Bakaanelabu 26:18 - Jola-Kasa

¹⁸ Boot min iboñi ujow úbabul kúkilaku kooliil, li úfulenuliil li élimayi kubil kulako li mawuŋe, li úfulenuliil foof li kaŋenaku kata Sayitaane kubil kulako bata Ateemit; bájum kúyinenumuu lí ínje, li kubaj kabonket kata uhoofoolawu wooliil, min kubaj bútowowiil li bukanabuku kan Ateemit akilumuu.

Bakaanelabu 26:18 Referencias Cruzadas

Máciya 4:10

Yéesu li aanool: — Uyinno, Sayitaane! Hulimahu hata Ateemit hoone: «Amaaŋenawu, Ateemitawu uya balewool loote umanen, ban loote ulok boot li akila bale.»

Máciya 4:16

Esúkayi yammuu li élimayi, fan ejuk mawuŋe máamak. Ban bukanabuku kammuu li etaam yata élim yata eket, mawuŋe fan muhiiteniil.»

Hulimahu Hásuumaahu loon Lík akiic homuu 1:77

Min akaan ésukayi yoola ehaas kaanaku fan áfakenum yo, li kabonket kata uhoofoolawu wooliil.

Hulimahu Hásuumaahu loon Lík akiic homuu 1:79

Boot kahiiten kammuu li emoocayi li kammuu li élimayi yata eketayi, boot kájowetumolaal li bútinabu bata kásuumaayaku.

Hulimahu Hásuumaahu loon Lík akiic homuu 2:32

ammuu mawuŋaamu mammuu li múji bukanabuku kákaanumutumuu li Ateemit balewool li kuhaasi, min alako máyiineniyamu mata Isilayeel, ésukayi yooli.

Hulimahu Hásuumaahu loon Lík akiic homuu 24:45

Muñeˈe Yéesu li ábabuliil uyinum min kuyili kúnaanum Bakiicelabu.

Hulimahu Hásuumaahu loon Lík akiic homuu 24:47

Ban kúgoomaku koola koote kúwaalewum li kajawaku koola hákil bukanabuku feh, kítum Yeelusalem, kooniil kukat kahoofoo min kútiiwo kuŋa’ buloŋ buwunkul, min Ateemit abonket uhoofoolawu wooliil.

Hulimahu Hásuumaahu loon Lík akiic homuu 4:18

«Buyinumabu Banabaabu bata Amaaŋenawu bumbu lí ínje, mata lal̥usonl̥us boot kawaale Hulimahu Hásuumaahu kusukateenabuku. Amaaŋenawu láboñulomboñul boot elob mata kafakenaku kata kajokimuu. Min íji káfuumumuu li kulaañ kujuk, boot kákotul kágootenimuu.

Hulimahu Hásuumaahu loon Saŋ akiic homuu 17:17

Ujówum li mal̥egenamu min ukaaniil kulako bukan kanabe. Hulimahu huya hommuu mal̥egenamu.

Hulimahu Hásuumaahu loon Saŋ akiic homuu 3:19

Batiibabu bo bommuu umbe: mawuŋaamu mubiibil li adunaayi, bale bukanabuku li kuhaŋ mafañ élimayi, mata makaanelamu mooliil mujakut.

Hulimahu Hásuumaahu loon Saŋ akiic homuu 4:10

Yéesu li aanool: — Uhaaseeneenumuu wahawu wan Ateemit esenemuu, li anawu aanemuu li awu «Usenom mal ihob», awu humumi ooteenumuu oonool aseni mal uhob, ban fan aseneeni mal masene buloŋ.

Hulimahu Hásuumaahu loon Saŋ akiic homuu 4:14

Bale an ahobumuu malamu man emmuu li isenool, bahob let bumit bulaañ bujokool. Mata malamu man emmuu li isenool, fan mulako kábulen li akila dán buloŋabu bábaneliitumuu bóomi li búfulumul.

Hulimahu Hásuumaahu loon Saŋ akiic homuu 8:12

Yéesu li alaañen alob li búsukabu aaniil: — Injé emmuu mawuŋaamu mata adunaayi. An anabumuu lí ínje fan abaj mawuŋaamu mata buloŋabu, ban let ájowum li élim maayeet.

Hulimahu Hásuumaahu loon Saŋ akiic homuu 9:39

Muñeˈe Yéesu li aan: — Libiibil li adunaayi inye mantee batiib li bubaj, min káfuumumuu kujuk, kajukemuu li kúfuum.

