Bakaanelabu 26:14 - Jola-Kasa

¹⁴ Alóli fóofoli feh li jilo teetaam. Li ijam hulim li hoonom li elobayi yóololi: «Sóol, Sóol wáa újiye li óomi li jálaatenom? Fan ban li séngiyi ŋáa’ awu bahoye bakaan wahawu wan anahaanawu ooli afañumuu.»

Bakaanelabu 26:14 Referencias Cruzadas

Bakaanelabu 21:40

Mal̥egen anahaanawu ata esollaaliyayi li akatool min alob. Muñeˈe Fool li ayito li sikabilikabasu, min ateb kaŋenool áyiit búsukabu. Nan kulumuu, li alob li buko li elobayi yata Kusuwifaku aaniil:

Bakaanelabu 22:2

Nan kujamumuu Fool li alob li elobayi yooliil, yammuu yata Kusuwifaku, li kuhaŋ maluukoo. Muñeˈe Fool li alaañen aaniil:

Bakaanelabu 26:13

Ayíi, muñeˈe li ilako ejowayi li bútinabu banakabu bayitene, li ijuk mawuŋe maleñe muhaŋ banakabu, li múfulumul li emitayi mubil muhiitenom múwooñen, ínje li kufaalom kan jinaboomuu.

Bakaanelabu 26:15

Li igel̥l̥en een: «Awu ommuu ayi, Amaaŋen?» Amaaŋenawu li aanom: «Injé emmuu Yéesu an úlaatenemuu li akila.»

Bakaanelabu 9:7

Muñeˈe kánayinaabuku kanaboomuu li Sóol li kuyito kulako to, kuyilaat kúlobul. Kujame hulimahu jak, bale kujukut an.

1 Kata Koolent 10:22

Waa fíle, jifanfañ min jígec Amaaŋenawu? Jiyinooyinoo li joon luhaŋaale Amaaŋenawu sembe?