Bakaanelabu 27:1 - Jola-Kasa

¹ Nan jeˈe lakomuu boot min jíjowum li ébato boot Itali, li kukat Fool li bukan kukee kan kukul̥e, li kaŋen kata anahaan ata kusollaali an koone Súliyis, ata kayooŋaku kata esollaaliyayi yata áyiiyawu áamakawu ata Lom.

Bakaanelabu 27:1 Referencias Cruzadas

Máciya 27:54

Anahaanawu ata kusollaali téemeel li kusollaaliyaku kalako tomuu li akila kafooyaku kata Yéesu, li kujuk etaamayi li egoloo li wahawu feh wabajumuu, li kúkoli ŋáa’ min koon: — Li mal̥egenamu, ánayinaawu ummu lalakolako Añiil ata Ateemit!

Hulimahu Hásuumaahu loon Lík akiic homuu 23:47

Nan anahaanawu ata kusollaaliyaku kata Lom, ajukumuu wahawu wabajumuu, li asal Ateemit ban li aan: — Li mal̥egenamu, ánayinaawu ummu lakankaan an acole!

Hulimahu Hásuumaahu loon Lík akiic homuu 7:2

Li baj Káfeenawum anahaan ata kusollaali kata Lom abaje aloka an ábooliye ŋáa’. Alokaawu li ásomut boot eket.

Bakaanelabu 10:1

Bajeene li ésukayi yaaneyimuu Sesaale anahaan ata kusollaali téemeel kata Lom, an kunaake koon Kooluney. Akila aakenumuu kayooŋaku kata kusollaaliyaku kata Lom kan koonemuu «Kayooŋ Itali».

Bakaanelabu 10:22

Kánayinaabuku li koonool: — Li kajawaku kata anahaanawu ata kusollaaliyaku an koonemuu Kooluney, jibilume. Lakankaan an acole, ákoliye Ateemit ban Kusuwifaku feh kulobelob majake kuya li akila. Amalaka ata Ateemit aane Kooluney áboñul bukan kubil kooni ujow boot boola, min ajanten kulimaku kan ommuu li ulobool.

Bakaanelabu 16:10

Muñeˈe nan Fool ajukumuu kahimmowaku unku fú’ tó, li jiyaan jiŋes min jijow boot Maseduwaan, mata jíyinenyinen kaanaku Ateemit láhooñolihooñ mata min jijow jiwaale Hulimahu Hásuumaahu bukanabuku kata etaamayi inyu.

Bakaanelabu 18:2

Li kujukoo bo li asuwif feh kúfu’ li ésukayi yata Lom. Fool li ajow ajuk Akilaas buko li Filisila.

Bakaanelabu 19:21

Nan wahawu unwu ubajumuu jow fú’ tó, Fool li ajok min ájowum li etaamayi yata Maseduwaan li yata Akaay, ajow boot Yeelusalem. Li anaak aan: — Nan emmuu íliiŋ bo, fan foof ijow boot Lom.

Bakaanelabu 21:32

Anahaanawu li ayaan aŋa’ esollaali li kunahaan kata esollaali téemeel, min kutey boot bata búsukabu. Nan búsukabu bujukumuu anahaanawu li esollaaliyayi, li kukat kútekaku kata Fool.

Bakaanelabu 22:26

Nan anahaanawu ummu ajamumuu kulimaku unku, li ajow áhebul anahaanawu oola aanool: — Bale awu luhaase wahawu wan ulakomuu li ukaan? Anáyinaawu ummu an ata Lom!

Bakaanelabu 23:11

Li líiŋ li ehukaayi yanab tomuu, Amaaŋenawu li áfu’ Fool min aanool: — Sákoli! Lulollob jak múmbaam li ésukayi inye yata Yeelusalem, ban loote ulob foof múmbaam li ésukayi yata Lom.

Bakaanelabu 23:17

Muñeˈe Fool li áhooñul akee li kunahaanaku kata kusollaali téemeel min aanool: — Ujówetum áfulawu ummu bata anahaanawu ata esollaaliyayi, mata labaje hulim han áami li alobool.

Bakaanelabu 24:23

Muñeˈe Féeliis li alob anahaanawu ata kusollaali téemeel, min akat Fool li hukul̥ahu ban jakum kujenkool, ban li kukat bukanool min kulambenool li wah wan afañe.

Bakaanelabu 25:12

Muñeˈe nan Fésitiis alobumuu li huhaanaahu hoola aban, li aan Fool: — Emmuu áyiiyawu áamakawu lufañe min atiibi, kama boot min ujow boot bata áyiiyawu áamakawu.

Bakaanelabu 25:25

Bale ínje ijukut li akila wah wajakut waate úji li amuki. Bale emmuu akila humumool aane áyiiyawu áamakawu atiibool, li een kama iboñool o’.

Bakaanelabu 27:11

Bale anahaanawu ata esollaaliyayi yata Lom, li ahaŋ majanten kulimaku kata ateyenemuu ébatowayi li kata anahaanawu ata yo, min abes kulimaku kata Fool.

Bakaanelabu 27:43

Bale anahaanawu ata esollaaliyayi ata Lom, li afañ min afaken Fool, li aaniil kukat. Ban li alob bukanabuku kayilimuu kawaj min kujand kufum kulo li malamu, min kuwaj kúfu’ li masaye.

Bakaanelabu 27:6

To untu, anahaanawu ata esollaaliyayi li ajuk to ébato yata ésukayi yata Alekusandili, yalakowe ejow boot Itali, li ákaanoli jíjufo li yo.

Bakaanelabu 28:1

Nan jijowe jifakumuu, li jijam kaanaku étebelemukayi kajaw yo Malut.

Bakaanelabu 28:16

Nan jiŋejumuu Lom, li kukat Fool min alako joola buko li asollaaliyawu anaake afooyoolumuu.

Eébulo 13:24

Jisaafom kunahaanaku kooluul feh, li bukanabuku feh kata Ateemit. Kutuyolaal kammuu li etaamayi yata Itali kusaafuluul.