Hulimahu Hásuumaahu loon Saŋ akiic homuu 9:5

Nan emmee li adunaayi, ínje emmuu mawuŋaamu mata adunaayi.

Bakaanelabu 10:43

Kufulofetaku feh kulollob moola koon anoowan ammuu li áyinen li akila, fan ábajum li kajawaku koola kabonket kata uhoofoolawu woola.

Bakaanelabu 13:47

Mata wahawu unwe Amaaŋenawu álobolimuu: «Likaanikaan ulako mawuŋe boot li kákaanumutumuu li Ateemit balewool, bájum li ujow tanootan li etaamayi min ulob bukanabuku kaanaku Ateemit lafakenefaken.»

Bakaanelabu 15:9

Ateemit ajokutiil kúbuti li alolaal, mata li káyinen lágiilenummuu uyinumawu wooliil.

Bakaanelabu 2:38

Fiyeel li aaniil: — Jibet búsol buloŋabu booluul buhaanabu, min jítiiwo jiŋa’ buloŋ buwunkul. Banumuu, anoowan li bukuluul li ajow kúbatiisewool li kajaw kata Yéesu Kilisita, boot kabonket kata uhoofoolawu wooluul. Jikaan momuu, Ateemit fan asenuul kájiyaku kata Buyinumabu Banabaabu.

Bakaanelabu 20:21

Lilollob li mal̥egen Kusuwifaku li kata Gilees min kútiiwowul kunab li Ateemit, ban li kúyinen li Amaaŋenawu oololaal Yéesu.

Bakaanelabu 20:32

«Ban muñeˈe boot min ikatuul li kuŋen kata Ateemit, li hulimahu hata kájiyaku koola. Ateemit layilo alitenuul ban li asenuul bútowaabu ban akat tomuu boot li bukanabuku feh kammuu koola.

Bakaanelabu 26:19

Fool li afamen aan: — Ayíi, wahawu unwu újimuu ihoyut bakaan loon ijukumuu li kahimmowaku kabilummuu li emitayi.

Bakaanelabu 26:23

Konsoon Kilisita fan álaam, ban okila ammuu ajand ayitowumul li eketayi, ban fan áhiis mawuŋaamu mata kafakaku bukanolaal li foof kákaanumutumuu li Ateemit balewool.

Bakaanelabu 3:19

Muñeˈe kama jibet búsol baloŋelabu booluul buhaanabu, min jílaañul boot bata Ateemit, bájum li abonket uhoofoolawu wooluul.

Bakaanelabu 5:31

Ateemit li ateben Yéesu, ban li aŋalool akaan kaŋen kúli. Li akaanool alako Anahaan áamak li Afakena, bájum kata Isilayeel li kuyili kútiiwo kuŋa’ buloŋ bawunkul, min uhoofoolawu wooliil ubonketi.

Kata Lom 8:17

Oomaalumuu bañiil bata Ateemit, fan foof uyabaal wahawu wan alobumuu kasen bukanabuku koola, ban fan uyabaal wo li Kilisita ló. Nokoomuu loon li mal̥egen lúlaamaalaam sílaamasu sata Kilisita lí ákila ló, fan foof ulakowaal li máyiineniyamu moola lí ákila ló.

1 Kata Koolent 1:2

Jikiiculokiic yo boot li bukanabuku kata ejanguwayi yata Ateemit yammuu li ésukayi yata Koolent, kabile kulakomuu bukan kata Ateemit li hujamoolahu hooliil li Yéesu Kilisita, ban li kuhooñi boot kalako bukan kanabe, li mano li bukanabuku feh kamanenemuu banooban kajawaku kata Amaaŋenawu oololaal Yéesu Kilisita, ammuu Amaaŋenawu ooliil li oololaal.

1 Kata Koolent 1:30

Ateemit lakaanuukaan jibaj hujamoo li Yéesu Kilisita, ban li akaan Kilisita alako bújallowabu boololaal. Li Yéesu Kilisita lóomumaalumuu bukan kacole hákil Ateemit. Li Yéesu Kilisita lóonowumaalumuu bukan kanabe kata Ateemit, ban li ahal min úfulaal li kahoofoo.

2 Kata Koolent 4:4

Bukanabuku umbuku kammuu li kájimaku kúyinenut, mata ateemitawu ata adunaayi inye, ammuu Sayitaane, lámimmib uyinumawu wooliil jakum bil kujuk kaleñaku kata Hulimahu Hásuumaahu hata máyiineniyamu mata Kilisita, ammuu kambuwaku kata Ateemit.

