Bakaanelabu 24:25 - Jola-Kasa

²⁵ Bale nan Fool ajeˈe alobumuu mata buloŋ bacole, mata hujokoo, li mata batiibabu bammuu li bubil, Féeliis li ákoli min aanool: — Muñeˈe luyilo ujow. Nan emmuu li ibajo, li íhooñuli.

Bakaanelabu 24:25 Referencias Cruzadas

Máciya 22:5

Bale bukanabuku kan kuhebumuu kúkaanumut min kujow, akee bata kal̥aakool, aahu kájula.

Hulimahu Hásuumaahu loon Saŋ akiic homuu 16:8

Ban nan ammuu li abil, fan áhiis bukanabuku kata adunaayi kaanaku min kujokumuu kahoofoo li wahawu wan kujokumuu loon ucoccol, li min kuyinoomuu mata batiibabu bata Ateemit, inti mo, kúguuhoguuho.

Bakaanelabu 10:42

Yéesu láanolisaan jiwaale ésukayi Hulimahu Hásuumaahu, ban li jiyiiŋen kaanaku okila Ateemit al̥usumuu boot batiib bukanabuku kaloŋumuu li kaketumuu.

Bakaanelabu 17:13

Bale nan Kusuwifaku kata Tesalonik kujamumuu kaanaku Fool ummu li kawaale foof Hulimahu hata Ateemit li ésukayi yata Beele, li kubil kákiŋul li káguul̥ búsukabu.

Bakaanelabu 17:2

Fool li anoken li eluufayi yata kal̥awaku, loon afinemuu min akaane. Fool li aŋa’ Hulimahu hata Ateemit min áwonnoo li bukanabuku kalako lómuu, jow baj kúyiiyaay kúhaaji kata kusuwifaku.

Bakaanelabu 17:32

Nan bukanabuku kujamumuu Fool li alob mata kayitowulaku kata kaketumuu li eketayi, kukee li buko li kúl̥uwool, kaabuku li koonool: — Fan jibil jijanteni nakee min ulob mata hulimahu unhu.

Bakaanelabu 2:37

Nan bukanabuku kujamumuu kulimaku kan Fiyeel alobumuu, li goliil li uyinum ŋáa’. Muñeˈe li kugel̥l̥en Fiyeel li Kufootal kaabuku kooniil: — Kútuyoli, kama muñowu áloli boot min jikaan buu?

Bakaanelabu 24:15

Liyaakaayaakaal li Ateemit loon buko foof kuyaakaalumuu li Ateemit kaanaku anoowan, acol, acolut, aketumuu fan abil ayitowumul li eketayi.

Bakaanelabu 24:26

Féeliis lanaanaak foof ayinoo li aan Fool fan asenool sídalam, mó mújimuu li anaak áhooñulool ñameeŋe kúsuumen.

Bakaanelabu 26:28

Agilifa li aan Fool: — Lonsoon luyilo ukaanom ilako akelecen yaan muñeˈe?

Bakaanelabu 9:6

Bale uyito unoken li ésukayi. Fan kulobi wahawu wan óotimuu ukaan.

Kata Lom 12:1

Kutuyom, emmuu Ateemit lababbaj li alolaal káyiyen káamak, ínje ummu kama li kawankulenuul min jisenool siniilasu sooluul saloŋumuu min silako kasila kanabe ban li kúsuumool. Muñowu jóotimuu jikaan min jimanen Ateemit li mal̥egen.

Kata Lom 14:12

Mó mújimuu, anoowan li alolaal fan abil ayito hákil Ateemit min acahenoolo akila humumool.

Kata Lom 2:16

Wahawu unwu wommuu li ubil ujuki li hunakahu nan Ateemit ammuu li ájowum li Yéesu Kilisita min atiib wahawu feh wayolomuu li buloŋabu bata bukanabuku, loon Hulimahu Hásuumaahu han iwaaleyemuu li ho hulobumuu.

1 Kata Koolent 4:5

Mó mújimuu, jakum jitiib an tówum taŋayi éliiŋ. Jikob boot nan Amaaŋenawu ammuu li abil. Okila ammuu li áŋalul li mawuŋe wahoowah feh wayoli li élim, ban li áhiis foof uyinoolawu wan bukanabuku kuyolumuu li uyinumiil. Muñeˈe anoowan li akit áyabum li Ateemit kasalaku kammuu kutookool.

