Bakaanelabu 26:29 - Jola-Kasa

²⁹ Fool li aanool: — Eéti ŋa’ taŋ yatit mantee foof yáamak, wahawu wan il̥awumuu Ateemit, inti mata min awu baleyi, bale foof min bukuluul feh jáamimuu li bajantenabu búmbaam síyaat, jinokoo loon ínje, búti li sijenkase san íjenkumimee!

Bakaanelabu 26:29 Referencias Cruzadas

Hulimahu Hásuumaahu loon Saŋ akiic homuu 5:34

Bale ínje jokutom min an alob majake aya lí ínje, bale lilollob mo mantee li jifak.

Bakaanelabu 12:6

Muñeˈe li ehukaayi yammuu ekaten, min Elod atiib Fiyeel hákil ésukayi feh, okila Fiyeel li alako kámooli majenki useel úl̥uba, li tutoo kusollaali kúl̥uba. Li kukaan kufooya kuyito tin kámbiilaku kata hukul̥ahu.

Bakaanelabu 21:33

Muñeˈe anahaanawu li ajow akooj Fool, min ajokool ban li alob min kuŋa’ useel úl̥uba min kukokool. Ban li agel̥l̥en bukanabuku Fool ammuu ayi, li waa lakaane.

Bakaanelabu 25:14

Emmuu boot min kukaan to kunak kafame, Fésitiis li alob áyiiyawu mata elobayi yata Fool aanool: — Baje láale ánayine akee an Féeliis akate li hukul̥ahu.

Kata Lom 10:1

Kutuyom, wahawu wan ifañumuu li buyinumom feh ban li il̥aw wo Ateemit boot li kusuwifaku, wo wommuu min kufak.

1 Kata Koolent 4:8

Jiyaane jibaj wahawu wan jifañumuu feh! Jiyaane jikaan bukan kabaje! Jilaañe jikaan kúyii min jíkatoli bo. Lifañeene min jilako li mal̥egen kúyii, mantee áloli foof li jiyili jilako kúyii li mano li bukuluul.

1 Kata Koolent 7:7

Li mal̥egenamu, lifañeene min bukanabuku feh kunokoo loon ínje, bale anoowan labaje káji humum ko kan Ateemit asenool. Aahe káji kaake, aaha káji kaaka.

2 Kata Koolent 11:1

A’! Kutuyom, jikiteenumuu jiyili jímuñ jatit buwelabu búmbaam. Eéhe’! Jímuñom li buwelabu búmbaam.

Kata Efées 6:20

Yéesu Kilisita lal̥usonl̥us boot min iwaale Hulimahu unhu Hásuumaahu li kajawaku koola. Hó hújimuu li éemi síyaat li hukul̥. Jil̥aw Ateemit mantee li inaak iwaale ho babajut ekole yanooyan, loon éetimuu iwaale ho.

Kata Kolos 1:28

Akila lulobaalemuu moola bukanabuku feh. Li unaak usaabaal ban li uliikenaal anoowan feh li bújallo ló banooban, bájum li úŋalulaal anoowan feh manokoole loon Kilisita li wahoowah feh.