2 Kata Koolent 4:6

Li mal̥egenamu, Ateemit aanumuu: «Mawuŋaamu mujow muwuŋen li élimayi!», okila humumool ahiitenumuu uyinumawu wóololi, min ákaanoli jihaas kaleñaku kata máyiineniyamu moola li buulabu bata Kilisita.

2 Kata Koolent 6:14

Jakum jíyuukoo li bukanabuku káyinenutumuu li Amaaŋenawu. Li mal̥egenamu, buu wah wacole woote uyili unaboo li wah wajakut? Buu mawuŋe moote muyili munaboo li élim?

Kata Galasi 2:20

Min lako muñeˈe inti ínje humumom éemi li buloŋ, bale Kilisita áami li buloŋ lí ínje. Mata buloŋom bata ál̥ahukowan bata muñeˈe, lilolloŋ bo li káyinenaku kan ibajumuu li Añiilawu ata Ateemit, ábooliwommuu ban li asen buloŋool boot lí ínje.

Kata Galasi 3:14

Wahawu unwu ujowujow loon muñaˈa bájum kásooniyenaku kan Ateemit alobumuu kasen Abulaham, bukanabuku kaletumuu kusuwif li kuyili kúyabum kó li Yéesu Kilisita, mantee li úyabumaal li káyinen, Buyinumabu ban Ateemit alobumuu kasen.

Kata Galasi 3:2

Wah wano bale lifañe min ihaas li bukuluul: mantee li kahankenuul min jikaan wahawu wan eluwaayi elobumuu jíyabume Buyinumabu Banabaabu, mantee li káyinenaku kan jíbajummuu li kajantenaku kata Hulimahu Hásuumaahu?

Kata Efées 1:11

Ateemit lakaanekaan wahawu feh min ubaj loon afañumuu. Lál̥usolil̥us áloli Kusuwifaku nan fiyowe ŋáa’ min jilako bukan koola, li hujokoolahu hóololi li Kilisita.

Kata Efées 1:14

Buyinumabu Banabaabu bo búhiisumuu kaanaku Ateemit fan asenolaal wahawu feh wajakaawu wan alobumuu kasenolaal. Fan ubajaal wahawu unwu feh nan ammuu li afakenolaal bándoo. Kama usalaal máyiineniyamu mata Ateemit.

Kata Efées 1:18

Lil̥awe mantee Ateemit li ahiiten uyinumawu wooluul, min jínaanum húkangumahu han asenuulumuu nan ahooñuulumuu, ban li jíhaasum tó foof buu wahawu wan Ateemit alobumuu kasen bukanabuku koola, utiinenimuu eeno.

Kata Efées 1:7

Añoolool an aboolaatumuu akila ammuu Kilisita. Húsimahu hoola háyuwimuu nan aketumuu, ho laŋammuu min ahal boot li alolaal, min Ateemit abonket uhoofoolawu woololaal. Muñowu lakaanumuu min áhiisolaal buu lásuumumuu eeno.

Kata Efées 2:8

Li mal̥egenamu, másuumamu mata Ateemit mújiwuul li jifak, jówum li káyinenaku kooluul li Kilisita. Bilumut li bukuluul, laalu búsenum bata Ateemit.

Kata Efées 4:18

Uyinumawu wooliil úlillim, ban kulet ló li buloŋabu ban Ateemit asenumuu, mata kuhaasut wahoowah ban li kul̥aal̥ uyinum.

Kata Efées 5:11

Jakum butumuul bóomi ló li wahawu wakaaneyimuu li élimayi, wabajutumuu jáliŋ, bale joote jilob kaanaku ujakut, hákil bukanabuku feh.

Kata Efées 5:14

Li mal̥egenamu, wahoowah feh wakaani li mawuŋe, wo humum wo fan ulako mawuŋe. Wahawu unwu újimuu li koon: «Ulíwo, awu jámoolimuu, uyitowumul li kaketumuu, min mawuŋamu mata Kilisita muhiiteni.»

Kata Efées 5:8

Naanaŋ, bukuluul li élim jilakowe, bale muñeˈe bukuluul jumbuku li mawuŋaamu mata Amaaŋenawu. Jiloŋ loon bañiil báami li mawuŋe.

Kata Efées 6:12

Hutiikahu han oomaamuu li ho, inti eeniseen li bukan loomaal li ho, bale li uyinumawu wajakutumuu li kunahaanabuku kata wo, kaakumuu adunaayi inye yammuu li élimayi. Li oonowaal li hutiik li uyinumawu wata búl̥afutabu wammuu haatiya li emitayi.