2 Kata Koolent 5:10

Li mal̥egenamu, wahawu wan ukaanaalumuu alolaal foofolaal feh, fan ubil uhaasi hákil tilibinaalayi yata Kilisita, min anoowan ayab bacaamabu bata wahawu wan akaanumuu nan alakomuu buloŋ li eniilayi inye, lako majake mantee foof majakut.

2 Kata Koolent 6:2

Li mal̥egenamu, Ateemit lansaan: «Nan taŋayi yajakumuu éliiŋumuu, lísooniyensooniyen kal̥awaku kooli. Nan hunakahu húliiŋumuu boot min ifakeni, lilambenilamben.» Jijanten! Muñeˈe taŋayi yajakumuu kayab kájiyaku kata Ateemit, éliiŋe; muñeˈe taŋayi nan Ateemit ammuu li kafaken bukanabuku, eŋeje.

Kata Galasi 3:22

Bale Bakiicelabu bulollob kaanaku adunaayi foof yo feh amiikeel yoom ata kahoofoolaku. Wahawu unwu újimuu kájiyaku kan Ateemit alobumuu kasen, li kuseni káyinenumuu bale, humum hata min kúyinenumuu li Yéesu Kilisita.

Kata Galasi 5:23

kájoobi buyinum, li hujokoo. Wahawu unwu feh, eluwaayi éhilut wó.

2 Tímote 4:1

Liyaaki hákil Ateemit li hákil Yéesu Kilisita ammuu li abil atiib bukanabuku kaloŋumuu li kaketumuu. Liyaaki foof li kajaw kata ebilayi yata Kilisita li kata Jáyiiyaju joola eeni:

Eleetalayi yan Fool akiicumuu Tit 1:8

Laate alako an ayabe boola bukan jak, ban li afañ majake. Laate alako an abaje buyinum ban li acol, an ata Ateemit ban li ayili hujokoo.

Eébulo 12:21

Wahawu wan kujukumuu li úkoyileni gay Móyiis li aan: «Líkolikoli gay li inaak iteelen.»

Eébulo 3:13

Joote kama jinaak jiwankulenoo nanoonan nan uyiliyaale oonaal «síyaat» yan Bakiicelabu bulobemuu mata yo, bájum jakum an li bukuluul ahoy bánaanum, min akat kahoofoolaku min kubuntool.

Eébulo 4:1

Ateemit lalobolaalob kaanaku luyiliyaale ubajaal kayool̥owaku kan afalemuu boot li alolaal. Kayool̥owaku unku kan alobolaamuu mata ko, laloŋe li átuk tó. Kama lootaale ujukelaal to jakum bil an li bukuluul ayinoo li aan kayool̥owaku unku kufakoofak.

Eébulo 6:2

buliiken mata kábatiise li mata kawalen kuŋen li húkow hata an min l̥aw, mata kayitowul li eketayi li mata batiibabu bata boot nanoonan.

Eébulo 9:27

Emmuu ál̥ahukowan ñano bale láami li aket, fúlum tómuu Ateemit li atiibool,

Saak 2:19

Inti lúyinenyinen kaanaku Ateemit ano bale abaje? Lukooŋe. Bale uhaas oon uyinumawu wajakutumuu foof úyinenyinen kaanaku Ateemit ano bale abaje, ban li unaak uteelen.

1 Fiyeel 3:15

Jihaas li uyinumuul kaanaku Kilisita anabumuu, ammuu Amaaŋenawu. Joote jifale nanoonan jikat to, mantee an agel̥l̥enuulumuu wáa újiye li jibaj káyinenaku kan jookumuu, li jiyili jilobool mata ko.

2 Fiyeel 1:6

li jiŋa’ eyili hujokoo jifamen to li kahaasaku kan jihaasumuu Ateemit, li jiŋa’ kátuk lit jifamen to li eyili hujokoo, li jiŋa’ kákoli Ateemit jifamen to li kátuk lit.

1 Saŋ 3:10

An anaakutumuu akaan col, mantee foof afañut atuyool, anawu ummu alet añiil ata Ateemit. Muñowu lóotumaalumuu uhaasaal bukay kommuu bañiilabu bata Ateemit, li bukay kommuu bañiilabu bata Sayitaane.

1 Saŋ 3:7

Kuñoolom, jíkaanum, jakum an abuntuul. An akaane wah wacole, lakankaan an acole loon Kilisita humumool akaanumuu an acole.