Bakaanelabu 25:4 - Jola-Kasa

⁴ Bale Fésitiis li aaniil: — Fool ummu li hukul̥ li etaamayi yata Sesaale, ban ínje humumom boot min ilaañ boot bo muñeˈe.

Bakaanelabu 25:4 Referencias Cruzadas

Bakaanelabu 24:23

Muñeˈe Féeliis li alob anahaanawu ata kusollaali téemeel, min akat Fool li hukul̥ahu ban jakum kujenkool, ban li kukat bukanool min kulambenool li wah wan afañe.

Bakaanelabu 24:27

Li jow baj simit síl̥uba, Fólisiyis Fésitiis li alako águubelunaal min aŋa’ kaŋenaku kata Féeliis. Emmuu Féeliis lafanfañ min akaan Kusuwifaku súumiil, li akat Fool li hukul̥ahu.

Bakaanelabu 25:1

Nan águubelunaalawu Fésitiis áliiŋulumuu li etaamayi ajow abaj kunak kúhaaji bale, li ájowum Sesaale boot Yeelusalem.

Bakaanelabu 25:13

Li baj kunak, áyiiyawu Agilifa buko li áliinool Beleniis li kujow boot Sesaale basaaf Fésitiis.

Bakaanelabu 25:16

Li eeniil kata Lom kúbeteliit an an koone majakut lakaane, li kuŋen kata kutiiba, anawu ummu báfimboolut li bukanabuku kaanumuu majakut lakaane mata min kutalen, mantee li ayili acahenoolo mata wahawu wajakutumuu wan koonumuu wo lakaane.

Bakaanelabu 25:5

Ban li afamen aan: — Kama kunahaanaku kooluul kayilimuu kujow, kubil min áloli jinaboo boot Sesaale, min kujow kulob wahawu wan anawu ummu akaanumuu, nokoomuu loon lakankaan majakut.

Bakaanelabu 25:6

Fésitiis li akaan kunak káliiŋe hutok li kúhaaji mantee foof kuŋen bale li buko, fú’ tó, li alaañ boot Sesaale. Nan áliiŋumuu, li ajow hunak hukaten abah li hutiibahu, li alob min kúŋalul Fool.

Bakaanelabu 8:40

Muñeˈe Fílib li ajuk aan li ésukayi yaaneyimuu Asot laam. Fúlum tó, li añaahoo li sísukasu min anaak awaale Hulimahu Hásuumaahu tanootan, boot yok nan áliiŋumuu Sesaale.