Li kujamoo min kujow kutook Elod, buko bajamoole kuban li Balatus afooyemuu káfitaku koola. Ban, li kujow kuŋes huban li Elod, mata bukanabuku kata Tiil li kata Sidoŋ li etaamayi yata áyiiyawu kúŋalumule hutiñahu hooliil.

Bakaanelabu 24:23

Muñeˈe Féeliis li alob anahaanawu ata kusollaali téemeel, min akat Fool li hukul̥ahu ban jakum kujenkool, ban li kukat bukanool min kulambenool li wah wan afañe.

Bakaanelabu 27:1

Nan jeˈe lakomuu boot min jíjowum li ébato boot Itali, li kukat Fool li bukan kukee kan kukul̥e, li kaŋen kata anahaan ata kusollaali an koone Súliyis, ata kayooŋaku kata esollaaliyayi yata áyiiyawu áamakawu ata Lom.

Bakaanelabu 27:43

Bale anahaanawu ata esollaaliyayi ata Lom, li afañ min afaken Fool, li aaniil kukat. Ban li alob bukanabuku kayilimuu kawaj min kujand kufum kulo li malamu, min kuwaj kúfu’ li masaye.

Bakaanelabu 28:16

Nan jiŋejumuu Lom, li kukat Fool min alako joola buko li asollaaliyawu anaake afooyoolumuu.