Bakaanelabu 26:4 - Jola-Kasa

⁴ «Kusuwifaku feh kuhaase buu liloŋumuu eeno kábilum ínje áfulawu. Kuhaase foof buu liloŋumuu yaan no li húkitumahu li bukanabuku kúmbaam, li híndo Yeelusalem.

Bakaanelabu 26:4 Referencias Cruzadas

Bakaanelabu 22:3

— Injé Asuwif leem, abuki li ésukayi yata Taalus yammuu li etaamayi yata Silisi. Bale taate Yeelusalem lanke, min Gameliyel alako no anahaanawu úmbaam, aliikenommuu jak eluwaayi yata situubawolaal sihaan. Ban lisensen buloŋom feh Ateemit loon bukuluul foofuul feh jikanumuu síyaat.

Bakaanelabu 24:14

Bale boot eeni wahawu unwe wo mal̥egen: li bútinabu buwunkulabu ban kujokumuu loon bulet mal̥egen, linabe. Ban li eeno li bulok boot li Ateemit ata situubawolaal sihaan. Líyinenyinen li wahawu feh wakiicimuu li éliibalayi yata Eluwaayi.

Kata Galasi 1:13

Li mal̥egenamu, jijanjam buu linaake ikaanumuu nan ilakomuu li bútinabu bata kusuwifaku. Jihaase buu lihankenumuu min ílaamen Ejanguwayi yata Ateemit, ban li ikaan manooman mantee li iyiis yo.

Kata Fílib 3:5

Nan ibajumuu kunak hutok li kúhaaji, li kuteyenom búkut. Injé an ata Isilayeel, li kalandaku kata Bayiseme libuki. Injé asuwif an kusuwif kubuke. Ulobaalumuu mata kakaan loon eluwaayi lilakowe.

2 Tímote 3:10

Awu lunannab jak li baliikenelabu búmbaam, makaanelamu múmbaam, wahawu wan iyinoomuu kakaan, káyinenaku kúmbaam, húmuñahu húmbaam, húbooliyahu húmbaam, li kahankenaku kúmbaam;