2 Tímote 2:26

min kubaj uyinum, ban li kufak li simbaalasu san Sayitaane aŋammuu min ajokiil akat to, ban li akaaniil kukaan loon okila humumool afañumuu.

Eébulo 10:10

Yéesu Kilisita lakankaan loon Ateemit afañumuu. Lasensen eniilayi yoola humum yo ñano boot kale, min újowumaal tó ulakowaal bukan kan kukaane kunab.

Eébulo 10:14

Mó mújimuu, li kasila kano bale lájowummuu min akaan bukanabuku kan áfulenumuu uhoofoolawu kulako bukan káliiŋe boot nanoonan, ban li kúfu’ li uhoofoolawu wooliil.

Eébulo 11:6

An ayilaat ásuum Ateemit okila babajut káyinen. Li mal̥egenamu, an afañumuu min aloh Ateemit, laate áyinen kaanaku Ateemit lababbaj, ban li ahaas aan lasuuhenesuuhen bukanabuku kammuu li huŋesahu hoola.

Eébulo 9:15

Wahawu unwu újimuu Kilisita li áami li tutoo húfaalum huwunkul, bájum bukanabuku kan Ateemit ahooñumuu, li kuyili kuyab wahawu wajakaawu wáami tomuu boot nanoonan wan alobumuu kasen bukanabuku koola. Kuyilo kubaj wo, mata babbaj to eket yata an yájimuu bukanabuku li kuyili kufak li uhoofoolawu wooliil wan kukaanumuu li húfaalumahu hútinaalahu.

Saak 2:5

Kutuyom, jijanten! Kama inti Ateemit lal̥ul̥l̥us bukanabuku kan adunaayi yoonumuu kusukateen koom, min akaaniil kulako kusaanum li káyinenaku, ban li kuyab Jáyiiyaju jan Ateemit alobumuu kasen kafañoolumuu.

1 Fiyeel 1:4

min ukobaal wahawu wajakaawu wayilaatumuu ukajen, uyilaat usiko, ban majakamu mata wo muyilaat mújim, wan Ateemit ahahenumuu li emitayi boot li bukuluul.

1 Fiyeel 2:25

Li mal̥egenamu, bukuluul jinokooleenokoo loon kúgalalaan kájime, bale muñeˈe jílaañulo boot bata amataawu ooluul afooyemuu li bukuluul.

1 Fiyeel 2:9

Bale bukuluul, bukuluul jommuu bukanabuku kal̥usimuu, kúlambaaku kata Ayíiyawu, ésukayi yanabaayi, bukanabuku kata Ateemit. Lí élimayi láhooñumuluul jibil jilako li mawuŋaamu moola máyiineniyaamu, boot kayiiŋen wahawu wan akaanumuu wajakumuu majak.

1 Saŋ 1:9

Bale uhebaalumuu Ateemit uhoofoolawu woololaal, fan abonketolaal wo ban li áfulen majakut manooman máami li ololaal, mata lal̥egenl̥egen ban li acol.

1 Saŋ 2:12

Kuñoolom, likiiculuukiic min íhiisuul kaanaku uhoofoolawu wooluul ubonketibonket humum hata kajawaku kata Kilisita.

1 Saŋ 3:8

An aloŋumuu li akaan kahoofoo, anawu ummu an ata Sayitaane. Mata Sayitaane yaan no li húkitumahu lahoofoole. Añiilawu ata Ateemit li abil boot kakajen bulokabu bata Sayitaane.

1 Saŋ 5:19

Luhaasaale oonaal alolaal Ateemit akilolaal, ban adunaayi feh yo inyu li kuŋenaku kata Sayitaane.

Eleetalayi yan Súd akiicumuu 1:1

Injé Súd ammuu aloka ata Yéesu Kilisita li atuy ata Saak ikiiculo eleetalayi inye. Likikkiic yo boot li bukuluul kan Ateemit Atuubaawu ahooñumuu, li bukuluul kan afañumuu ban li afooyuul boot bil li Yéesu Kilisita.

Búhiisenumabu 21:27

Wah waboje let unoken li ésukayi inyu. An akaane wah wasuuneniye li ámalamiñ let anoken dó foof. Bukanabuku kan ujawawu wooliil ukiicimuu li éliibalayi yata buloŋabu yata Agálalaanawu, buko bale kommuu li kunoken dó.