Bakaanelabu 25:19 - Jola-Kasa

¹⁹ Kama búwonnoo bale kubaje li akila mata bútinabu booliil, li mata akee an koone Yéesu akete, an Fool aane ummu li buloŋ.

Bakaanelabu 25:19 Referencias Cruzadas

Bakaanelabu 17:31

Lajoojok hunak nan ammuu atiibum bukanabuku feh kata etaamayi col, li anawu an al̥usumuu. Láhihhiis wahawu unwu bukanabuku feh, nan ayitenumulomuu anawu ummu li eketayi!»

Bakaanelabu 18:15

Bale emmuu lakolako búwonnoo mata kulim, li mata ujaw, li mata eluwaayi yooluul, baabu bukuluul joote jihaase min jóomi li jikaan. Injé ifañut min ilako atiiba ata wah loon unwu.

Bakaanelabu 18:19

Muñeˈe li kujow boot Efées kúliiŋ, Fool li akat to Filisila buko li Akilaas, min ajow anoken li eluufayi yata kal̥awaku.

Bakaanelabu 2:32

«Mo emmuu, Ateemit layitenuuyitenul li eketayi Yéesu an ilobemuu loo. Ban alolaal foofolaal feh lumaataale kayitowulaku koola li eketayi.

Bakaanelabu 23:29

Muñeˈe li ijuk een kama mata eluwaayi yooliil éjimuu li koon akaanut jak. Bale Kusuwifaku kuyilaat koon wah waman wajakut lakaanumuu wáatimuu újiwool li aket mantee foof li akul̥i.

Bakaanelabu 25:18

Kulatoolawool li kubil kúliiŋul, kukitut koon wah waman lakaanumuu wajakut, loon ínje iyinooleenumuu.

Bakaanelabu 25:7

Nan Fool áliiŋulomuu, Kusuwifaku kabilumulomuu Yeelusalem, li kúguutool min kulob wah wajakut wameeŋe, wákoyileniye kuya li akila min koon okila akaan wo. Ban buko humumiil kuyilaat kúhiis kaanaku mal̥egen okila akaan wo.

Bakaanelabu 26:3

Lilollob loon muñaˈa mata awu humumi luhaase jak múkaaniinamu mata Kusuwifaku li wahawu wan kúwonnoolemuu mata wo. Mó mújimuu, ínje ummu li kal̥awi min ubeben beb min ujantenom.

Búhiisenumabu 1:18

Injé emmuu anawu ammuu li buloŋ. Liketeenenket, bale muñeˈe ínje ummu li buloŋ boot nanoonan. Libaje kayile li eketayi, li tan bukanabuku kaketumuu kommuu.